FLASH NEWS
Breaking News
പിടികൂടിയത് യഥാർത്ഥ പ്രതികളെ, ഉത്തരമേഖല ഡിജിപി
kerala

സിപിഎമ്മിനെതിരെ വെളിപ്പെടുത്തലുമായി ബിജു രമേശ്

Tuesday, Feb 13, 2018,14:35 IST By മെ‌ട്രൊ വാർത്ത A A A

തിരുവനന്തപുരം:ഭരണം കിട്ടിയ ശേഷം സിപിഎം വഞ്ചിച്ചെന്ന് ബാറുടമ ബിജു രമേശ്. ഇടതു മുന്നണി അധികാരത്തിലെത്തിയാല്‍ പൂട്ടിയ ബാറുകള്‍ തുറക്കാമെന്ന് ഉറപ്പ് നല്‍കിയത് സിപിഎം സംസ്ഥാന സെക്രട്ടറി കോടിയേരി ബാലകൃഷ്ണനാണ്. ബാര്‍ കോഴ കേസില്‍ മുന്‍മന്ത്രിയെ മാണിയെ വെള്ളപൂശിയാല്‍ സിപിഎം വഞ്ചിച്ചുവെന്ന് ജനങ്ങള്‍ കരുതും. മാണിയെ രക്ഷിക്കാന്‍ വേണ്ടിയാണ് ബാറുടമകള്‍ തെളിവ് നല്‍കാത്തത് എന്നാണ് സര്‍ക്കാര്‍ പറയുന്നത്. എന്നാല്‍ ബാറുടമകള്‍ക്ക് സര്‍ക്കാര്‍ സംരക്ഷണം നല്‍കിയാല്‍ തെളിവ് നല്‍കുമെന്നും ബിജു രമേശ് പറഞ്ഞു.

കേസില്‍ മാണിയെ പ്രതിയാക്കാനുള്ള സാഹചര്യത്തെളിവുകളോ ശാസ്ത്രീയ തെളിവുകളോ ഇല്ലെന്ന വിജിലന്‍സ് കണ്ടെത്തലെന്നാണ് സൂചന. മാണിക്കെതിരെ ആരോപണമുയര്‍ന്ന ബാര്‍ കോഴക്കേസ് അവസാനിപ്പിക്കാന്‍ വിജിലന്‍സ് തീരുമാനിച്ചിരുന്നു. വിജിലന്‍സ് ഡയറക്ടര്‍ അന്വേഷണ പുരോഗതി റിപ്പോര്‍ട്ട് കോടതിയില്‍ സമര്‍പ്പിക്കുകയും ചെയ്തു.

തുടര്‍ന്ന് ബാര്‍ കോഴ കേസില്‍ അന്വേഷണ റിപ്പോര്‍ട്ട് സമര്‍പ്പിക്കാന്‍ കോടതി 45 ദിവസം കൂടി സമയം അനുവദിച്ചിരുന്നു കേസുമായി ബന്ധപ്പെട്ട് സമര്‍പ്പിക്കപ്പെട്ട സിഡിയില്‍ കൃത്രിമമുണ്ടെന്നുള്ള ഫോറന്‍സിക് റിപ്പോര്‍ട്ടും കോടതിയില്‍ സമര്‍പ്പിച്ചിട്ടുണ്ട്. കോഴ വാങ്ങിയെന്നതിനു തെളിവില്ലെന്നും അതിനാല്‍ കേസിന്റെ അന്വേഷണം മുന്നോട്ടുകൊണ്ടു പോകാനാകില്ലെന്നുമാണ് വിജിലന്‍സ് കോടതിയെ അറിയിച്ചത്.ഇതിന് പിന്നാലെയാണ് സിപിഎമ്മിനെതിരെ ബിജു രമേശ് രംഗത്തെത്തിയിരിക്കുന്നത്.