'ഈ ശരത്കാലത്ത് പുടിനെ വിലങ്ങണിയിച്ച് കൊണ്ടുപോകും' എന്നും' പുടിന് കാര്യങ്ങള്‍ അതിവേഗം മോശമായിക്കൊണ്ടിരിക്കുകയാണ് 'എന്നും റെമെസ്‌ലോ സോഷ്യല്‍ മീഡിയയില്‍ കുറിച്ചതിന് തൊട്ടുപിന്നാലെയാണ് റെമെസ്‌ലോയുടെ അറസ്റ്റ് നടന്നത്.

റഷ്യന്‍ സൈന്യത്തെ കുറിച്ച് വ്യാജവാര്‍ത്തകള്‍ പ്രചരിപ്പിച്ചു എന്ന കുറ്റമാണ് റെമെസ്‌ലോയ്‌ക്കെതിരേയുള്ളത്. ഈ കുറ്റത്തിന് പരമാവധി 10 വര്‍ഷം വരെ തടവുശിക്ഷ ലഭിക്കാം. പുടിനെ ആദ്യം പിന്തുണച്ചിരുന്ന വ്യക്തിയായിരുന്നു ഇല്യ റെമെസ്‌ലോ. എന്നാല്‍ പിന്നീട് കടുത്ത വിമര്‍ശകനായി മാറുകയായിരുന്നു. പുടിനെതിരേ രൂക്ഷ വിമര്‍ശനം ഉന്നയിച്ചു കൊണ്ട് മാര്‍ച്ച് മാസത്തില്‍ ഇല്യ റെമെസ്‌ലോ ഒരു പ്രകടനപത്രിക പ്രസിദ്ധീകരിച്ചിരുന്നു. ഇത് റഷ്യയില്‍ പലരെയും ഞെട്ടിച്ച സംഭവമായിരുന്നു.

'വ്‌ളാഡിമിര്‍ പുടിനെ പിന്തുണയ്ക്കുന്നത് ഞാന്‍ അവസാനിപ്പിച്ചതിനുള്ള അഞ്ച് കാരണങ്ങള്‍' എന്ന തലക്കെട്ടില്‍ നവമാധ്യമമായ ടെലിഗ്രാമില്‍ ഒരു കുറിപ്പ് റെമെസ്‌ലോ പ്രസിദ്ധീകരിച്ചിരുന്നു. അത് വൈറലാവുകയും ചെയ്തു. ഇത് പുടിനെ പ്രകോപിപ്പിച്ച ഘടകമാണ്. ഈ വര്‍ഷം സെപ്റ്റംബറില്‍ പാര്‍ലമെന്‍ററി തെരഞ്ഞെടുപ്പ് നടക്കാനിരിക്കുകയാണ് റഷ്യയില്‍. അധികാരത്തില്‍ ഏതാണ്ട് പൂര്‍ണമായ നിയന്ത്രണം പുടിനുണ്ടെങ്കിലും അദ്ദേഹവും പ്രബലമായ 'യുണൈറ്റഡ് റഷ്യ' പാര്‍ട്ടിയും സമ്മര്‍ദ്ദത്തിലാണ്. സാമ്പത്തിക മാന്ദ്യവും, എണ്ണ ശുദ്ധീകരണശാലകള്‍ക്ക് നേരെയുള്ള യുക്രേനിയന്‍ ആക്രമണങ്ങള്‍ മൂലം ഉണ്ടായ ഇന്ധനക്ഷാമവും റഷ്യയെ വലിയ പ്രതിസന്ധിയിലാക്കിയിരിക്കുകയാണ്.

റഷ്യയില്‍ പുടിന്‍റെ ഏറ്റവും വലിയ വിമര്‍ശകനായിരുന്ന അലക്‌സി നവല്‍നിക്കെതിരേ ക്രെംലിന്‍ നടത്തിയ അടിച്ചമര്‍ത്തല്‍ നടപടികളെയും നവല്‍നിയെ ലക്ഷ്യമിട്ടുള്ള നീക്കങ്ങളെയും വര്‍ഷങ്ങളോളം റെമെസ്‌ലോ പിന്തുണച്ചിരുന്നു. കോടതിയില്‍ നവല്‍നിക്കെതിരെ മൊഴി നല്‍കിയ റെമെസ്‌ലോ നവല്‍നിയെ ജയിലിലാക്കുന്നതിനും പുടിനെ സഹായിച്ചിരുന്നു. 2024ല്‍ ആര്‍ട്ടിക് മേഖലയില്‍ തടവറയില്‍ വച്ച് ദുരൂഹ സാഹചര്യത്തില്‍ നവല്‍നി കൊല്ലപ്പെടുകയായിരുന്നു.

റഷ്യയിലെ എണ്ണ ശുദ്ധീകരണശാലകള്‍ക്ക് നേരെയുള്ള യുക്രെയ്നിന്‍റെ ആക്രമണങ്ങള്‍ രാജ്യവ്യാപകമായ ഇന്ധന പ്രതിസന്ധിക്ക് കാരണമാവുകയും, അഞ്ചാം വര്‍ഷത്തിലേക്ക് കടക്കുന്ന റഷ്യ-യുക്രെയ്ന്‍ യുദ്ധം സാധാരണക്കാരുടെ ജീവിതത്തെ ബാധിക്കുകയും ചെയ്തതോടെ പുടിന്‍റെ ജനപ്രീതിയില്‍ സമീപകാലത്ത് വന്‍ ഇടിവാണ് ഉണ്ടായത്.

ലോകകപ്പ് കിരീടപ്പോരിന് മുൻപ് ഇന്നലെ സ്പെയ്ൻ ടീം നടത്തിയ പരിശീലനത്തിൽ ലാമിൻ യമാലും പെഡ്രോ പോറോയും പൂർണതോതിൽ പങ്കെടുത്തില്ലെന്നാണ് വിവരം. ഇരുവരും സഹതാരങ്ങളിൽ നിന്ന് മാറി ചെറിയ തോതിൽ വ്യായാമങ്ങളിലാണ് ഏർപ്പെട്ടത്.

ഫ്രാൻസുമായുള്ള സെമി ഫൈനലിന്‍റെ 22-ാം മിനിറ്റില്‍ ഫ്രഞ്ച് ഡിഫൻഡർ ലൂക്കാസ് ഡിഗ്‌നെ പെനല്‍റ്റി ബോക്‌സില്‍വച്ച് യമാലിനെ തൊഴിച്ചുവീഴ്ത്തിയിരുന്നു. മത്സരത്തിൽ യമാൽ ഫുൾ ടൈം കളിച്ചെങ്കിലും അതിനുശേഷം വേദന കഠിനമായെന്നും ഡാളസിലെ ടീം ഹോട്ടലില്‍വച്ചു സ്‌പെയ്നിന്‍റെ മെഡിക്കല്‍ സ്റ്റാഫ് അദ്ദേഹത്തിന് ചികിത്സ നല്‍കിയെന്നും റിപ്പോര്‍ട്ടുകള്‍ പറ‍യുന്നു.

പേശിക്കേറ്റ പരുക്കുമായാണ് യമാൽ ലോകകപ്പിനെത്തിയത്. സ്പെയ്നിന്‍റെ എല്ലാ മത്സരങ്ങളിലും യമാൽ കളിച്ചെങ്കിലും ഒരു ഗോൾ മാത്രമാണ് നേടാനായത്. ഒരു അസിസ്റ്റുപോലും യമാലിന് നൽകാനായില്ല. പൂർണ കായികക്ഷമതയില്ലെന്നതു വ്യക്തമാക്കുന്നതാണ് യമാലിന്‍റെ പ്രകടനം. അതേസമയം, യമാലിന് കളിക്കാനായില്ലെങ്കിൽ ഫുട്ബോൾ ആരാധകരെ സംബന്ധിച്ച് അതു കനത്ത നഷ്ടമാകും. ലയണൽ മെസിയും യമാലും തമ്മിലെ തലമുറകളുടെ മാറ്റുരയ്ക്കലിനു സാക്ഷ്യംവഹിക്കാനായില്ലെന്ന നിരാശ എക്കാലത്തും ഫുട്ബോൾ ലോകത്തെ അലട്ടുമെന്നതിൽ സംശയമില്ല.

