വുൾഫ്ഗാങ് വാഷിച്ചെക് (57) എന്ന പർവതാരോഹകൻ ആണ് മരിച്ചത്. തിങ്കളാഴ്ച രാവിലെ 6,200 മീറ്ററോളം (20,341 അടി) ഉയരത്തിലുള്ള ക്യാംപ് മൂന്നിൽ നിന്നാണ് ഇദ്ദേഹത്തെ കാണാതായത്. ഇറങ്ങാനുള്ള ഒരുക്കങ്ങൾക്കിടെയായിരുന്നു സംഭവം. തുടർന്ന് ഹെലികോപ്റ്റർ സഹായത്തോടെ നടത്തിയ തെരച്ചിലിൽ 4,500 മീറ്ററോളം ഉയരത്തിൽ നിന്ന് മൃതദേഹം കണ്ടെത്തുകയായിരുന്നു. മൃതദേഹം പോസ്റ്റ്മോർട്ടത്തിനായി കാഠ്മണ്ഡുവിൽ എത്തിച്ചു.

ഒക്റ്റോബർ 25ന് വാഷിച്ചെക്കും ഗൈഡ് സോനം ലാമയും കൊടുമുടിയുടെ മുകളിൽ എത്തിയിരുന്നു. അന്നുതന്നെ വൈകിട്ട് ക്യാംപ് മൂന്നിൽ തിരിച്ചെത്തുകയും ചെയ്തു. ഇതിനുശേഷം പർവതാരോഹണത്തിന് ഉപയോഗിച്ച കടം വാങ്ങിയ ഉപകരണങ്ങൾ തിരികെ നൽകാനായി ഗൈഡ് ക്യാംപ് പരിസരത്ത് നിന്ന് അൽപസമയത്തേക്ക് മാറി. സുരക്ഷാ ഉപകരണങ്ങളുമായി അവിടെത്തന്നെ കാത്തിരിക്കാൻ വാഷിച്ചെക്കിനോട് ആവശ്യപ്പെട്ട ശേഷമായിരുന്നു ഇത്. എന്നാൽ മിനിറ്റുകൾക്കകം ഗൈഡ് തിരിച്ചെത്തിയപ്പോൾ വാഷിച്ചെക്കിനെ കാണാനില്ലായിരുന്നു.

എവറസ്റ്റ് കൊടുമുടിക്ക് സമീപത്തെ ഖുംബു മേഖലയിലാണ് അമാ ദബ്ലം സ്ഥിതിചെയ്യുന്നത്. ഹിമാലയത്തിലെ പ്രശസ്തമായ കൊടുമുടികളിലൊന്നായ ഇവിടെ കുത്തനെയുള്ളതും അപകടസാധ്യതയേറിയതുമായ മലഞ്ചെരിവുകളും സാങ്കേതികമായി വെല്ലുവിളി നിറഞ്ഞ പാതകളുമുണ്ട്. സെപ്റ്റംബർ മുതൽ നവംബർ വരെയുള്ള സമയമാണ് ഇവിടെ പർവതാരോഹണത്തിന് അനുയോജ്യമായ കാലം.

2002ൽ പുറത്തിറങ്ങിയ 'കല്യാണരാമൻ' സംവിധാനം ചെയ്തത് ഷാഫിയാണ്. ബെന്നി പി. നായരമ്പലം കഥയും തിരക്കഥയും സംഭാഷണവും ഒരുക്കിയ ചിത്രം ലാൽ ക്രിയേഷൻസിന്‍റെ ബാനറിൽ ലാൽ ആണ് നിർമിച്ചത്. മലയാളികളുടെ എക്കാലത്തെയും പ്രിയപ്പെട്ട കോമഡി എന്‍റർടെയ്നറുകളിൽ ഒന്നായ 'കല്യാണരാമൻ' വീണ്ടും ബിഗ് സ്ക്രീനിലേക്ക് എത്തുമ്പോൾ പ്രേക്ഷകർ ഏറെ ഉറ്റുനോക്കുന്നത് ചിത്രത്തിലെ രാമൻകുട്ടിയും പോഞ്ഞിക്കരയും പ്യാരിയും ഒന്നിക്കുന്ന ദിലീപ് - ഇന്നസെന്‍റ് - സലിംകുമാർ കോംബോ തന്നെയാകും.

റീ റിലീസിൽ ഏറെ വിജയം കൈവരിച്ച ദേവദൂതൻ, ചോട്ടാ മുബൈ, കിരീടം എന്നീ ചിത്രങ്ങളുടെ റീമാസ്റ്ററിങ് ചെയ്ത ഹൈ സ്റ്റുഡിയോസാണ് കല്യാണരാമനും അത്യാധുനിക 4K ദൃശ്യനിലവാരത്തിലും ഡോൾബി അറ്റ്മോസ് ശബ്ദമികവിലുമായി ഒരുക്കുന്നത്.

ദിലീപ്, കുഞ്ചാക്കോ ബോബൻ, ലാലു അലക്സ്, ലാൽ, നവ്യ നായർ, ജ്യോതിർമയി എന്നിവർ പ്രധാന വേഷങ്ങളിലെത്തിയ ചിത്രത്തിൽ ഇന്നസെന്‍റ്, സലിം കുമാർ, ലാൽ, ലാലു അലക്സ്, ബോബൻ ആലുമ്മൂടൻ, ഉണ്ണികൃഷ്ണൻ നമ്പൂതിരി, കൊച്ചുപ്രേമൻ തുടങ്ങിയ വലിയൊരു താരനിരയും അണിനിരക്കുന്നു. കൈതപ്രം ദാമോദരൻ നമ്പൂതിരി രചിച്ച ചിത്രത്തിലെ ഹിറ്റ് ഗാനങ്ങൾക്ക് സംഗീതം പകർന്നത് ബേണി–ഇഗ്നേഷ്യസ് ആണ്. പി. സുകുമാർ ഛായാഗ്രഹണം നിർവഹിക്കുന്ന ചിത്രത്തിന്‍റെ എഡിറ്റർ ഹരിഹരപുത്രൻ ആണ്. പിആർഒ: പി. ശിവപ്രസാദ്.

2010ൽ റിലീസ് ചെയ്ത ചിത്രം പതിനാറ് വർഷങ്ങൾക്ക് ശേഷമാണ് റീറിലീസ് ചെയ്യുന്നത്. ലിജോ ജോസ് പെല്ലിശ്ശേരി സംവിധാനം ചെയ്ത ആദ്യ ചിത്രമാണിത്. തന്‍റെ കുടുംബത്തെ ഇല്ലാതാക്കിയവരോട് പ്രതികാരം ചെയ്യാൻ എത്തുന്ന വരദനുണ്ണി എന്ന കഥകളി കലാകാരനെയാണ് ഇന്ദ്രജിത്ത് അവതരിപ്പിച്ചത്.

പി.എസ്. റഫീക്കിന്‍റെ രചനയിൽ പുറത്തിറങ്ങിയ ചിത്രത്തിൽ തിലകന്‍, ജഗതി ശ്രീകുമാര്‍, ധന്യ മേരി വര്‍ഗീസ്, സിദ്ദിഖ്, വിജയരാഘവൻ, ലാലു അലക്‌സ്, കലാശാല ബാബു, ചെമ്പൻ വിനോദ് ജോസ്, ശ്രീജിത്ത് രവി, അനിൽ മുരളി തുടങ്ങിയവരും സുപ്രധാന വേഷങ്ങളിലുണ്ട്. ഇല്യുമിനാറ്റോ ഫിലിംസിന്‍റെ ബാനറിൽ അനൂപ് ജോൺസൺ കരേടൻ ആണ് ചിത്രം നിർമിച്ചത്.

