FLASH NEWS
Breaking News
ചൈനീസ് അതിര്‍ത്തിക്കു സമീപം ഇന്ത്യന്‍ വ്യോമസേനാ വിമാനം കാണാതായി
Top News

ലാല്‍ ഷഹ്ബാസ് ഖലന്ദർ സ്ഫോടനം: പാകിസ്ഥാനിൽ 36 ഭീകരരെ വധിച്ചു

Friday, Feb 17, 2017,16:31 IST By സ്വന്തം ലേഖകൻ A A A

കറാച്ചി: പാകിസ്ഥാനിലെ സൂഫി ആരാധനാലയമായ ലാല്‍ ഷഹ്ബാസ് ഖലന്ദറിലുണ്ടായ ഭീകരാക്രമണത്തിനു പിന്നാലെ സുരക്ഷാ ഉദ്യോഗസ്ഥര്‍ നടത്തിയ വിവിധ തീവ്രവാദ വിരുദ്ധ റെയ്ഡുകളില്‍ 36 ഭീകരരെ വധിച്ചു.

ലാല്‍ ഷഹ്ബാസ് ഖലന്ദറിലുണ്ടായ ഐഎസ് ആക്രമണത്തില്‍ 75 പേര്‍ കൊല്ലപ്പെട്ടതിനു പിന്നാലെയാണ് നടപടി. സിന്ധ് പ്രവിശ്യയില്‍ രാത്രി മുഴുവന്‍ നീണ്ടുനിന്ന ഏറ്റുമുട്ടലില്‍ 18 ഭീകരരെ വധിച്ചുവെന്നു പാക് റേഞ്ചേഴ്സ് അറിയിച്ചു.
കറാച്ചിയില്‍ നടത്തിയ റെയ്ഡില്‍ 11 ഭീകരരും കൊല്ലപ്പെട്ടുവെന്നു പാക്ക് റേഞ്ചേഴ്സ് അറിയിച്ചു. നൂറുകണക്കിനു വിശ്വാസികള്‍ രാത്രി സൂഫി ആചാരപ്രകാരമുള്ള ആരാധനയില്‍ പങ്കെടുത്തുകൊണ്ടിരിക്കുന്നതിനിടയിലായിരുന്നു ലാല്‍ ഷഹ്ബാസ് ഖലന്ദറിലെ സ്ഫോടനം. ഒരാഴ്ചയ്ക്കുള്ളില്‍ നടക്കുന്ന അഞ്ചാമത്തെ ഭീകരാക്രമണമായിരുന്നു ഇത്.

കത്തൂരില്‍ സൂപ്പര്‍ ഹൈവേയില്‍ അര്‍ധസൈനികരുടെ വാഹനവ്യൂഹത്തിനുനേരെ നടത്തിയ ആക്രമണത്തിനിടെ ഏഴു ഭീകരരെയും വധിച്ചു. ലാല്‍ ഷഹ്ബാസ് ഖലന്ദറിലെ രക്ഷാപ്രവര്‍ത്തനത്തിനുശേഷം മടങ്ങിവരികയായിരുന്ന സൈനികരെയാണു ഭീകരര്‍ ആക്രമിച്ചത്. ഒരു പാക് സൈനികനു പരുക്കേറ്റു.