പാലക്കാട്: പ്ലസ് വണ്ണിന് ഫുൾ മാർക്ക് വാങ്ങിയ വിദ്യാർഥിനിയെ നേരിട്ട് അഭിനന്ദിച്ച് വിദ്യാഭ്യാസ വകുപ്പ് മന്ത്രി എൻ. ഷംസുദ്ദീൻ. മണ്ണാർക്കാട് എംഇഎസ് ഹയർ സെക്കൻഡറി സ്കൂളിലെ പൊതുപരിപാടിക്കിടെയാണ് പ്ലസ് വണ്ണിന്‍റെ ഫലം വരുന്നത്.

സ്കൂളിലെ കമ്പ്യൂട്ടർ സയൻസ് വിദ്യാർഥിനി മാളവിക കെ.കെ.യ്ക്ക് ഫുൾ മാർക്കുണ്ടായിരുന്നു. ഇത് അറിഞ്ഞ മന്ത്രി മാളവിക സ്റ്റേജിലേക്ക് വിളിച്ച് തനിക്ക് ലഭിച്ച ബൊക്ക നൽകി അഭിനന്ദിക്കുകയായിരുന്നു. സ്കൂളിൽ യങ് ഇന്നൊവേറ്റേഴ്സ് പ്രോ​ഗ്രാം വൈ ഐ പി 9.0 (സ്‌കൂള്‍) ന്റെ സംസ്ഥാനതല ഐഡിയ ലോഞ്ച്' ഉദ്ഘാടനം ചെയ്യാനാണ് മന്ത്രി എത്തിയത്.

കായികരംഗത്തെ അഴിമതി തടയുന്നതിനുള്ള പ്രത്യേക അന്വേഷണ വിഭാഗമാണ് കൽറയെ അറസ്റ്റ് ചെയ്തത്. പിന്നീട് കോടതിയിൽ ഹാജരാക്കിയ ഇയാളെ ജൂലൈ 31 വരെ റിമാൻഡ് ചെയ്തു. 2018ലെ അണ്ടർ-19 ലോകകപ്പ് ഫൈനലിൽ ഇന്ത്യയ്ക്കായി സെഞ്ചുറി നേടി ടീമിനെ കിരീടത്തിലേക്ക് നയിച്ച താരമാണ് മഞ്ജോത് കൽറ. പിന്നീട് കായിക ബിസിനസ് രംഗത്തേക്ക് കടന്ന അദ്ദേഹം ഈ വർഷം ആദ്യം ജാഫ്ന കിങ്സ് ഫ്രാഞ്ചൈസിയിൽ നിക്ഷേപം നടത്തിയിരുന്നു.

എൽപിഎൽ മത്സരങ്ങളുമായി ബന്ധപ്പെട്ട് ഒരു കളിക്കാരന് പണം വാഗ്ദാനം ചെയ്ത് സ്വാധീനിക്കാൻ ശ്രമിച്ചെന്നാണ് കൽറയ്‌ക്കെതിരായ ആരോപണം. ഏകദേശം പത്ത് ദിവസം മുമ്പാണ് സ്വാധീനിക്കാൻ ശ്രമിച്ചതെന്ന് ബന്ധപ്പെട്ട താരം അധികൃതരെ വിവരം അറിയിച്ചതോടെയാണ് അന്വേഷണം ആരംഭിച്ചതെന്നും പൊലീസ് അറിയിച്ചു. ശ്രീലങ്കൻ താരങ്ങളായ ഭാനുക രജപക്‌സ, അവിഷ്ക ഫെർണാണ്ടോ, ദുനിത് വെല്ലലഗെ എന്നിവരടക്കം അഞ്ച് പേരാണ് പരാതിയുമായി രംഗത്തെത്തിയത്.

എൽപിഎൽ 2026ന്‍റെ ഉദ്ഘാടന ദിവസമാണ് അറസ്റ്റ് നടന്നത്. ഉദ്ഘാടന മത്സരത്തിൽ ജാഫ്ന കിങ്സും ഗാലെ ഗ്ലാഡിയേറ്റേഴ്‌സും തമ്മിലാണ് ഏറ്റുമുട്ടിയത്. അഞ്ച് ടീമുകൾ പങ്കെടുക്കുന്ന ടൂർണമെന്‍റിൽ ആകെ 24 മത്സരങ്ങളാണുള്ളത്. ഓഗസ്റ്റ് എട്ടിനാണ് ഫൈനൽ.

കോഴ, വാതുവയ്പ്പ് തുടങ്ങിയ ആരോപണങ്ങളുടെ പേരിൽ എൽപിഎൽ മുമ്പും വിവാദങ്ങളിൽപ്പെട്ടിട്ടുണ്ട്. ഈ വർഷം ആദ്യം മറ്റൊരു ഫ്രാഞ്ചൈസിയുടെ ഉടമയ്ക്ക് കളിക്കാരനെ സ്വാധീനിക്കാനും വാതുവയ്പ് സംഘടിപ്പിക്കാനും ശ്രമിച്ചതായി കുറ്റം സമ്മതിച്ചതിനെ തുടർന്ന് ശ്രീലങ്കൻ കോടതി നാലു വർഷത്തെ തടവുശിക്ഷയും 2.4 കോടി ശ്രീലങ്കൻ രൂപ പിഴയും വിധിച്ചിരുന്നു.

ഇതിനിടെ, മഞ്ജോത് കൽറയുടെ സഹായി എന്നറിയപ്പെടുന്ന ഇന്ത്യൻ പൗരനായ യുവ്‌രാജ് പുഷ്പയെയും ഇതേ കേസിൽ അറസ്റ്റ് ചെയ്തിട്ടുണ്ട്. കോടതിയിൽ ഹാജരാക്കിയ ഇയാളെയും റിമാൻഡ് ചെയ്തു.

മത്സരശേഷം വിജയികൾക്കുള്ള ലോകകപ്പ് ട്രോഫി ഫിഫ പ്രസിഡന്‍റ് ജിയാനി ഇൻഫാന്‍റീനോയ്ക്കൊപ്പം ട്രംപും ചേർന്നാവും സമ്മാനിക്കുക. വ്യാഴാഴ്ച നടന്ന പത്രസമ്മേളനത്തിൽ വൈറ്റ് ഹൗസ് പ്രസ് സെക്രട്ടറി കരോലിൻ ലീവിറ്റാണ് ഇക്കാര്യം ഔദ്യോഗികമായി അറിയിച്ചത്. അമെരിക്കയുടെ ചരിത്രത്തിൽ ഏറ്റവും കൂടുതൽ ആളുകൾ കണ്ട ഏറ്റവും സുരക്ഷിതവും വിജയകരവുമായ ലോകകപ്പിന്‍റെ സമാപനത്തിനാണ് പ്രസിഡന്‍റ് സാക്ഷ്യം വഹിക്കുക എന്നും അവർ കൂട്ടിച്ചേർത്തു. ഫൈനലിനു മുന്നോടിയായി വെള്ളിയാഴ്ച ന്യൂയോർക്കിലെ ട്രംപ് ടവറിൽ നടക്കുന്ന ഫിഫ റിസപ്ഷനിലും ട്രംപ് പങ്കെടുക്കും.