റിലീസ് വേളയിൽ ചിത്രം പരാജയപ്പെട്ടെങ്കിലും ഇന്ദ്രജിത്തിന്‍റെ അഭിനയ കരിയറിലെ മികച്ച പ്രകടനങ്ങളിൽ ഒന്നാണ് വരദനുണ്ണി എന്ന കഥാപാത്രം. ദേവദൂതൻ, ഛോട്ടാ മുംബൈ, കിരീടം എന്നീ സിനിമകളുടെ റീറിലീസ് വിജയത്തിന് ശേഷം ഹൈ സ്റ്റുഡിയോസ് ആണ് നായകന്‍ 4K ഡോൾബി അറ്റ്മോസിൽ റീമാസ്റ്ററിംഗ് ചെയ്യുന്നത്. ഹൈസിൻ ഗ്ലോബൽ വെഞ്ചേഴ്സ് ആണ് ചിത്രം തിയറ്ററുകളിൽ എത്തിക്കുന്നത്. പ്രശാന്ത് പിള്ളയുടെ ശ്രദ്ധേയമായ സംഗീതവും നോൺ-ഇൻട്രൂസീവ് സ്കോറും സിനിമയിലെ മറ്റ് ആകർഷക ഘടങ്ങളാണ്.

ന്യൂസിലൻഡ് ടീമിൽ മൂന്ന് മാറ്റങ്ങൾ. നേഥൻ സ്മിത്ത്, മാറ്റ് ഹെൻറി, ലോക്കി ഫെർഗൂസൻ എന്നിവർക്കു പകരം ആഡം മിൽനി, കൈൽ ജാമീസൺ, മാത്യു ഫിഷർ എന്നിവർ ടീമിലെത്തി.

ചാന്ദ്നി ചൗക്ക്, സദാർ ബസാർ, ഖാരി ബാവോലി, ഭഗീരഥ് പാലസ് അടക്കമുള്ള ഡൽഹിയിലെ പ്രധാനപ്പെട്ട വ‍്യാപാര കേന്ദ്രങ്ങളിലെ കച്ചവടത്തെ ബാധിക്കുമെന്ന് ചൂണ്ടിക്കാട്ടിയാണ് കത്തയച്ചിരിക്കുന്നത്.

ദീപാവലി അടുത്തുവരുന്നതിനാൽ അതിനോടനുബന്ധിച്ചുള്ള ആഘോഷങ്ങളിൽ ഷോപ്പിങ്ങിനായി നിരവധി പേർ എത്തുന്ന സമയമാണിതെന്നും 10 ലക്ഷത്തോളം ആളുകളും 20,000ത്തോളം വാഹനങ്ങളും എത്തിച്ചേരുന്നത് ഗതാഗത കുരുക്കിന് കാരണമാകുമെന്നും ഇത് വാണിജ‍്യ കേന്ദ്രങ്ങളിലെ പ്രവർത്തനങ്ങളെ ബാധിക്കുമെന്നും വ‍്യാപാരികൾ പറഞ്ഞു.

എന്നാൽ ജ്ഞാനേഷ് കുമാറിനെ പുറത്താക്കാൻ പ്രധാനമന്ത്രി നരേന്ദ്രമോദിയോട് പറയൂവെന്നും അങ്ങനെയെങ്കിൽ 30 സെക്കൻഡിനുള്ളിൽ പ്രതിഷേധം അവസാനിക്കുമെന്നുമായിരുന്നു തിങ്കളാഴ്ച രാഹുൽ ഗാന്ധി എക്സിൽ കുറിച്ചത്.

വിഷയം കോടതിയുടെ ശ്രദ്ധയിൽപ്പെടുത്തിയ മുതിർന്ന അഭിഭാഷകൻ ഗൗരവ് ഭാട്ടിയ, നിലവിൽ പരിഗണനയിലുള്ള ഒരു ഹർജിയിൽ ഇതുസംബന്ധിച്ച അപേക്ഷ നൽകിയിട്ടുണ്ടെന്ന് അറിയിച്ചു. കോടതി വളപ്പിൽ വനിതാ മാധ്യമപ്രവർത്തകയെ കൈയേറ്റം ചെയ്തതായും അദ്ദേഹം ആരോപിച്ചു.

രാഹുൽ ഗാന്ധി പെട്ടെന്ന് മാധ്യമപ്രവർത്തകയെ ഗേറ്റിന് നേരെ തള്ളിയെന്നും ശക്തമായ തള്ളലിൽ ബാലൻസ് നഷ്ടപ്പെട്ട് വീഴുകയും ചെയ്തെന്നാണ് ആരോപണം. സുരക്ഷാ ഉദ്യോഗസ്ഥരുടെയും മാധ്യമപ്രവർത്തകരുടെയും മറ്റുള്ളവരുടെയും സാന്നിധ്യത്തിൽ പരസ്യമായാണ് സംഭവം നടന്നതെന്നും പറയുന്നു. സംഭവത്തിൽ രാഹുൽ ഗാന്ധിക്കും മറ്റുള്ളവർക്കുമെതിരേ ഉടൻ എഫ്ഐആർ രജിസ്റ്റർ ചെയ്യാനും നഷ്ടപരിഹാരം നൽകാനും നിർദേശിക്കണമെന്നാണ് അപേക്ഷയിലെ ആവശ്യം.

വോട്ടർപട്ടികയുടെ പ്രത്യേക തീവ്ര പരിഷ്കരണത്തിലെ (എസ്ഐആർ) ക്രമക്കേടുകൾക്കെതിരേ ഹർജി നൽകാൻ രാഹുൽ ഗാന്ധിയും പ്രതിപക്ഷ നേതാക്കളും സുപ്രീം കോടതിയിൽ എത്തിയപ്പോഴാണ് സംഭവം നടന്നത്.

നിലവിൽ തെലങ്കാന ഹൈക്കോടതി ജഡ്ജിയായ ജസ്റ്റിസ് പി. സാം കോശിയെ ഡൽഹി ഹൈക്കോടതി ചീഫ് ജസ്റ്റിസായാണ് ശുപാർശ ചെയ്തത്. ഗുജറാത്ത് ഹൈക്കോടതി ജഡ്ജിയായ ജസ്റ്റിസ് മനാഷ് രജ്ഞൻ പഥക്കിനെ അതേ ഹൈക്കോടതിയുടെ ചീഫ് ജസ്റ്റിസായി ശുപാർശ ചെയ്തു. കൽക്കട്ട ഹൈക്കോടതി ജഡ്ജിയായ ജസ്റ്റിസ് തപബ്രത ചക്രബർത്തിയെ തെലങ്കാന ഹൈക്കോടതി ചീഫ് ജസ്റ്റിസായി നിയമിക്കാൻ ശുപാർശ നൽകി. പട്ന ഹൈക്കോടതി ജഡ്ജിയായ ജസ്റ്റിസ് സുധീർ സിങ്ങിനെ ഉത്തരാഖണ്ഡ് ഹൈക്കോടതി ചീഫ് ജസ്റ്റിസായാണ് ശുപാർശ ചെയ്തത്.

'സംസ്ഥാനത്തും നമ്മുടെ രാജ‍്യത്തും ലോകമെമ്പാടും ഒരു വലിയ ചോദ‍്യമാണ് ഇപ്പോൾ ഉയർന്നുവന്നിരിക്കുന്നത്. കേരളത്തിൽ തന്നെ ധാരാളം കുട്ടികൾ കൊറിയൻ സിനിമകൾ കാണുന്നു. ആ അക്രമവാസനകൾ, ഞാൻ ഏതെങ്കിലും ഒരു രാജ‍്യത്തെ കുറ്റപ്പെടുത്തുകയല്ല. പല സിനിമകളും കുട്ടികളുടെ അക്രമവാസനകളെ പ്രോത്സാഹിപ്പിക്കുന്നതിനുള്ള പരാതികൾ ജനങ്ങളിൽ നിന്നു തന്നെ ഉയർന്നു വരുന്നു.

