കൊച്ചി: കിയയുടെ പുതിയ സെല്‍റ്റോസിന്‍റെ ബുക്കിങ്ങുകള്‍ രണ്ട് മാസത്തിനുള്ളില്‍ 50,000 പിന്നിട്ടു. ഇതോടെ, മിഡ്-എസ്‌യുവി സെഗ്മെന്‍റില്‍ ഏറ്റവും വേഗത്തില്‍ ഇത്രയും ബുക്കിങ് എന്ന നേട്ടവും കിയ കൈവരിച്ചു.

സെല്‍റ്റോസ് ഈ മാസം ആഭ്യന്തര വിപണിയില്‍ 4 ലക്ഷവും, കയറ്റുമതി ഉള്‍പ്പെടെ 5.47 ലക്ഷവും വാഹനങ്ങളുടെ വില്‍പ്പന പൂര്‍ത്തിയാക്കി.

പരിഷ്കരിച്ച ഡിസൈന്‍, സ്പോര്‍ട്ടി പെര്‍ഫോമന്‍സ്, മികച്ച എക്സ്റ്റീരിയര്‍ എന്നിങ്ങനെ അത്യാധുനിക സാങ്കേതികവിദ്യകള്‍ അടങ്ങിയ പുതിയ സെല്‍റ്റോസ് ജൂലൈ 21നാണ് കിയ പുറത്തിറക്കിയത്.

15 അതിസുരക്ഷാ ഫീച്ചറുകളും 17 എഡിഎഎസ് ലെവല്‍ 2 ഓട്ടൊണമസ് ഫീച്ചറുകളും ഉള്‍പ്പെടെ 32 സവിശേഷതകളും വാഹനത്തിലുണ്ട്.

ഡ്യുവല്‍ സ്ക്രീന്‍ പനോരമിക് ഡിസ്പ്ലേ, ഡ്യുവല്‍ സോണ്‍ ഫുള്ളി ഓട്ടൊമാറ്റിക് എയര്‍ കണ്ടീഷണര്‍, ഡ്യുവല്‍ പാന്‍ പനോരമിക് സണ്‍റൂഫ് എന്നിവയും സെല്‍റ്റോസില്‍ സജ്ജീകരിച്ചിച്ചിട്ടുണ്ട്.