കഴിഞ്ഞ രണ്ടു ലോകകപ്പുകളിലും ഫിഫ പ്രസിഡന്‍റ് ജിയാനി ഇൻഫാന്‍റീനോ തനിച്ചാണ് ജേതാക്കൾക്ക് ട്രോഫി നൽകിയിരുന്നത്. എന്നാൽ ഇത്തവണ പ്രസിഡന്‍റ് ട്രംപും താനും ഒരുമിച്ചാകും വിജയ നായകന് ലോകകപ്പ് ട്രോഫി കൈമാറുകയെന്ന് ഇൻഫാന്‍റീനോ ഫോക്സ് ന്യൂസിനു നൽകിയ അഭിമുഖത്തിൽ പറഞ്ഞു.

ഇതിനിടെ ഇറാൻ ആക്രമണങ്ങളിൽ ആശങ്കപ്പെടേണ്ട സാഹചര്യമില്ലെന്നും ജാഗ്രത പാലിക്കണമെന്നും ഖത്തർ ആഭ്യന്തര മന്ത്രാലയം അറിയിച്ചു. ജനങ്ങളോട് ശാന്തരായിരിക്കാനും തൊട്ടടുത്തുള്ള സുരക്ഷിത കേന്ദ്രങ്ങളിലേയ്ക്ക് മാറാനും അധികൃതർ നിർദേശിച്ചു.

ജനങ്ങൾ വിവരങ്ങൾക്കായി ഔദ്യോഗിക ഉറവിടങ്ങളെ മാത്രമേ ആശ്രയിക്കാവൂ എന്നും തെറ്റായ വിവരങ്ങളും സ്ഥിരീകരിക്കാത്ത ഫോട്ടോകളും വീഡിയോകളും പങ്കിടരുതെന്നും നിർദേശമുണ്ട്.

സുരക്ഷാ വിഭാഗം അതീവ ജാഗ്രത പാലിക്കുകയും പൊതു സുരക്ഷ ഉറപ്പാക്കാനും സേവനങ്ങൾക്കുമായി 24 മണിക്കൂറും പ്രവർത്തിക്കുന്നതായും മന്ത്രാലയം കൂട്ടിച്ചേർത്തു. ആക്രമണങ്ങളിൽ ഒരു കുട്ടിക്ക് പരിക്കേറ്റതായും ആവശ്യമായ വൈദ്യ ചികിത്സ ലഭിക്കുന്നുണ്ടെന്നും മന്ത്രാലയം അറിയിച്ചു.

ഫെബ്രുവരി 26നായിരുന്നു രാഹുൽ ​ഗാന്ധിയും പ്രിയങ്കാ ​ഗാന്ധിയുമടക്കമുള്ള നേതാക്കൾ പങ്കെടുത്ത തറക്കല്ലിടൽ ചടങ്ങ്. അതിന് ശേഷം നിർമാണ പ്രവർത്തികളൊന്നും മുന്നോട്ട് പോയിരുന്നില്ല. തെരഞ്ഞെടുപ്പ് കാലത്ത് തന്നെ കോൺ‌ഗ്രസിനെതിരേ ഉയർന്നു വന്ന പ്രധാന വിമർശനങ്ങളിലൊന്നായിരുന്നു ഇത്.

കോൺഗ്രസ് നൂറുവീടുകൾ നിർമിച്ചു നൽകുമെന്നായിരുന്നു പ്രഖ്യാപനമെങ്കിലും ആദ്യഘട്ടത്തിൽ 18 വീടുകളാണ് നിർമിച്ചു നൽകുക. എന്നാൽ, ആർക്കൊക്കെയാണ് ആദ്യഘട്ട വീടുകളെന്നത് വ്യക്തമല്ല.

കോൺ​ഗ്രസ് വീട് നിർമാണത്തിനായി പണം പിരിച്ചിരുന്നു. എന്നാൽ, മാസങ്ങൾ കഴിഞ്ഞിട്ടും നിർമാണം തുടങ്ങാതായതോടെയാണ് ചോദ്യങ്ങളുയർന്നത്. ഇതേ തുടർന്നാണ് മൂന്ന് മാസം മുൻപ് വീടുകൾക്ക് തറക്കല്ലിട്ടത്. ഇന്ന് ആ തറക്കല്ലുകൾ എവിടെയെന്നുപോലും വ്യക്തമല്ല. ഈ സഹചര്യത്തിലാണ് വീണ്ടും നിർമാണ് പ്രവർത്തികൾക്ക് തുടക്കമാവുന്നത്.

പവർ എക്സ്ചേഞ്ച് വഴി ആവശ്യമായ അളവിൽ വൈദ്യുതി ലഭിക്കാത്ത സാഹചര്യത്തിലാണ് നിയന്ത്രണം. അതേ സമയം സംസ്ഥാനത്തെ വൈദ്യുതി നിയന്ത്രണത്തിനെതിരേ പ്രതിഷേധം ശക്തമാണ്.

സമയം മുൻകൂട്ടി അറിയിക്കാതെയുള്ള വൈദ്യുതി നിയന്ത്രണം ജനങ്ങളെ ബുദ്ധിമുട്ടിലാക്കുന്നുണ്ടെന്നു പ്രതിപക്ഷ നേതാവ് പിണറായി വിജയൻ ആരോപിച്ചിരുന്നു. സമൂഹമാധ്യമങ്ങളിൽ കാൻഡിൽ ലൈറ്റ് ഡിന്നർ എന്ന പേരിൽ ട്രോളുകളും സജീവമാണ്.

തനിക്ക് ഡിവോഴ്സ് കിട്ടിയ ദിവസമാണ് തന്‍റെ ജീവിതത്തിലെ ഏറ്റവും മനോഹരമായ ദിവസമെന്നാണ് മോനിഷ പറയുന്നത്. എട്ടുവർഷം നീണ്ട നിയമപോരാട്ടത്തിനൊടുവിലാണ് തനിക്ക് വിവാഹമോചനം ലഭിച്ചത്. വഴക്കിടാനായി അയാൾ എപ്പോഴും കാരണങ്ങൾ കണ്ടെത്തുമായിരുന്നെന്നും അതിനായി അയാൾ തൻ വസ്ത്രം മാറുന്നതും കിടക്കപങ്കിടുന്നതുമായ ഫോട്ടോകൾ സുഹൃത്തുക്കൾക്ക് അ‍യച്ചു നൽകുമായിരുന്നെന്നും മോനിഷ പറയുന്നു.

സുഹൃത്തുക്കൾ വിളിച്ച് നിന്‍റെ ഇത്തരത്തിലുള്ള ചിത്രങ്ങൾ കണ്ടുവെന്ന പറയുമ്പോൾ മാത്രമാണ് താനീ കാര്യത്തെക്കുറിച്ച് അറിയുന്നത്. ഇത്രയ്ക്ക് നീജനായ വ്യക്തയാണെന്ന് ഞാനൊരിക്കലും ചിന്തിച്ചിട്ടില്ല. അതോടെ എനിക്ക് ആരെയും വിശ്വാസമില്ലാതായി. ഉറങ്ങുമ്പോള്‍ അയാള്‍ ഫോട്ടോ എടുക്കുമോ എന്നെല്ലാമുള്ള ചിന്തയിലായി പോയി. മറ്റുള്ളവരെ വിശ്വാസിക്കാൻ പറ്റാതായി.

വിവാഹം കഴിഞ്ഞ് കുറച്ച് നാൾ കഴിഞ്ഞപ്പോഴേക്കും അച്ഛൻ മരിച്ചു. അതോടെ ചോദിക്കാൻ‌ ആരുമില്ലെന്ന സാഹചര്യമായി. അമ്മ വിഷമിക്കുമല്ലോ എന്ന് കരുതി അമ്മയോടെ പറയാതെയായി.