പലരാജ‍്യങ്ങളിലുമുള്ള ക്രൈം സിനിമകൾ കാണാനുള്ള അവസരങ്ങളിൽ നിന്നും ഉണ്ടാകുന്നുണ്ട്. ക്രൈം വാസന വർധിപ്പിക്കുകയാണ്, ഓൺലൈൻ ഗെയിമിങ്ങിലൂടെയുള്ള വർധനവ്. എന്‍റെ മണ്ഡലത്തിലുള്ള കുട്ടി സ്വന്തം മുത്തച്ഛനെ കൊന്നത് കാണാൻ വേണ്ടിയിട്ട് മൊബൈലിലൂടെ കണ്ടുകൊണ്ടിരിക്കുകയാണ് കൊല്ലുന്നത്. ആ കുട്ടിക്ക് യാതൊരു പശ്ചാത്താപവുമില്ല. 13 വയസുള്ള കുട്ടി ഓൺലൈനിലൂടെ ഇത് കണ്ടുകൊണ്ടിരിക്കുകയാണ്.

അക്രമവാസന വർധിക്കുന്നതും ഓൺലൈൻ ഗെയിമിങ്ങിലൂടെ കുട്ടികൾ ആത്മഹത‍്യ ചെയ്യുന്നതും ഉൾപ്പടെയുള്ള ധാരാളം സംഭവങ്ങൾ നമ്മുടെ നാട്ടിൽ നടക്കുകയാണ്. അത് തടയാൻ വേണ്ടിയാണ് 'സൈബർ സേഫ് കേരള' എന്ന പദ്ധതി ആവിഷ്കരിക്കുന്നത്. പൊലീസിന് വലിയ ഉത്തരവാദിത്വമുണ്ട്. വിപുലമായ തോതിൽ പദ്ധതി നടപ്പാക്കാനാണ് സർക്കാർ ഉദ്ദേശിക്കുന്നത്'. രമേശ് ചെന്നിത്തല പറഞ്ഞു.

മാജിക് മൂണിന്‍റെ ബാനറിൽ രാജീവ് ഗോവിന്ദൻ നിർമിക്കുന്ന ചിത്രത്തിന്‍റെ ചിത്രീകരണം പൂർത്തിയാക്കി പോസ്റ്റ് പ്രൊഡക്ഷൻ ജോലികൾ പുരോഗമിച്ചു വരുന്നു. ഓരോ തവണയും ഏറെ കൗതുകകരമായ ലുക്കുകളാണ് മായന്‍റേതായി പുറത്തുവിട്ടിട്ടുള്ളത്. ഡിസംബർ മൂന്നിന് ചിത്രം പ്രദർശനത്തിനെ ത്തുന്നതിന്‍റെ ഭാഗമായിട്ടാണ് ഓരോ അപ്ഡേഷനുകളും എത്തുന്നത്.

ചിത്രത്തിന്‍റെ പ്രമേയത്തിലും വലിയ പുതുമയാണ് അവകാശപ്പെടുന്നത്. സത്യവും മിഥ്യയും കൈ കോർക്കുന്ന ചിത്രം വിപരീത ആരാധനാക്രമങ്ങളെ പിന്തുടരുന്ന ഒരു സമൂഹത്തിന്‍റെ കഥ ഫാന്‍റസി ത്രില്ലർ ഴോണറിൽ അവതരിപ്പിക്കുകയാണ് ജിതിൻ കെ. ജോസ്.

നൈല ഉഷ, വിജയ് ബാബു, ആർഷ ബൈജു, നിരഞ്ജന അതുൽ, ജിബിൻ ഗോപിനാഥ്, മുബിൻ എം. റാഫി, വൈഷ്ണവി എന്നിവരും ചിത്രത്തിലെ പ്രധാന അഭിനേതാക്കളാണ്. പ്രശസ്‌ത തിരക്കഥാകൃത്തും സംവിധായകനുമായ റാഫിയും സംവിധയകൻ ജിതിൻ കെ. ജോസും ചേർന്നാണ് തിരക്കഥ രചിച്ചിരിക്കുന്നത്. സംഗീതം - മുജീബ് മജീദ്. ഛായാഗ്രഹണം - ഫൈസൽ അലി. എഡിറ്റിങ് - പ്രവീൺ കുമാർ. പിആർഒ വാഴൂർ ജോസ്.

എന്നാൽ ഇത് സംബന്ധിച്ച് സൂചന നൽകിയിരിക്കുകയാണ് താരം. 'നിലവിൽ ശുഭ്മൻ ഗില്ലാണ് എന്‍റെ ക‍്യാപ്റ്റൻ. എനിക്ക് 2027ലെ ലോകകപ്പ് കളിക്കണം. അതിനാൽ അവനെ എനിക്ക് സന്തോഷവാനാക്കണം'. രോഹിത് പറഞ്ഞു.

ഒരു റിയാലിറ്റി ഷോയ്ക്കിടെയായിരുന്നു രോഹിത് ഇക്കാര‍്യം വ‍്യക്തമാക്കിയത്. 2027ന് ശേഷം ടി20 ക്രിക്കറ്റിലേക്ക് തിരിച്ചുവരണമെങ്കിൽ ശ്രേയസ് അയ്യരെയും ഞാൻ സന്തോഷിപ്പിച്ച് നിർത്തേണ്ടിവരും. അതിനാൽ എനിക്ക് അവർ രണ്ടുപേരെയും ആവശ‍്യമാണ്. രോഹിത് തമാശ രൂപേണ പറഞ്ഞു.

2026ൽ 12 ഏകദിന മത്സരങ്ങൾ കളിച്ച രോഹിത് ശർമയ്ക്ക് 50.33 ബാറ്റിങ് ശരാശരിയുണ്ട്. താരത്തിന് ലോകകപ്പ് ടീമിലേക്ക് ഇടം ലഭിക്കാനുള്ള സാധ‍്യത തള്ളി കളയാനാവില്ല. ഫോമും സ്ഥിരതയുമായിരിക്കും ബിസിസിഐ പരിഗണിക്കുക.

ലോകകപ്പുകളിൽ 28 മത്സരങ്ങളിൽ നിന്നും 7 സെഞ്ചുറിയും 6 അർധസെഞ്ചുറിയും നേടിയിട്ടുള്ള താരത്തിന് 60.57 ബാറ്റിങ് ശരാശരിയുണ്ട്. എന്നാൽ ദക്ഷിണാഫ്രിക്കയിൽ രോഹിത്തിന്‍റെ ബാറ്റിങ് ശരാശരി അത്ര മികച്ചതല്ല. വിദേശ സാഹചര‍്യങ്ങളിലാകട്ടെ 121 മത്സരങ്ങളിൽ നിന്നും 41.63 ആണ് രോഹിത്തിന്‍റെ ബാറ്റിങ് ശരാശരി.

അപസ്മാരം ബാധിച്ചതായി അഭിനയിച്ചാണ് തടവുകാർ രക്ഷപ്പെടാനുള്ള പദ്ധതി നടപ്പാക്കിയത്. ഒരാൾക്ക് ഗുരുതരമായ ആരോഗ്യപ്രശ്നമുണ്ടെന്നും അടിയന്തര സഹായം വേണമെന്നും സെല്ലിലുണ്ടായിരുന്ന മറ്റു തടവുകാർ ഡ്യൂട്ടിയിലുണ്ടായിരുന്ന വാർഡനെ അറിയിച്ചു. സഹായിക്കാനായി ജയിൽ ജീവനക്കാർ സെല്ലിന്‍റെ വാതിൽ തുറന്ന് അകത്തുകടന്നതോടെ തടവുകാർ പെട്ടെന്ന് ആക്രമണം നടത്തുകയായിരുന്നു. സുരക്ഷാ ജീവനക്കാരെ കീഴടക്കി പുറത്തുകടന്ന തടവുകാരുടെ ആക്രമണത്തിൽ മൂന്ന് ഉദ്യോഗസ്ഥർക്ക് പരുക്കേറ്റു.

ചൊവ്വാഴ്ച രാവിലെ പ്രവീൺ കുമാർ, ശിലംബരശൻ, രാജ സിക്കന്ദർ, രാജ്കുമാർ എന്നീ തടവുകാരെ വീണ്ടും പിടികൂടിയതായി പൊലീസ് അറിയിച്ചു. ദക്ഷിണ മേഖലാ ഐജി വിജയേന്ദ്ര ബിദാരി തടവുകാരെ കണ്ടെത്താൻ 17 പ്രത്യേക സംഘങ്ങളെ നിയോഗിച്ചു. സമീപജില്ലയായ ദിണ്ടിഗലിലും വാഹനപരിശോധന ശക്തമാക്കി. രക്ഷപ്പെട്ടവരിൽ പലരും മധുരൈയിലും സമീപപ്രദേശങ്ങളിലുമുള്ളവരാണ്. പശ്ചിമഘട്ടത്തിലെ വനമേഖലകളിലും ഇടുക്കി ജില്ലയോട് ചേർന്നുള്ള പ്രദേശങ്ങളിലും പരിശോധന തുടരുകയാണ്. ജയിലിലെ ഗുരുതരമായ സുരക്ഷാവീഴ്ച അന്വേഷിക്കാൻ ഉന്നതതല അന്വേഷണം ആരംഭിച്ചതായി ബന്ധപ്പെട്ട വൃത്തങ്ങൾ അറിയിച്ചു.

രാഷ്ട്രീയ വിവാദത്തിന് തിരികൊളുത്തി

സംഭവം തമിഴ്നാട്ടിൽ രാഷ്ട്രീയ വിവാദത്തിനും വഴിവച്ചു. ഭരണകക്ഷിയായ ടിവികെയെയും മുഖ്യമന്ത്രി സി. ജോസഫ് വിജയിനെയും വിമർശിച്ച് പ്രതിപക്ഷം രംഗത്തെത്തി. തേനി ജില്ലാ ജയിലിൽ നിന്ന് 17 തടവുകാർ രക്ഷപ്പെട്ടുവെന്ന വാർത്ത ഞെട്ടിക്കുന്നതാണെന്ന് എഐഎഡിഎംകെ ജനറൽ സെക്രട്ടറി എടപ്പാടി കെ. പളനിസ്വാമി പ്രസ്താവനയിൽ പറഞ്ഞു. അഭിഭാഷകരുടെ നിയമനത്തിലെ അഴിമതിയും സർക്കാരിനെതിരായ കോടതി കേസുകളും കാരണം നിയമവകുപ്പ് പരിഹാസ്യമായെന്നും വൈദ്യുതി വാങ്ങലിലെ അഴിമതി ആരോപണങ്ങളും തുടർച്ചയായ വൈദ്യുതി മുടക്കവും വൈദ്യുതി വകുപ്പിനെ പ്രതിസന്ധിയിലാക്കിയെന്നും അദ്ദേഹം ആരോപിച്ചു. ഇപ്പോൾ ജയിൽവകുപ്പും ഈ പട്ടികയിൽ ഇടംപിടിച്ചിരിക്കുകയാണ്. ഈ മൂന്ന് വകുപ്പുകളും കൈകാര്യം ചെയ്യുന്നത് ഒരേ മന്ത്രിയാണെന്നതാണ് ഇതിലെ പ്രത്യേകതയെന്നും അദ്ദേഹം പരിഹസിച്ചു.

മന്ത്രി ആർ. നിർമൽ കുമാറിന്‍റെ ഭരണനൈപുണ്യത്തെ പരിഹസിച്ച പളനിസ്വാമി, ചെന്നൈയിലെ പുഴൽ ജയിലിൽ നിന്ന് നേരത്തേ രണ്ട് തടവുകാർ രക്ഷപ്പെട്ട സംഭവവും ചൂണ്ടിക്കാട്ടി. ജയിൽപോലും സുരക്ഷിതമല്ലാത്ത സാഹചര്യത്തിൽ, കാവൽക്കാരെ ആക്രമിച്ച് തടവുകാർ രക്ഷപ്പെടുമ്പോൾ സാധാരണക്കാർക്ക് റോഡുകളിൽ എങ്ങനെ സുരക്ഷ ഉറപ്പാക്കാനാകുമെന്നും അദ്ദേഹം ചോദിച്ചു. രക്ഷപ്പെട്ടവരെ ഉടൻ പിടികൂടി ജയിലിലെത്തിക്കണമെന്നും ക്രമസമാധാനപാലനത്തിൽ സർക്കാർ കൂടുതൽ ശ്രദ്ധിക്കണമെന്നും അദ്ദേഹം ആവശ്യപ്പെട്ടു.

ജയിൽചാട്ടം ടിവികെ സർക്കാരിന്‍റെ നാണംകെട്ട പരാജയമാണെന്ന് ബിജെപി മുഖ്യ വക്താവ് നാരായണൻ തിരുപ്പതി എക്സിൽ കുറിച്ചു. ഒരു സെല്ലിൽ ഇത്രയധികം വിചാരണത്തടവുകാരെ പാർപ്പിച്ചതും ആരോഗ്യപ്രശ്നമുണ്ടെന്ന അവകാശവാദം പരിശോധിക്കാതെ സെൽ തുറന്നതും ഗുരുതരമായ വീഴ്ചയാണെന്നും അദ്ദേഹം ആരോപിച്ചു. സംഭവത്തിന് ഉത്തരവാദികളായ ഉദ്യോഗസ്ഥർക്കെതിരേ നടപടിയെടുക്കണമെന്നും ജയിൽവകുപ്പിന്‍റെ സുരക്ഷാവീഴ്ചയ്ക്ക് സർക്കാർ വിശദീകരണം നൽകണമെന്നും അദ്ദേഹം ആവശ്യപ്പെട്ടു.

ജോജു ജോർജ് സംവിധാനം ചെയ്ത പണി എന്ന ചിത്രത്തിലൂടെ പ്രേക്ഷക ശ്രദ്ധ നേടിയ സാഗർ സൂര്യ പ്രകമ്പനം സിനിമയിലൂടെ വീണ്ടും പ്രേഷകരുടെ അംഗീകാരം നേടി. ഇപ്പോൾ ഭൗമ എന്ന ചിത്രത്തിലെ സുപ്രധാനമായ കഥാപാത്രത്തെയാണ് അവതരിപ്പിക്കുന്നത്.

പാശ്ചാത്യ സംസ്‌കാരവും മഞ്ഞണിഞ്ഞ മനോഹരമായ പശ്ചാത്തലവും ദുരൂഹതകളും ,ഒക്കെ കോർത്തിണക്കി ഒരു മിസ്റ്ററി ത്രില്ലർ സിനിമയാണ് റെജിൻ എസ്. ബാബു അവതരിപ്പിക്കുന്നത്. ആറ്റസ് ഫിലിംസിന്‍റെ ബാനറിൽ ബസം കാദിയാറാണ് ചിത്രം നിർമിക്കുന്നത്.