വിവാഹ മോചനം ആവശ്യപ്പെട്ടപ്പോൾ പണം അങ്ങോട്ട് വേണമെന്നാണ് അയാൾ പറഞ്ഞത്. വിവാഹത്തിന് എനിക്ക് നൽകിയ 100 പവൻ സ്വർണമായിരുന്നു അയാളുടെ ആവശ്യം. അതെങ്ങനെയാണ് ഞാൻ നൽകുക. ആ ജീവിതത്തില്‍ നിന്നും പുറത്തുവരാന്‍ ഞാന്‍ കാശ് മുടക്കി ഡിവോഴ്സ് വാങ്ങി.

ഡിവോഴ്സ് ആയ ദിവസം ജഡ്ജും മുന്‍ ഭര്‍ത്താവും ഞാനും മാത്രം ആയിരുന്നു ഉണ്ടായിരുന്നത്. വളരെ സന്തോഷത്തോടെ ഞാൻ സൈന്‍ ചെയ്യുന്നത് കണ്ട ജഡ്ജി എന്നോട് ചോദിച്ചത് എന്താണ് ഇത്ര സന്തോഷം എന്നാണ്. അത്രയും സ്ട്രെസ് ആയ ജീവിതത്തില്‍ നിന്നും പുറത്തുവന്നപ്പോള്‍ എന്തെന്നില്ലാത്ത സന്തോഷം ആയിരുന്നു എനിക്ക്.

ക്ലാസിൽ നിന്നുള്ള പത്ത് മിനിറ്റ് സമയത്തെ വിഡിയോ ആണ് പുറത്തുവന്നത്. 18 വിദ്യാർഥികളാണ് ക്ലാസിലുണ്ടായിരുന്നത്. അധ്യാപിക പുറത്തേക്ക് പോകുന്നതിനു മുൻപ് കുട്ടികളോട് ബെഞ്ചിൽ തലവച്ച് കിടക്കാൻ ആവശ്യപ്പെട്ടു. ഇത് നോക്കാൻ ക്ലാസ് മോണിറ്ററോടും പറഞ്ഞു. ടീച്ചർ പോയതിനു പിന്നാലെ കുട്ടികളിൽ ഒരാൾ തലപൊക്കിയെങ്കിലും ക്ലാസ് മോണിറ്റർ തലയിൽ അടിക്കുകയായിരുന്നു. തലപൊക്കാൻ ശ്രമിച്ച മറ്റ് കുട്ടികളേയും ക്ലാസ് മോണിറ്ററായ പെൺകുട്ടി മർദിക്കുന്നുണ്ട്.

ഇതിനു പിന്നാലെയാണ് ഒരു കുട്ടി കുറച്ച് സെക്കൻഡുകൾ തല പൊക്കി പിടിച്ചത്. ഇത് കണ്ടതോടെ കുട്ടി ഇരുന്ന ഡെസ്കിലേക്ക് എത്തി നാല് തവണ അടിക്കുകയായിരുന്നു. വീണ്ടും തല പൊക്കിയപ്പോൾ ബലമായി തല താഴ്ത്തിവയ്ക്കാൻ‌ ശ്രമിച്ചു. ഇതോടെ കുട്ടി കരയാൻ തുടങ്ങി. എന്നിട്ടും പെൺകുട്ടി ബലം പ്രയോഗിച്ച് തല താഴ്ത്തിവയ്പ്പിക്കുകയായിരുന്നു. ഇതോടെ കുട്ടി എഴുന്നേറ്റ് വാതിൽ തുറന്ന് പുറത്തേക്ക് പോയി. ഇതോടെ പിന്നാലെ എത്തിയ പെൺകുട്ടി തടഞ്ഞു നിർത്തി വലിച്ചിഴച്ചുകൊണ്ടുവന്ന് സീറ്റിലിരുത്തുകയായിരുന്നു. തുടർന്ന് വാതിൽ കുറ്റിയിടുകയും ചെയ്തു. ആൺകുട്ടി ക്രൂരമായി ആക്രമിക്കപ്പെടുമ്പോൾ മറ്റ് കുട്ടികൾ തല ബെഞ്ചിൽ വച്ചിരിക്കുന്നതാണ് കാണുന്നത്. പത്ത് മിനിറ്റ് കഴിഞ്ഞ് ടീച്ചർ വാതിൽ മുട്ടിയപ്പോൾ മോണിറ്റർ പോയി വാതിൽ തുറന്നു. പിന്നാലെ കുട്ടി ടീച്ചറോട് പരാതി പറയുന്നതും വിഡിയോയിൽ കാണാം. തിരിച്ചുവീട്ടിലെത്തിയപ്പോൾ കുട്ടിയുടെ മുഖം ചുമന്ന് വീങ്ങി ഇരിക്കുന്നത് കണ്ട മാതാപിതാക്കൾ സ്കൂളിലെത്തി അന്വേഷിച്ചപ്പോഴാണ് സംഭവം പുറത്തുവന്നത്.

ബുർജ് ഖലീഫയിലെ ഡ്യൂപ്ലെക്സ് പെന്‍റ്ഹൗസിന് നേരത്തെ ലഭിച്ച 12 കോടി ദിർഹത്തിന്‍റെ വാടക റെക്കോർഡാണ് ഇതോടെ തിരുത്തിക്കുറിക്കപ്പെട്ടത്. എമിറേറ്റ്സ് ഹിൽസിലെ പ്രശസ്തമായ 'ബില്യനയർ റോ'യിലാണ് ഏഴ് കിടപ്പുമുറികളുള്ള ഈ പ്രോപ്പർട്ടി സ്ഥിതി ചെയ്യുന്നത്.

പ്രമുഖ ആഡംബര റിയൽ എസ്റ്റേറ്റ് ഡെവലപ്പറായ ലീൻ കിങ്ങിന്‍റെ മേൽനോട്ടത്തിൽ വർഷങ്ങളായുള്ള മികച്ച ആസൂത്രണത്തിലൂടെയും നവീകരണ പ്രവർത്തനങ്ങളിലൂടെയുമാണ് ഈ വില്ല ഒരുക്കിയെടുത്തത്.

തൊഴിലാളികളുടെ ജീവിതസാഹചര്യങ്ങൾ മെച്ചപ്പെടുത്തുന്നതിനൊപ്പം അവർ നേരിടുന്ന നിയമപരവും സാമൂഹികവുമായ പ്രശ്നങ്ങളിൽ സമയബന്ധിതമായി ഇടപെടാൻ ഈ കൂട്ടായ്മ സഹായിക്കും.

ഷാർജ ഗവൺമെന്‍റും പൊലീസും പ്രവാസി തൊഴിലാളികളുടെ സുരക്ഷയ്ക്കായി നടപ്പിലാക്കുന്ന വിപുലമായ ജനകീയ പദ്ധതികളെയും ബോധവൽക്കരണ പരിപാടികളെയും ഇന്ത്യൻ അസോസിയേഷൻ പ്രതിനിധികൾ അഭിനന്ദിച്ചു.

സാമൂഹിക സേവന രംഗത്ത് അസോസിയേഷനുള്ള പ്രതിബദ്ധത വ്യക്തമാക്കിയ ഭാരവാഹികൾ, വരും ദിവസങ്ങളിൽ കൂടുതൽ ശക്തമായ പങ്കാളിത്തത്തോടെ പുതിയ പദ്ധതികൾക്ക് തുടക്കം കുറിക്കുമെന്നും അറിയിച്ചിട്ടുണ്ട്. പൊലീസുമായി സഹകരിച്ച് അസോസിയേഷൻ സംഘടിപ്പിക്കുന്ന പ്രത്യേക ബോധവൽക്കരണ ക്യാമ്പുകൾ മലയാളി ഉൾപ്പെടെയുള്ള സാധാരണക്കാരായ പ്രവാസികൾക്ക് ഏറെ പ്രയോജനകരമാകും.