ദിലീഷ് പോത്തൻ, വിനീത്, വിജയ് ബാബു, ജാഫർ ഇടുക്കി, രഘുനാഥ് പലേരി, സെന്തിൽ കൃഷ്‌ണ, മധുപാൽ, മണിക്കുട്ടൻ, ഭഗത് മാനുവൽ, സജിൻ ചെറുകയിൽ, ബിപിൻ പെരുമ്പള്ളി, ലെന, മെറിൻ ഫിലിപ്പ്, മോക്ഷ സെൻ ഗുപ്‌ത, രേവതി ശർമ, കാവ്യ ഭാനു, അനിത നായർ, പ്രവീണ, നിൽജ, ജെയിൻ ആൻഡ്രൂസ്, ബിനോജ് വില്യ, അപർണ ജോൺസ്, നസ്‌ലിൻ ജമീല, നൗഷാദ്, എൻ.പി. നിസ എന്നിവരും പ്രധാന വേഷങ്ങളിലെത്തുന്നു.

കഥ - ഡോണി കടമ്മനിട്ട, സംഗീതം - ക്രിസ്റ്റോ സേവ്യർ, ഛായാഗ്രഹണം - ശരൺ വേലായുധൻ, എഡിറ്റിങ് - സൂരജ് ഇ.എസ്. പിആർഒ വാഴൂർ ജോസ്.

അഞ്ചോ അതിലധികമോ ആളുകൾ കൂട്ടംചേരുന്നതിനും ആയുധങ്ങൾ വഹിക്കുന്നതിനും റാലികളോ പ്രതിഷേധങ്ങളോ ജാഥകളോ നടത്തുന്നതിനും വിലക്കേർപ്പെടുത്തിയിട്ടുണ്ട്. വിദ്വേഷ പ്രസംഗങ്ങളോ രാജ്യവിരുദ്ധ പ്രസംഗങ്ങളോ നടത്തുന്നതും നിരോധിച്ചു.

ഒക്റ്റോബർ 23നാണ് സിഖ്, വാൽമീകി സമുദായങ്ങൾ തമ്മിൽ സംഘർഷമുണ്ടായത്. നഹാൻ‌ ടൗണിലെ വാൽമീകി ചൗക്കിൽ സിഖ് സമുദായം സ്വാഗത കവാടം സ്ഥാപിക്കുന്നതിനെച്ചൊല്ലിയായിരുന്നു സംഘർഷം. ഇതോടെ പിന്തുണയുമായി ഹിമാചൽ പ്രദേശ്, ഹരിയാന, ചണ്ഡിഗഢ്, പഞ്ചാബ് എന്നിവിടങ്ങളിൽ നിന്ന് സിഖ്, വാൽമീകി സമുദായ അംഗങ്ങൾ പ്രതിഷേധിക്കാൻ നഹാൻ ടൗണിൽ എത്തുമെന്ന റിപ്പോർട്ടിനെ തുടർന്നാണ് നിരോധനാജ്ഞ പ്രഖ്യാപിച്ചത്.

സംഘർഷത്തിൽ ഇരുവിഭാഗവും തമ്മിൽ കല്ലേറുണ്ടാവുകയും മൂന്ന് പൊലീസുകാർക്കടക്കം 14 പേർക്ക് പരുക്കേൽക്കുകയും ചെയ്തിരുന്നു. സർക്കാർ, സ്വകാര്യ വാഹനങ്ങൾ തകർക്കുകയും ചെയ്തു. നിലവിൽ പൊലീസ് ഇടപെടലിലൂടെ സ്ഥിതിഗതികൾ നിയന്ത്രണവിധേയമായെങ്കിലും പ്രദേശത്ത് സംഘർഷ സാധ്യത തുടരുകയാണ്.

എന്നാൽ സിബിഐ തന്നെ വേട്ടയാടുക‍യാണെന്നും കുറ്റകൃത‍്യത്തിൽ ഉൾപ്പെടുന്ന വിഐപികളെ ചോദ‍്യം ചെയ്യുന്നതിന് പകരം അങ്കിത ഭണ്ഡാരിയുടെ കൊലപാതകത്തിൽ നീതി ആഗ്രഹിക്കുന്നവരെയാണ് സിബിഐ ചോദ‍്യം ചെയ്യുന്നതെന്ന് അദ്ദേഹം പറഞ്ഞു. താൻ ഡൽഹിയിലെത്തിയതായും സിബിഐ ആസ്ഥാനത്ത് ഹാജരാകുമെന്നും അദ്ദേഹം കൂട്ടിച്ചേർത്തു.

കേസിൽ സിബിഐ അന്വേഷണം വേണമെന്ന് 2022 മുതൽ ആവശ‍്യപ്പെട്ടുകൊണ്ടിരുന്ന വ‍്യക്തിയാണ് അശുതോഷ് നേഗി. ഈ കൊലപാതകവുമായി ബന്ധപ്പെട്ട അന്വേഷണം റിപ്പോർട്ട് ചെയ്തതിന്‍റെ പേരിൽ ഉത്തരാഖണ്ഡ് പൊലീസ് 2024 മാർച്ചിൽ നേഗിയെ അറസ്റ്റ് ചെയ്തിരുന്നു. പിന്നീട് ജാമ‍്യത്തിൽ വിടുകയായിരുന്നു.

ഉത്തരാഖണ്ഡിലെ പൗരി ഗർവാൾ ജില്ലയിലുള്ള വനാന്ത്ര റിസോർട്ടിൽ ജോലി ചെയ്തിരുന്ന അങ്കിത ഭണ്ഡാരിയെ 2022 സെപ്റ്റംബർ 18നാണ് കാണാതാകുന്നത്. പിന്നീട് ദിവസങ്ങൾക്കു ശേഷം കനാലിൽ നിന്നും മൃതദേഹം കണ്ടെടുക്കുകയായിരുന്നു. ഉത്തരാഖണ്ഡിൽ വലിയ പ്രതിഷേധത്തിന് കാരണമായ സംഭവമായിരുന്നു ഇത്. റിസോർട്ട് ഉടമ പുൽകിത് ആര‍്യ അടക്കം മൂന്ന് പേരെ കേസിൽ ജീവപര‍്യന്തത്തിന് ശിക്ഷിച്ചു. പിന്നീട് കേസുമായി ഒരു വിഐപിക്ക് ബന്ധമുണ്ടെന്ന് കുടുംബം ആരോപണം ഉന്നയിക്കുകയായിരുന്നു.

മുൻ ബിജെപി എംഎൽഎ ഊർമിള സനവാർ ഡിസംബറിൽ പുറത്തുവിട്ട ഒരു വിഡിയോയ്ക്ക് പിന്നാലെയാണ് ഈ ആവശ‍്യം ശക്തമായത്. ഗട്ടു എന്ന് വിളിപ്പേരുള്ള വ‍്യക്തിയാണ് വിഐപിയെന്നും ഇത് ദുഷ‍്യന്ത് കുമാറാണെന്നും അവകാശപ്പെടുന്നതായിരുന്നു വിഡിയോ. പ്രതിഷേധങ്ങൾക്കൊടുവിൽ 2026 ജനുവരി 9ന് ഉത്തരാഖണ്ഡ് മുഖ‍്യമന്ത്രി പുഷ്കർ സിങ് ധാമി സിബിഐ അന്വേഷണത്തിന് ശുപാർശ ചെയ്തു. തുടർന്ന് സിബിഐ ഫെബ്രുവരി നാലിന് കേസിലെ പ്രത‍്യേക അന്വേഷണ സംഘത്തിന്‍റെ റിപ്പോർട്ടും എഫ്ഐആറും മറ്റ് രേഖകളും ഏറ്റെടുക്കുകയും തിരിച്ചറിയാത്ത വിഐപിക്കെതിരേ കേസെടുക്കുകയും ചെയ്തു. എന്നാൽ സിബിഐ ആരുടെയും പേര് വെളിപ്പെടുത്തിയിട്ടില്ല.