കോൺസുലേറ്റ് സമുച്ചയത്തിന് സമീപമുള്ള റോഡുകളുടെ നവീകരണ ജോലികൾ നടക്കുന്നതിനാലാണ് ഈ താൽക്കാലിക നിയന്ത്രണം. ഈ മൂന്ന് ദിവസങ്ങളിൽ ദുബായ് ഇന്ത്യൻ കോൺസുലേറ്റ് വഴിയുള്ള പാസ്‌പോർട്ട്, വിസ, അറ്റസ്റ്റേഷൻ സേവനങ്ങൾ ലഭ്യമായിരിക്കില്ല.

സേവനങ്ങൾ ജൂലൈ 20 തിങ്കളാഴ്ച മുതൽ സാധാരണ നിലയിൽ പുനരാരംഭിക്കും. തിങ്കളാഴ്ചത്തെ സേവനങ്ങൾക്കായി അപേക്ഷിക്കാൻ താൽപര്യമുള്ളവർക്ക് ജൂലൈ 19 ഞായറാഴ്ച രാത്രി എട്ട് മണി മുതൽ ഓൺലൈനായി അപ്പോയിന്‍റ്മെന്‍റുകൾ ബുക്ക് ചെയ്യാവുന്നതാണ്.

അബുദാബിയിലെ ഇന്ത്യൻ എംബസിയിലെ പാസ്‌പോർട്ട്, വീസ, അറ്റസ്റ്റേഷൻ സേവനങ്ങൾക്ക് ഈ നിയന്ത്രണം ബാധകമല്ലെന്നും ജൂലൈ 17-ന് അവിടെ സേവനങ്ങൾ തടസമില്ലാതെ ലഭ്യമാകുമെന്നും അധികൃതർ വ്യക്തമാക്കിയിട്ടുണ്ട്.

കോൺസൽ സർവീസുകൾ, പാസ്‌പോർട്ട് പുതുക്കൽ, പുതിയ പാസ്‌പോർട്ടിനായുള്ള അപേക്ഷകൾ, മറ്റ് അനുബന്ധ സേവനങ്ങൾ എന്നിവയിലെ അനിശ്ചിതത്വവും കാലതാമസവും പ്രവാസികളുടെ ജോലി, കുടുംബപരമായ യാത്രകൾ, അടിയന്തര ആവശ്യങ്ങൾ എന്നിവയെ സാരമായി ബാധിക്കും.

പ്രതിസന്ധിക്ക് ശാശ്വതമായ പരിഹാരം കാണുന്നതിനായി ഷാർജ ഇന്ത്യൻ അസോസിയേഷൻ നിർദ്ദേശങ്ങൾ മുന്നോട്ട് വെച്ചു.

പ്രവാസികളുടെ ദൈനംദിന പ്രശ്നങ്ങളിൽ ഇടപെടുന്ന ഷാർജ ഇന്ത്യൻ അസോസിയേഷൻ പോലുള്ള അംഗീകൃത സ്ഥാപനങ്ങളുമായി സഹകരിച്ച്, കൂടുതൽ കേന്ദ്രീകൃതമായ സേവന കേന്ദ്രങ്ങൾ സ്ഥാപിക്കുന്നത് വഴി ഈ പ്രതിസന്ധിക്ക് ഒരു പരിധി വരെ പരിഹാരം കാണാൻ സാധിക്കും.

ഇന്ത്യൻ എംബസിയുമായോ കോൺസുലേറ്റുമായോ ചേർന്ന് ഇത്തരം സേവനങ്ങൾ ആഴ്ചയിൽ എല്ലാദിവസവും സുതാര്യമായി നൽകാനുള്ള എല്ലാ സഹായസഹകരണങ്ങളും നൽകാൻ ഷാർജ ഇന്ത്യൻ അസോസിയേഷൻ തയ്യാറാണ്.

അടിയന്തര ഘട്ടങ്ങളിൽ യാത്ര ചെയ്യേണ്ടവർക്കും സാങ്കേതിക തടസ്സങ്ങൾ നേരിടുന്നവർക്കും സഹായം നൽകുന്നതിനായി പ്രത്യേക ഹെൽപ്പ് ഡെസ്‌ക് സംവിധാനം ശക്തിപ്പെടുത്തേണ്ടതുണ്ട്.

​ഇക്കാര്യത്തിൽ ബന്ധപ്പെട്ട അധികാരികൾ അടിയന്തരമായി ഇടപെടുകയും, പ്രവാസികളുടെ ബുദ്ധിമുട്ടുകൾ ലഘൂകരിക്കുന്നതിന് ആവശ്യമായ നടപടികൾ സ്വീകരിക്കുകയും ചെയ്യണമെന്ന് അഭ്യർഥിച്ചതായി പ്രദീപ് നെന്മാറ പറഞ്ഞു.

ഹോർമൂസ് കടലിടുക്കിലൂടെയുള്ള എണ്ണ ഗതാഗതം പുനരാരംഭിച്ചില്ലെങ്കിൽ ലോകം വലിയ പ്രതിസന്ധിയെ നേരിടേണ്ടി വരുമെന്ന് അദ്ദേഹം പറഞ്ഞു. വ്യാഴാഴ്ച കൗൺസിൽ ഓൺ ഫോറിൻ റിലേഷൻസിൽ നടന്ന ഒരു യോഗത്തിൽ സംസാരിക്കവേ എണ്ണ സുരക്ഷ ഇപ്പോഴും ഗുരുതരമായ ഒരു പ്രശ്നമാണെന്ന് ബിറോൾ പറഞ്ഞു. അടുത്ത ഏതാനും ആഴ്ചകൾക്കുള്ളിൽ സ്ഥിതി മെച്ചപ്പെടുന്നില്ലെങ്കിൽ നമ്മൾ കൂടുതൽ പ്രതിസന്ധിയിലാകുമെന്നും ബിറോൾ പറഞ്ഞു. ഇറാൻ യുഎസുമായി ചർച്ചകൾ തുടരുകയാണെന്നും കരാറിലെത്താൻ ലക്ഷ്യമിടുന്നതായും വൈറ്റ് ഹൗസ് അറിയിച്ചതിനു പിന്നാലെയാണ് ബിറോളിന്‍റെ പ്രസ്താവന. ഫെബ്രുവരി 28ന് യുഎസും ഇസ്രയേലും ഇറാനെ ആക്രമിച്ചതിനു ശേഷം വളരെക്കാലമായി ബാധിക്കപ്പെടുകയും ഹോർമൂസ് അടച്ചിടപ്പെടുകയും ചെയ്തു.

നിയന്ത്രണം മുൻ കൂട്ടി അറിയിക്കാത്തത് ജനങ്ങളെ ബുദ്ധിമുട്ടിലാക്കുന്നുണ്ടെന്നും അദ്ദേഹം കൂട്ടിച്ചേർത്തു. വൈദ്യുതി ലഭ്യതയിൽ കുറവുണ്ടാകാം. അതു മുൻകൂട്ടിക്കണ്ട് വാങ്ങാൻ നടപടി സ്വീകരിക്കണമെന്നും പിണറായി പറഞ്ഞു.

സർക്കാർ മുൻ കൂട്ടി നടപടികളൊന്നും സ്വീകരിച്ചിരുന്നില്ല. വൈദ്യുതി കരാറുമായി വിയോജിപ്പോടെ മുന്നോട്ടു പോകാനായിരുന്നു എൽഡിഎഫ് സർക്കാർ തീരുമാനിച്ചിരുന്നത്. കരാർ റദ്ദാക്കിയത് റെഗുലേറ്ററി കമ്മിഷനാണെന്നും അദ്ദേഹം കൂട്ടിച്ചേർത്തു.