ഐസിഐസിഐ ഗ്രൂപ്പിൽ ദീർഘകാലം പ്രവർത്തിച്ചിട്ടുള്ള ബാഗ്ചി, മൂന്ന് പതിറ്റാണ്ടിലേറെ പഴക്കമുള്ള എച്ച്‌ഡിഎഫ്‌സി ബാങ്കിന്‍റെ തലപ്പത്തെത്തുന്ന ആദ്യത്തെ പുറത്തുനിന്നുള്ള വ്യക്തിയാണ്. ഐസിഐസിഐ പ്രുഡൻഷ്യൽ ലൈഫ് ഇൻഷുറൻസിന്‍റെ എംഡിയും സിഇഒയുമായിരുന്നു അദ്ദേഹം. വരുമാന വളർച്ചയും ലാഭമാർജിനും ഉൾപ്പെടെ നിരവധി വെല്ലുവിളികൾ നേരിടുന്ന സാഹചര്യത്തിലാണ് ബാഗ്ചി എച്ച്ഡിഎഫ്സി ബാങ്കിന്‍റെ ചുമതലയേൽക്കുന്നത്.

ബാഗ്ചി ചുമതലയേൽക്കുന്നതിന് മുൻപ്, ബാങ്കിന്‍റെ ഡെപ്യൂട്ടി മാനേജിങ് ഡയറക്റ്ററായ കൈസാദ് ഭരൂച്ച ഈ വർഷം ഡിസംബറോടെ വിരമിക്കാനുള്ള താത്പര്യം അറിയിച്ചിരുന്നു. ഭരണനിർവഹണത്തിലെ പോരായ്മകൾ സംബന്ധിച്ച ആരോപണങ്ങൾക്കിടെയായിരുന്നു ശശിധർ ജഗദീശൻ പുറത്തുപോകുന്നത്. നിക്ഷേപകർക്ക് ഉയർന്ന പലിശ നൽകിക്കൊണ്ട് വലിയ നിക്ഷേപങ്ങൾ സമാഹരിച്ച രീതിയിൽ വീഴ്ചകളുണ്ടായതായി ബാങ്കിന്‍റെ ആഭ്യന്തര അന്വേഷണത്തിൽ കണ്ടെത്തിയിരുന്നു. ഈ നടപടിയുടെ പേരിൽ ജഗദീശന് പിഴയും ചുമത്തിയിരുന്നു.

ചൊവ്വാഴ്ച രാവിലെ 9.56ന് ബോംബെ സ്റ്റോക്ക് എക്സ്ചേഞ്ചിൽ എച്ച്‌ഡിഎഫ്‌സി ബാങ്കിന്‍റെ ഓഹരികൾ 0.07 ശതമാനം ഉയർന്ന് 688.70 രൂപയിലാണ് വ്യാപാരം നടത്തിയത്.

തിങ്കളാഴ്ച രാത്രിയോടെയാണ് വിഷയത്തിനാസ്പദമായ സംഭവം നടന്നത്. തെളിവെടുപ്പിനായി പ്രതിയെ ഗായ്ഘട്ടിലേക്ക് കൊണ്ടുപോകുകയും അവിടെവച്ച് പ്രതി പൊലീസ് ഉദ‍്യോഗസ്ഥന്‍റെ കൈയിലുണ്ടായിരുന്ന തോക്ക് തട്ടിയെടുത്ത് വെടിയുതിർക്കുകയായിരുന്നു.

ഇതേത്തുടർന്ന് പൊലീസ് തിരിച്ച് വെടിയുതിർത്തതോടെയാണ് 23കാരൻ കൊല്ലപ്പെട്ടതെന്ന് പൊലീസ് വ‍്യക്തമാക്കി. ഇതിനു പിന്നാലെ ഇയാളെ ചന്ദ്പാറ ആശുപത്രിയിലെത്തിച്ചെങ്കിലും ജീവൻ രക്ഷിക്കാൻ സാധിച്ചില്ല. മൃതദേഹം പോസ്റ്റ്മോർട്ടത്തിന് അയച്ചു. പ്രതി പൊലീസിന്‍റെ കൈയിൽ നിന്നും തോക്ക് തട്ടിയെടുത്തതും വെടിവയ്പ്പിലേക്ക് നയിച്ച സംഭവവും പരിശോധിക്കും.

പ്രതി വെടിയുതിർത്തെങ്കിലും പൊലീസുകാർക്ക് പരുക്കേറ്റിരുന്നില്ല. ശനിയാഴ്ച രാത്രി വീടിനടുത്ത് ഒരു സംഗീത പരിപാടിയിൽ പങ്കെടുക്കാൻ പോയതായിരുന്നു പ്ലസ് വൺ വിദ‍്യാർഥിനിയായ പെൺകുട്ടി. ഫോൺ കോൾ വന്നതിനു പിന്നാലെ പെൺകുട്ടി പരിപാടി നടക്കുന്ന സ്ഥലത്ത് നിന്നും പോയതായും അന്ന് വീട്ടിലേക്ക് തിരിച്ചു വന്നില്ലെന്നും പൊലീസ് പറഞ്ഞു. അതേസമയം, കഴിഞ്ഞ മൂന്ന് മാസത്തിനിടെ ഇത് രണ്ടാം തവണയാണ് പൊലീസിൽ നിന്നും തോക്ക് തട്ടിയെടുത്ത് രക്ഷപ്പെടാൻ ശ്രമിച്ച ബലാത്സംഗക്കേസ് പ്രതി വെടിയേറ്റ് കൊല്ലപ്പെടുന്നത്.

തിങ്കളാഴ്ചയാണ് യൂണിയന്‍റെ ഭരണഘടനയ്ക്ക് അംഗീകാരം ലഭിച്ച് 15 ദിവസത്തിനകം തെരഞ്ഞെടുപ്പ് നടത്തുമെന്ന് വ്യക്തമാക്കുന്ന ഉത്തരവ് സർവകലാശാല പുറത്തിറക്കിയത്. സമരത്തിനിടെ വിദ്യാർഥികൾക്കെതിരേ പുറപ്പെടുവിച്ച സസ്പെൻഷൻ ഉത്തരവുകളും കാരണം കാണിക്കൽ നോട്ടീസുകളും പിൻവലിക്കാനും സമരത്തിനിടെ സുരക്ഷാ ജീവനക്കാരുടെ പെരുമാറ്റം അന്വേഷിക്കാൻ സമിതി രൂപീകരിക്കാനും ഉത്തരവിൽ നിർദേശിച്ചിട്ടുണ്ട്. എന്നാൽ ഭരണഘടനയ്ക്ക് അംഗീകാരം നൽകുന്നതിനുള്ള സമയപരിധി വ്യക്തമാക്കാത്തത് തീരുമാനത്തിലെ പോരായ്മയാണെന്ന് വിദ്യാർഥികൾ ചൂണ്ടിക്കാട്ടി.

സമരത്തിനിടെ സർവകലാശാലാ ഭരണകൂടത്തിനെതിരേ അപകീർത്തികരമായ പ്രസ്താവനകളും നടപടികളും സമൂഹ മാധ്യമ പോസ്റ്റുകളും നടത്തിയതിന് വിദ്യാർഥികൾ വാർത്താസമ്മേളനത്തിലൂടെ പരസ്യമായി മാപ്പുപറയാൻ സമ്മതിച്ചതായും സർവകലാശാലയുടെ ഉത്തരവിൽ പറയുന്നു. ഇത്തരം പോസ്റ്റുകൾ ഉടൻ നീക്കം ചെയ്യണമെന്നും ഉത്തരവ് പുറത്തിറക്കുന്നതോടെ സമരം അവസാനിപ്പിക്കണമെന്നുമാണ് നിർദേശം.