രോഗി ശ്വാസം കിട്ടാതെ ബുദ്ധിമുട്ടിയപ്പോൾ കെഎസ്ഇബിയിൽ വിളിച്ചുവെന്നും തങ്ങൾക്കൊന്നും ചെയ്യാനാകില്ല എന്നായിരുന്നു മറുപടിയെന്നും ബന്ധുക്കൾ ആരോപിക്കുന്നു. രാത്രി 12 മണിയോടെ കറന്‍റ് പോയതോടെയാണ് കൃ‌ഷ്ണന്‍റെ ഓക്സിജൻ ലെവൽ കുറഞ്ഞത്. എന്തു കൊണ്ട് ഇൻവേർട്ടർ വാങ്ങിയില്ല എന്നാണ് കെഎസ്ഇബി ഉദ്യോഗസ്ഥർ തങ്ങളോട് ചോദിച്ചതെന്നും ബന്ധുക്കൾ ആരോപിക്കുന്നു.

ഭരിക്കുന്നവരോട്.... നിങ്ങൾ ഈ നാടിനെ ഇരുട്ടിൽ ആക്കുമ്പോൾ... നിങ്ങൾ ഓർക്കണം.... ആരും അറിയപ്പെടാതെ ഇതു പോലെ ജീവനുകൾ ശ്വാസം കിട്ടാതെ നഷ്ടപെടുന്നു എന്ന സത്യം....എല്ലാവർക്കും ഓക്സിജൻ സിലിണ്ടർ ഇൻവെർട്ടർ മേടിക്കാനുള്ള വരുമാനം ഉണ്ടാകില്ല എന്നും ആരോഗ്യ പ്രവർത്തകയായ ചിത്ര അഭയ് ഫെയ്സ്ബുക്കിൽ കുറിച്ചിട്ടുണ്ട്.

വിവിധ രാഷ്ട്രീയ സംഘടനകൾ നേരത്തെ തന്നെ പിന്തുണ അറിയിച്ചിട്ടും കോൺഗ്രസ് ഔദ‍്യോഗികമായി പ്രതിഷേധത്തിന് പിന്തുണ അറിയിക്കാത്തത് വലിയ വിമർശനങ്ങൾക്ക് ഇടയാക്കിയിരുന്നു.

ഇതിനു പിന്നാലെയാണ് കോൺഗ്രസ് പിന്തുണയുമായി രംഗത്തെത്തിയിരിക്കുന്നത്. അനിശ്ചിത കാല നിരാഹാര സമരത്തിലുള്ള സോനം വാങ്ചുക്കിന്‍റെ ആരോഗ‍്യനിലയിൽ ആശങ്ക പ്രകടിപ്പിക്കുകയും പ്രതിഷേധം കണക്കിലെടുക്കാതെ മുന്നോട്ടു പോകുന്ന കേന്ദ്ര സർക്കാരിനെതിരേ ഒറ്റക്കെട്ടായി നീങ്ങണമെന്ന് പവൻ ഖേര പറഞ്ഞു.

കോൺഗ്രസ് നേതാവ് ശശി തരൂർ സമരത്തിന് പരസ‍്യമായി പിന്തുണ നൽകിയിട്ടും ലോക്സഭാ പ്രതിപക്ഷ നേതാവ് രാഹുൽ ഗാന്ധി സമരത്തിന് പിന്തുണ അറിയിക്കാത്തതാണ് വിമർശനത്തിന് കാരണമായത്. കോൺഗ്രസും പിന്തുണ നൽകിയതോടെ വരും ദിവസങ്ങളിൽ സിജെപിയുടെ സമരം ശക്തമാകാനാണ് സാധ‍്യത.

സംഭവത്തിൽ പ്രതികരണവുമായി അലോഷ്യസ് സേവ്യർ രംഗത്തെത്തിയിട്ടുണ്ട്. കെഎസ്‌യുക്കാരുടെ ചോരയും നീരുമാണ് ഈ സർക്കാരെന്നും തെറ്റ് ചൂണ്ടിക്കാട്ടുക മാത്രമാണ് താൻ ചെയ്തതെന്നും അലോഷ്യസ് സേവ്യർ പറഞ്ഞു. സമ്മുന്നതരെ കാണുമ്പോൾ ചിരിക്കുക എന്നതാണ് താൻ പഠിച്ച രാഷ്ട്രീയമെന്നും മുഖ്യമന്ത്രി തിരിച്ചു ചിരിക്കാത്തതിന് മറുപടിയില്ലെന്നും അദ്ദേഹം പ്രതികരിച്ചു.

തെറ്റ് ചൂണ്ടിക്കാട്ടിയത് മാത്രമാണ് ഞാൻ ചെയ്ത തെറ്റ്. ആ തെറ്റ് ഇനിയും ആവർത്തിക്കുക തന്നെ ചെയ്യും. ഇത് വിമർശനമായി കാണേണ്ടതില്ല. മുഖ്യമന്ത്രിയെ കാണാൻ കഴിയാത്തത് തെറ്റായി കാണുന്നില്ല. ഇനിയും മുഖ്യമന്ത്രിയെ കാണാൻ ശ്രമിക്കുമെന്നും ​ഗവൺമെന്‍റ് പ്ലീഡർ വിഷയത്തിൽ ആശങ്കകൾ പങ്കുവെക്കുമെന്നും അലോഷ്യസ് വ്യക്തമാക്കി.

വൈപ്പിൻ: ലോകമെമ്പാടുമുള്ള ഫുട്ബോൾ ആരാധകരുടെ ഏറ്റവും വലിയ സ്വപ്നങ്ങളിലൊന്നാണ് ഫിഫ ലോകകപ്പ് മത്സരം സ്റ്റേഡിയത്തിലിരുന്ന് നേരിൽ കാണുക. ടെലിവിഷൻ സ്ക്രീനിൽ മിന്നിമറയുന്ന ഓരോ പാസും ഓരോ ഗോളും ആവേശത്തോടെ ആസ്വദിക്കുന്ന ആരാധകന്‍റെ മനസിൽ, ഒരിക്കലെങ്കിലും ആ ഗാലറിയിൽ ഇരുന്ന് ലോകകപ്പിന്‍റെ ഹൃദയമിടിപ്പ് അനുഭവിക്കണമെന്ന ആഗ്രഹം എന്നും ജീവിച്ചിരിക്കും.

ആ സ്വപ്നം യാഥാർഥ്യമാകാൻ ഒരു പടി മാത്രം ബാക്കി നിൽക്കേ, വിധി മറ്റൊരു തീരുമാനം എഴുതിവെച്ച ഒരാളുണ്ട്. വൈപ്പിൻ നായരമ്പലം സ്വദേശി ടി.ആർ. സോമൻ.

2022-ലെ ഖത്തർ ഫിഫ ലോകകപ്പ് നേരിൽ കാണാനുള്ള എല്ലാ ഒരുക്കങ്ങളും പൂർത്തിയായിരുന്നു. യാത്ര ഉറപ്പായിരുന്നു. എന്നാൽ അപ്രതീക്ഷിതമായ ചില സാഹചര്യങ്ങൾ കാരണം അവസാന നിമിഷം ആ യാത്ര ഉപേക്ഷിക്കേണ്ടിവന്നു. ജീവിതത്തിലെ ഏറ്റവും വലിയ കായികസ്വപ്നങ്ങളിലൊന്ന് കൺമുന്നിൽ നിന്ന് വഴുതിപ്പോയ ആ നിമിഷം ഇന്നും അദ്ദേഹത്തിന്‍റെ മനസിൽ മായാത്ത ഓർമയാണ്.