തിങ്കളാഴ്ച ക്യാംപസിൽ സുരക്ഷ ശക്തമാക്കിയതിനെ തുടർന്ന് സമരക്കാരും അർധസൈനിക വിഭാഗം ഉദ്യോഗസ്ഥരും തമ്മിൽ ഉന്തുംതള്ളുമുണ്ടായി. ഭരണകൂടത്തിനെതിരേ മുദ്രാവാക്യം വിളിച്ച വിദ്യാർഥികളെ സർവകലാശാലയ്ക്കുള്ളിലേക്ക് പ്രവേശിക്കാൻ പൊലീസ് അനുവദിച്ചില്ല. സംഘർഷസാധ്യത കണക്കിലെടുത്ത് എല്ലാ കോഴ്‌സുകളിലെയും ക്ലാസുകൾ ഓൺലൈനിലേക്ക് മാറ്റിയിരുന്നു.

സംസ്ഥാനത്ത് നിലവിൽ 4,048 മദ്യവിൽപനശാലകളാണ് ടാസ്മാക്കിന് കീഴിലുള്ളത്. യുപിഐ, ഡെബിറ്റ് കാർഡ്, ക്രെഡിറ്റ് കാർഡ് തുടങ്ങിയ ഡിജിറ്റൽ പേയ്മെന്‍റ് സംവിധാനങ്ങൾ നിലവിലുണ്ടെങ്കിലും ഭൂരിഭാഗം ഇടപാടുകളും പണമായാണ് നടക്കുന്നതെന്ന് ടാസ്മാക് അധികൃതർ അറിയിച്ചു.

ദിവസേന വലിയ തുക കൈകാര്യം ചെയ്യുന്നത് ജീവനക്കാർക്ക് സുരക്ഷാ പ്രശ്നങ്ങൾ, കണക്കുകളിലെ പൊരുത്തക്കേടുകൾ, കള്ളനോട്ടുകൾ സ്വീകരിക്കാനുള്ള സാധ്യത തുടങ്ങിയ ബുദ്ധിമുട്ടുകൾ സൃഷ്ടിക്കുന്നുണ്ട്. മദ്യത്തിന് പരമാവധി ചില്ലറ വിൽപന വിലയേക്കാൾ (എംആർപി) കൂടുതൽ തുക ഈടാക്കുന്നുവെന്ന പരാതികളും സർക്കാരിന് ലഭിച്ചിട്ടുണ്ട്.

ഡിജിറ്റൽ പേയ്മെന്‍റ് നടപ്പാക്കുന്നതിലൂടെ ഓരോ ഇടപാടിന്‍റെയും സമയവും തുകയും കൃത്യമായി രേഖപ്പെടുത്താനാകുമെന്നും അമിതവില ഈടാക്കുന്നത് തടയാനാകുമെന്നും അധികൃതർ പറഞ്ഞു. വിൽപനത്തുക ഔദ്യോഗിക ബാങ്ക് അക്കൗണ്ടുകളിലേക്ക് നേരിട്ട് എത്തുന്നതിനും ഇതുവഴി സാധിക്കും.

നവംബർ ഒന്ന് മുതൽ ഒറ്റത്തവണത്തെ വാങ്ങലിന്‍റെ തുക 1,000 രൂപയിൽ കൂടുതലാണെങ്കിൽ യുപിഐ, ഡെബിറ്റ് കാർഡ്, ക്രെഡിറ്റ് കാർഡ് തുടങ്ങിയ ഡിജിറ്റൽ മാർഗങ്ങളിലൂടെ മാത്രമേ പണമടയ്ക്കാനാകൂ. 1,000 രൂപ വരെയുള്ള വാങ്ങലുകൾക്ക് പണമായോ ഡിജിറ്റൽ മാർഗങ്ങളിലൂടെയോ പണമടയ്ക്കാം.

ജീവനക്കാർ വ്യക്തിഗത ക്യുആർ കോഡുകളിലൂടെയോ സ്വന്തം ബാങ്ക് അക്കൗണ്ടുകളിലൂടെയോ പണം സ്വീകരിക്കുന്നതും ടാസ്മാക് നിരോധിച്ചിട്ടുണ്ട്. പുതിയ നിബന്ധനകൾ ലംഘിക്കുന്ന ജീവനക്കാർക്കെതിരേ കർശന അച്ചടക്കനടപടി സ്വീകരിക്കുമെന്നും അധികൃതർ അറിയിച്ചു.

എല്ലാ വിൽപനകൾക്കും ബിൽ നൽകണമെന്നും ഔദ്യോഗിക പിഒഎസ് മെഷീനിൽ ഇടപാട് സ്ഥിരീകരിച്ചശേഷം മാത്രമേ മദ്യക്കുപ്പികൾ കൈമാറാവൂ എന്നും ഔട്ട്ലെറ്റ് സൂപ്പർവൈസർമാർക്ക് നിർദേശം നൽകിയിട്ടുണ്ട്.

പുതിയ സംവിധാനം സംബന്ധിച്ച വിവരങ്ങൾ ഉപഭോക്താക്കളെ അറിയിക്കാൻ എല്ലാ വിൽപനശാലകളിലും അറിയിപ്പ് ബോർഡുകൾ സ്ഥാപിക്കും.

പ്രിയദർശിനി പദ്ധതി കാരണം പ്രതിസന്ധി നേരിടുന്ന തങ്ങളുടെ വ‍്യവസായത്തെ സംരക്ഷിക്കണമെന്നാണ് അവരുടെ ആവശ‍്യം. ഒക്റ്റോബർ 27മുതൽ സെക്രട്ടേറിയറ്റിന് മുന്നിൽ സമരം തുടങ്ങുമെന്ന് ബസുടമകൾ വ‍്യക്തമാക്കി.

വിദ‍്യാർഥി കൺസെഷൻ തുക വർധിപ്പിക്കണം, ടിക്കറ്റ് നിരക്ക് വർധിപ്പിക്കണം എന്നീ ആവശ‍്യങ്ങൾ അംഗീകരിക്കുന്നതു വരെ സമരം തുടരുമെന്ന നിലപാടിലാണ് ബസുടമകൾ. ഒരു ദിവസം രണ്ടുപേർ വീതം നിരാഹാരമിരിക്കും. പ്രിയദർശിനി പദ്ധതി വന്നതിനു പിന്നാലെ തങ്ങൾക്ക് വലിയ നഷ്ടമാണുണ്ടായതെന്നും പത്മനാഭൻ കമ്മിഷന്‍റെ റിപ്പോർട്ടിലുള്ള ശുപാർശകൾ നടപ്പാക്കണമെന്നും ബസുടമകൾ ആവശ‍്യപ്പെടുന്നു.

17കാരന്‍റെ പിതാവും ഇരിങ്ങാലക്കുട കോടതിയിലെ അഡീഷണൽ സെഷൻസ് ജഡ്ജുമായ റിനോ ഫ്രാൻസിസിന്‍റെ മൊഴിയെടുക്കുന്ന കാര‍്യത്തിൽ അനുമതി ലഭിതായി അന്വേഷണ സംഘം വ‍്യക്തമാക്കി.

അന്വേഷണം ക്രൈംബ്രാഞ്ചിന് കൈമാറിയിട്ടുണ്ട്. തട്ടുകട ഉടമയും മാഞ്ഞാലി സ്വദേശിയുമായ ജയപാലകൃഷ്ണനാണ് മരിച്ചത്. തട്ടുകടയിലെ ജോലി കഴിഞ്ഞ് വീട്ടിലേക്ക് മടങ്ങുന്നതിനിടെയാണ് അപകടമുണ്ടായത്. മഴ മൂലം മുന്നിലുണ്ടായിരുന്ന സ്കൂട്ടർ കാണാൻ കഴിഞ്ഞില്ലെന്നാണ് കുട്ടി നൽകിയിരിക്കുന്ന വിശദീകരണം.

പ്രായപൂർത്തിയാകാത്ത മകന് വാഹനം ഓടിക്കാൻ കൊടുത്തത് ചോദ‍്യം ചെയ്തപ്പോൾ പൊലീസ് സ്റ്റേഷനിൽ വച്ച് ജഡ്ജി അപമര‍്യാദയായി സംസാരിച്ചെന്നും ആരോപണം ഉയർന്നിരുന്നു. അപകടമുണ്ടായതിനു ശേഷം 17കാരൻ വാഹനം നിർത്താതെ പോയെന്നാണ് കുടുംബം പറയുന്നത്. ജഡ്ജിയുടെ പേരിലാണ് വാഹനം രജിസ്റ്റർ ചെയ്തിട്ടുള്ളതെന്ന് പൊലീസ് നേരത്തെ തന്നെ വ‍്യക്തമാക്കിയിരുന്നു.

കേന്ദ്ര വിദ്യാഭ്യാസ മന്ത്രാലയത്തിന് കീഴിലുള്ള സ്വയംഭരണ സ്ഥാപനമായ ഐഐഎസ്ഇആർ തിങ്കളാഴ്ചയാണ് പുസ്തകം നീക്കിയ വിവരം അറിയിച്ചത്. തെറ്റിദ്ധാരണയോ സംഘർഷമോ ഒഴിവാക്കാനാണ് 'ഫ്രാക്ചേഡ് കമ്മ്യൂണിറ്റീസ്: ആദിവാസി ഹിസ്റ്ററീസ് ആൻഡ് പൊളിറ്റിക്സ് ഓഫ് പവർ' എന്ന പുസ്തകം നീക്കിയതെന്ന് സ്ഥാപനം പ്രസ്താവനയിൽ പറഞ്ഞു.

നിലവിലെ ജാർഖണ്ഡിലെ സിങ്‌ഭും മേഖലയിലെ രണ്ട് നൂറ്റാണ്ടുകാലത്തെ ഭരണകൂട രൂപീകരണം, കൊളോണിയൽ ഭരണം, ഗോത്രവിഭാഗങ്ങളും ഭരണകൂടവും തമ്മിലുള്ള അധികാരബന്ധങ്ങൾ എന്നിവ പരിശോധിക്കുന്ന ഉമർ ഖാലിദിന്‍റെ പിഎച്ച്ഡി ഗവേഷണത്തെ അടിസ്ഥാനമാക്കിയാണ് പുസ്തകം തയ്യാറാക്കിയിരിക്കുന്നത്.

ഐഐഎസ്ഇആറിലെ അംഗങ്ങളുടെ ശുപാർശകളും ലൈബ്രറിയുടെ പ്രവർത്തനം മേൽനോട്ടം വഹിക്കുന്ന സമിതിയുടെ നിർദേശങ്ങളും അടിസ്ഥാനമാക്കിയാണ് പുസ്തകങ്ങൾ ഉൾപ്പെടുത്തുന്നതെന്ന് സ്ഥാപനം വ്യക്തമാക്കി. വിവിധ മേഖലകളിൽ നിന്നായി ശരാശരി 50-ലധികം പുസ്തകങ്ങൾ ഓരോ മാസവും ലൈബ്രറിയിൽ ഉൾപ്പെടുത്താറുണ്ട്. ഖാലിദിന്‍റെ പുസ്തകത്തെക്കുറിച്ചുള്ള വിഷയം അധികൃതരുടെ ശ്രദ്ധയിൽപ്പെട്ട ഉടൻ മുൻകരുതൽ നടപടിയെന്ന നിലയിൽ പുസ്തകം പിൻവലിക്കാൻ തീരുമാനിക്കുകയായിരുന്നുവെന്നും തുടർനടപടികൾ പരിശോധിക്കുമെന്നും പ്രസ്താവനയിൽ പറഞ്ഞു.

ജവഹർലാൽ നെഹ്റു സർവകലാശാലയിലെ (ജെഎൻയു) മുൻ വിദ്യാർഥിയായ ഖാലിദിനെ 2020 സെപ്റ്റംബറിലാണ് അറസ്റ്റ് ചെയ്തത്. 2020 ഫെബ്രുവരിയിൽ ഡൽഹിയിൽ 53 പേർ കൊല്ലപ്പെടുകയും 700-ലധികം പേർക്ക് പരുക്കേൽക്കുകയും ചെയ്ത കലാപത്തിന്‍റെ സൂത്രധാരന്മാരിൽ ഒരാളാണെന്ന് ആരോപിച്ച് യുഎപിഎ പ്രകാരമാണ് ഖാലിദിനെതിരേ കേസെടുത്തത്.

വിവിധ വിഭാഗങ്ങളിൽപ്പെടുന്ന ജീവനക്കാരുടെ പെൻഷൻ പ്രായം പരസ്പരം താരതമ്യം ചെയ്യില്ല. സംസ്ഥാനത്തിന്‍റെ സാമൂഹിക-സാമ്പത്തിക സാഹചര്യം പരിഗണിച്ചായിരിക്കും പെൻഷൻ പ്രായം സംബന്ധിച്ച തീരുമാനങ്ങൾ കൈക്കൊള്ളുകയെന്നും മുഖ്യമന്ത്രി നിയമസഭയെ അറിയിച്ചു.

അതേസമയം, എംഎൽഎമാരുടെ ശമ്പളവും ആനുകൂല്യങ്ങളും വർധിപ്പിക്കാൻ തീരുമാനമെടുത്തതായി പാർലമെന്‍ററി കാര്യമന്ത്രി സണ്ണി ജോസഫ്. കാര്യോപദേശക സമിതിയിൽ വിഷയം ചർച്ച ചെയ്തുവെന്നും അദ്ദേഹം പറഞ്ഞു.

എംഎൽഎ ഹോസ്റ്റൽ താക്കോൽ കൈമാറ്റ വേദിയിലായിരുന്നു മന്ത്രിയുടെ പ്രഖ്യാപനം. മുഖ്യമന്ത്രിയുടെ നിർദേശ പ്രകാരമാണ് ഇക്കാര്യം പറയുന്നതെന്നും സണ്ണി ജോസഫ് പറഞ്ഞു. എംഎൽഎമാർക്കും പേഴ്സണൽ സ്റ്റാഫുകൾക്കും ഐപാഡ് വാങ്ങാനും സർക്കാർ തീരുമാനിച്ചിരുന്നു.

13 ഇഞ്ച് ഐപാഡ് പ്രോ 256GB (160 എണ്ണം), 11 ഇഞ്ച് ഐപാഡ് പ്രോ 256GB (160 എണ്ണം), 11 ഇഞ്ച് ഐപാഡ് (A16) വൈഫൈ + സെല്ലുലാർ 256GB (160 എണ്ണം) എന്നിവയാണ് വാങ്ങുന്നത്.

മന്ത്രിമാർ, പ്രൈവറ്റ് സെക്രട്ടറിമാർ, വകുപ്പ് മേധാവികൾ എന്നിവരുടെ ഔദ്യോഗിക ആവശ്യങ്ങൾക്കായി ലാപ്ടോപ്പുകൾ, ഐപാഡുകൾ, ടാബ്‌ലെറ്റുകൾ എന്നിവയുൾപ്പെടെ വാങ്ങുന്നതിനുള്ള ചെലവ് പരിധി സർക്കാർ അടുത്തിടെ 1.5 ലക്ഷം രൂപയിൽ നിന്ന് 2 ലക്ഷം രൂപയായി ഉയർത്തിയിരുന്നു. പിന്നാലെയാണ് ഈ നീക്കം.