കൊച്ചിൻ ഷിപ്പ്യാർഡിലെ എഞ്ചിനീയറായി ദീർഘകാലം സേവനമനുഷ്ഠിച്ച ശേഷം വിരമിച്ച 74-കാരനായ ടി.ആർ. സോമൻ, കായികരംഗത്തെ സ്നേഹിച്ച ഒരാൾ മാത്രമല്ല. അതിനെ ജീവിതത്തിന്‍റെ ഭാഗമാക്കിയ വ്യക്തിയാണ്. 1973-ൽ ഷിപ്പ്യാർഡിൽ ജോലിയിൽ പ്രവേശിച്ച അദ്ദേഹം അമേച്വർ അത്‌ലറ്റിക്‌സിലൂടെയും പിന്നീട് മാസ്റ്റേഴ്‌സ് അത്‌ലറ്റിക്‌സിലൂടെയും ശ്രദ്ധേയ പ്രകടനങ്ങൾ കാഴ്ചവച്ചു. ജില്ല, സംസ്ഥാന, ദേശീയ തലങ്ങളിലായി അനേകം മത്സരങ്ങളിൽ പങ്കെടുത്ത് മെഡലുകളും ട്രോഫികളും സ്വന്തമാക്കി. വിജയങ്ങൾക്കപ്പുറം കായികമൂല്യങ്ങളെ നെഞ്ചോട് ചേർത്ത ജീവിതമായിരുന്നു അദ്ദേഹത്തിന്‍റേത്. ലോകകപ്പ് മത്സരം നേരിൽ കാണാനായില്ലെങ്കിലും, ആ സ്വപ്നത്തെ മനസിൽ നിന്ന് മായ്ക്കാൻ അദ്ദേഹം തയാറായില്ല. ടൂർണമെന്‍റ് അവസാനിച്ച് ദിവസങ്ങൾക്കകം ഭാര്യ ശ്രീദേവിയോടൊപ്പം ഖത്തറിലെത്തി ലോകകപ്പിന് വേദിയായ എട്ട് സ്റ്റേഡിയങ്ങളും സന്ദർശിച്ചു. മത്സരങ്ങളുടെ ആരവം അവസാനിച്ചിരുന്നെങ്കിലും ഓരോ സ്റ്റേഡിയത്തിനും പറയാനുണ്ടായിരുന്ന കഥകൾ അദ്ദേഹത്തെ ആഴത്തിൽ സ്പർശിച്ചു.

യാത്രയുടെ ഓർമയായി ഫിഫ ലോകകപ്പിന്‍റെ മാതൃകാ ട്രോഫിയും ലോകകപ്പ് ഫുട്ബോളിന്‍റെ മാതൃകയും അദ്ദേഹം സ്വന്തമാക്കി. വർഷങ്ങളായി നേടിയ മെഡലുകൾക്കും ട്രോഫികൾക്കുമൊപ്പം അവയും ഇന്ന് അദ്ദേഹത്തിന്‍റെ വീട്ടിൽ അമൂല്യ നിധികളായി സൂക്ഷിച്ചിരിക്കുന്നു. അവ വെറും ശേഖരവസ്തുക്കളല്ല. കൈവിട്ടുപോയ ഒരു സ്വപ്നത്തിന്‍റെ ജീവിക്കുന്ന ഓർമകളാണ്. 2023 മുതൽ മാസ്റ്റേഴ്‌സ് അത്‌ലറ്റിക്‌സിൽ നിന്ന് വിട്ടുനിൽക്കുകയാണെങ്കിലും കായികരംഗത്തോടുള്ള ആവേശത്തിന് ഇന്നും ഒട്ടും കുറവില്ല. ഫിഫ ലോകകപ്പിലെ ഓരോ മത്സരവും അദ്ദേഹം ശ്രദ്ധയോടെ കാണുകയും ഓരോ ടീമിന്‍റെയും പ്രകടനം സൂക്ഷ്മമായി വിലയിരുത്തുകയും ചെയ്യുന്നു. ഫുട്ബോളിനെക്കുറിച്ച് സംസാരിക്കാൻ തുടങ്ങിയാൽ നൂറുനാവാണ് ടി.ആർ. സോമന്‍. ബ്രസീൽ ക്വാർട്ടർ ഫൈനലിൽ എത്താതെ പുറത്തായത് വലിയ നിരാശയുണ്ടാക്കിയെന്ന് അദ്ദേഹം തുറന്നുപറയുന്നു. ഫൈനൽ മത്സരം എന്നും ലോകഫുട്ബോളിന്‍റെ ഉത്സവമാണെന്നും അത് ആവേശകരവും പ്രവചനാതീതവുമായിരിക്കുമെന്നുമാണ് അദ്ദേഹത്തിന്‍റെ വിലയിരുത്തൽ.

ഇത്തവണത്തെ ലോകകപ്പിന്‍റെ സവിശേഷതകളെക്കുറിച്ചും അദ്ദേഹത്തിന് വ്യക്തമായ അഭിപ്രായമുണ്ട്. ആദ്യമായി ലോകകപ്പിൽ പങ്കെടുത്ത ചെറുദ്വീപ് രാഷ്ട്രമായ കാബോ വെർദെയുടെ പോരാട്ടവീര്യം ടൂർണമെന്‍റിലെ ഏറ്റവും ശ്രദ്ധേയ കാഴ്ചകളിലൊന്നായിരുന്നുവെന്ന് അദ്ദേഹം ചൂണ്ടിക്കാട്ടുന്നു. പുറത്തായ ടീമിന് സ്വന്തം നാട്ടിൽ ലഭിച്ച ഊഷ്മള വരവേൽപ്പ് ലോകകായികരംഗത്തിന് നൽകിയ വലിയ സന്ദേശമായിരുന്നുവെന്നും അദ്ദേഹം പറയുന്നു. ഒരു സ്വപ്നം കൈവിട്ടെങ്കിലും...

ചില സ്വപ്നങ്ങൾ പൂവണിയില്ല. പക്ഷേ, അവ ജീവിതത്തിൽ മായാത്ത അടയാളങ്ങൾ പതിപ്പിക്കും. ടി.ആർ. സോമന്‍റെ ലോകകപ്പ് സ്വപ്നവും അത്തരത്തിലൊന്നാണ്. മത്സരം നേരിൽ കാണാൻ കഴിഞ്ഞില്ല. എന്നാൽ ലോകകപ്പിന്‍റെ ചരിത്രം കുറിച്ച സ്റ്റേഡിയങ്ങളിലൂടെ നടന്ന ആ യാത്ര അദ്ദേഹത്തിന്‍റെ മനസിൽ മറ്റൊരു ലോകകപ്പ് അനുഭവം സമ്മാനിച്ചു. കാരണം, യഥാർഥ ആരാധകർക്ക് ഫുട്ബോൾ ഒരു കളി മാത്രമല്ല. അത് ജീവിതകാലം മുഴുവൻ ഹൃദയത്തിൽ ജ്വലിച്ചുകൊണ്ടിരിക്കുന്ന ഒരു വികാരമാണ്.

ഉത്തേജക മരുന്ന് ഉപയോഗിച്ചതായി താരം സമ്മതിച്ചിട്ടുണ്ടെങ്കിലും മത്സരത്തിനിടയ്ക്കല്ല മരുന്ന് ഉപയോഗിച്ചതെന്നാണ് താരത്തിന്‍റെ വിശദീകരണം. ഇതിന് കായികരംഗത്തെ പ്രകടനവുമായി ബന്ധമില്ലെന്ന് താരം തെളിയിക്കുകയും ചെയ്തു.

ഫെബ്രുവരി 7ന് നെതർലൻഡ്സിനെതിരായ മത്സരം മുതൽ‌ മേയ് 1 വരെയുള്ള മത്സരങ്ങളിലെ നവാസിന്‍റെ റെക്കോഡുകൾ അയോഗ‍്യമാക്കിയിട്ടുണ്ട്. ഐസിസി വാർത്താക്കുറിപ്പിലൂടെയാണ് ഇക്കാര‍്യം അറിയിച്ചത്. ഇന്ത‍്യയിലും ശ്രീലങ്കയിലുമായി നടന്ന ടി20 ലോകകപ്പിനിടെയാണ് നവാസിനെ ഉത്തേജക മരുന്ന് പരിശോധനയ്ക്ക് വിധേയനാക്കിയത്. അന്ന് നവാസിന്‍റെ സാംപിളുകൾ ശേഖരിച്ച് പരിശോധനയ്ക്ക് അയച്ചിരുന്നുവെങ്കിലും ഇപ്പോഴാണ് ഫലം പുറത്തുവരുന്നത്.

വിദ്യാർഥികൾ ബിരുദം പൂർത്തിയാക്കി 30 ദിവസത്തിനകം തിരിച്ചു പോകുകയോ, സ്കൂളിൽ നിന്ന് മാറുകയോ സ്റ്റാറ്റസ് മാറ്റുകയോ ചെയ്യണമെന്നും വ്യക്തമാക്കിയിട്ടുണ്ട്. മുൻപ് 60 ദിവസമായിരുന്നു കാല പരിധി.

നിലവിൽ വിദ്യാഭ്യാസ വിസ വിദ്യാഭ്യാസം പൂർത്തിയാക്കുന്നതു വരെ മാത്രമേ ലഭിക്കുകയുള്ളൂ. ഓപ്ഷണൽ പ്രാക്റ്റിക്കൽ ട്രെയിനിങ് വഴി ബിരുദം നേടിയ ശേഷം 3 വർഷം വരെ രാജ്യത്ത് തുടരാം.

മാധ്യമപ്രവർത്തകർക്ക് 240 ദിവസം വരെ രാജ്യത്ത് തുടരാം. ചൈനീസ് പൗരന്മാർ ആണെങ്കിൽ 90 ദിവസം വരെയാണ് അനുവദിച്ചിരിക്കുന്നത്. മുൻപ് നിശ്ചിത കാലഘട്ടം നിയമത്തിൽ പ്രതിപാദിക്കാത്തതിനാൽ വർഷങ്ങളോളം തുടരാൻ കഴിയുമായിരുന്നു.

പതിറ്റാണ്ടുകളോളമായി വിദേശ വിദ്യാർഥികൾ യുഎസിൽ അനിശ്ചിതകാലത്തോളം തുടരുകയാണെന്നും അതു കുടിയേറ്റ നിയമത്തെ ചൂഷണം ചെയ്യുന്നതാണെന്നും ഡിഎച്ച് സെക്രട്ടറി മാർക്വെയ്ൻ മുള്ളിൻ പറയുന്നു. അതു കൊണ്ടു തന്നെ വിദ്യാർഥികൾ പഠനത്തിൽ ശ്രദ്ധ കേന്ദ്രീകരിക്കുക. പഠനം പൂർത്തിയാക്കിയാൽ സ്വന്തം നാട്ടിലേക്ക് തിരിച്ചു പോകുക എന്നും പ്രസ്താവനയിലുണ്ട്.

നിങ്ങൾ നിങ്ങളുടെ കടമ നിർവഹിക്കുന്നില്ലെങ്കിൽ നിങ്ങളുടെ പേരിനൊപ്പം ഡോക്റ്റർ എന്ന് ചേർക്കാൻ നിങ്ങൾക്ക് യാതൊരു അവകാശവുമില്ല. നിങ്ങളുടെ ആശുപത്രിയിൽ സൗകര്യമില്ലെന്ന വാദം അംഗീകരിക്കാനാവില്ല. അങ്ങയായിരുന്നെങ്കിൽ തന്നെ നിങ്ങൾക്ക് അല്പമെങ്കിലും മനുഷ്യത്വമുണ്ടായിരുന്നെങ്കിൽ ആ കുഞ്ഞിനൊപ്പം മറ്റൊരു ആശുപത്രിയിലേക്ക് നിങ്ങളും പോകുമായിരുന്നു. പക്ഷേ, അവൾ പാവപ്പെട്ടവളായത് കൊണ്ടും നിങ്ങളുടെ ഫീസ് നൽകാൻ കഴിവില്ലാത്തത് കൊണ്ടും നിങ്ങൾ അവളെ അവ​ഗണിച്ചുവെന്നും ചീഫ് ജസ്റ്റിസ് പറഞ്ഞു.

സംഭവത്തിൽ പിഴയെന്ന നിലയിൽ പെൺകുട്ടിയുടെ കുടുംബത്തിന് ആശുപത്രികൾ സ്വമേധയാ സാമ്പത്തികസഹായം നൽകണമെന്നും അതിൽ വീഴ്ചവരുത്തിയാൽ ഉയർന്ന തുക നൽകാൻ ഉത്തരവിടുമെന്നും സുപ്രീംകോടതി വ്യക്തമാക്കി.

കഴിഞ്ഞ മാർച്ച് 16-നാണ് ​ഗാസിയാബാദിൽ നാലുവയസുകാരി ബലാത്സം​​ഗത്തിനിരയായി കൊല്ലപ്പെട്ടത്. വീടിന്‍റെ മുറ്റത്ത് കളിക്കുകയായിരുന്ന പെൺകുട്ടിയെ അയൽവാസിയാണ് ചോക്ലേറ്റ് നൽകി പ്രലോഭിപ്പിച്ച് കൂട്ടിക്കൊണ്ടുപോയി ബലാത്സം​ഗംചെയ്യുകയായിരുന്നു. ഏറെനേരം കഴിഞ്ഞിട്ടും കുട്ടിയെ കാണാതായതോടെ വീട്ടുകാർ‌ നടത്തിയ തെരച്ചിലിൽ ​ഗുരുതരമായി പരുക്കേറ്റ് ചോരയിൽ കുളിച്ചനിലയിൽ പെൺകുട്ടിയെ കണ്ടെത്തി.

കുട്ടിയെ ഗാന്ധിയാബാദിലെ 2 സ്വകാര്യ ആശുപത്രികളിൽ കൊണ്ടുപോയെങ്കിലും ഇവിടെയൊന്നും ചികിത്സ നൽകാൻ തയ്യാറായില്ല. തുടർന്ന് കുട്ടിയെ ​ഗാസിയാബാദിലെ ജില്ലാ ആശുപത്രിയിൽ എത്തിച്ചെങ്കിലും അപ്പോഴേക്കും മരണം സംഭവിച്ചിരുന്നു.

അതേസമയം, പരുക്കേറ്റനിലയിൽ കണ്ടെത്തി രണ്ടുമണിക്കൂറോളം മകൾക്ക് ജീവനുണ്ടായിരുന്നതായാണ് നാലുവയസുകാരിയുടെ പിതാവ് പറയുന്നു. ആദ്യം എത്തിച്ച സ്വകാര്യ ആശുപത്രികളിൽ ചികിത്സ നൽകിയിരുന്നെങ്കിൽ ജീവൻ രക്ഷിക്കാൻ കഴിയുമായിരുന്നുവെന്നും പിതാവ് അവകാശപ്പെട്ടു. സുപ്രീംകോടതി നിയോ​​ഗിച്ച പ്രത്യേക അന്വേഷണസംഘവും പിതാവിന്‍റെ ആരോപണത്തിൽ കഴമ്പുണ്ടെന്നും ആശുപത്രികളിൽ ചികിത്സ കിട്ടിയില്ലെന്നും കണ്ടെത്തി. തുടർന്ന് കേസ് സുപ്രീംകോടതിയുടെ പരി​​ഗണനയ്ക്ക് എത്തിയപ്പോഴാണ് ആശുപത്രികൾക്കെതിരേയും ഡോക്റ്റർമാർക്കെതിരേയും ചീഫ് ജസ്റ്റിസ് സൂര്യകാന്ത് രൂക്ഷ വിമർശനമുന്നയിച്ചത്.