കൊച്ചി: ജോയ് ഇ-ബൈക്ക്" എന്ന ബ്രാൻഡിൽ ഇലക്ട്രിക് ഇരുചക്രവാഹനങ്ങളുടെ ഇന്ത്യയിലെ മുൻനിര നിർമ്മാതാക്കളായ വാർഡ്‌വിസാർഡ് ഇന്നൊവേഷൻസ് ആൻഡ് മൊബിലിറ്റി ലിമിറ്റഡ് അവരുടെ പുതിയ ഇലക്ട്രിക് ഇരുചക്രവാഹനമായ മിഹോസ് ഇലക്ട്രിക് ത്രീ വീലർ ജോയ് ഇ-റിക്ക് എന്നിവയുടെ വിതരണം ആരംഭിച്ചു. 2023 ഏപ്രിൽ 19 മുതൽ ഗുജറാത്തിലും മഹാരാഷ്ട്രയിലുമായി ഘട്ടം ഘട്ടമായാണ് വിതരണം ആരംഭിച്ചിരിക്കുന്നത്.

2023 ഓട്ടോ എക്‌സ്‌പോയിൽ 1,35,000 (ആദ്യത്തെ 5000 ഉപഭോക്താക്കൾക്ക്) രൂപ വിലയിലാണ് മിഹോസ്‌ പുറത്തിറക്കിയത്. പുതിയ സ്‌കൂട്ടർ രൂപകൽപ്പന ചെയ്‌ത് വികസിപ്പിച്ചിരിക്കുന്നത് പോളി ഡിസൈക്ലോപെന്റഡീൻ (പിഡിസിപിഡി) ഉപയോഗിച്ചാണ്. വാർഡ്‌വിസാർഡിൻ്റെ ആദ്യ ഇലക്ട്രിക് ത്രീ വീലർ ജോയ് ഇ-റിക്ക് 3,40,000 (എക്‌സ്-ഷോറൂം) രൂപ വിലയിലാണ് പുറത്തിറക്കിയിരിക്കുന്നത്. ഏറ്റവും പുതിയ ഡിസൈനും ഉപഭോക്തൃ-സൗഹൃദ ഐഒടിയും കൊണ്ട് സജ്ജീകരിച്ചിരിക്കുന്ന വിപണിയിലെ വ്യത്യസ്ത മോഡലുകളിലൊന്നാണിത്.

"ഞങ്ങളുടെ സ്‌കൂട്ടർ മിഹോസിൻ്റെയും ആദ്യത്തെ ഇലക്ട്രിക് ത്രീ-വീലറിൻ്റെയും ഡെലിവറി ആരംഭിച്ചത് ഒരു സുപ്രധാന നാഴികക്കല്ലാണ്. ഉപഭോക്താക്കളുടെ വികസിച്ചുകൊണ്ടിരിക്കുന്ന ആവശ്യങ്ങൾ നിറവേറ്റുന്ന ഉയർന്ന നിലവാരമുള്ളതും വിശ്വസനീയവും സുസ്ഥിരവുമായ വാഹനങ്ങൾ എത്തിക്കുന്നതിനുള്ള പ്രതിജ്ഞാബദ്ധത ഞങ്ങളുടെ സാങ്കേതികവിദ്യയും ശൈലിയും ഉപയോഗിച്ച് ഉപഭോക്തൃ അഭിലാഷങ്ങൾ നിറവേറ്റാനും ഇവി മേഖലയിൽ ഞങ്ങളുടെ വിപണി വിഹിതം വർദ്ധിപ്പിക്കാനും കഴിയുമെന്ന് ഞങ്ങൾക്ക് ഉറപ്പുണ്ട്. വിപണി കുതിച്ചുയരുന്നതിനാൽ ഇലക്ട്രിക് വാഹനങ്ങൾക്ക് വരും മാസങ്ങളിൽ ശക്തമായ വിൽപ്പന തിരിച്ചുവരുമെന്ന് പ്രതീക്ഷിക്കുന്നു വാർഡ്‌വിസാർഡ് ഇന്നൊവേഷൻസ് ആൻഡ് മൊബിലിറ്റി ലിമിറ്റഡിൻ്റെ ചെയർമാനും മാനേജിംഗ് ഡയറക്ടറുമായ യതിൻ ഗുപ്‌തെ പറഞ്ഞു.

ജോയ് ഇ-റിക്ക് ത്രീ-വീലറുകളുടെ എൽ 5 ക്ലാസിന് കീഴിലാണ് വരുന്നത്. നീല, വെള്ള, ഗോൾഡൻ യെല്ലോ എന്നീ മൂന്ന് നിറങ്ങളിൽ ജോയ് ഇ-റിക്ക് ലഭ്യമാണ്:

ഗുജറാത്തിലും മഹാരാഷ്ട്രയിലുമായി 150-ലധികം മിഹോസും 50-ലധികം ജോയ് ഇ-റിക്കും വിതരണം ചെയ്തു. വിവിധ സംസ്ഥാനങ്ങളിലെ അധിക നഗരങ്ങൾ ഘട്ടം ഘട്ടമായി കൂട്ടിച്ചേർക്കുകയും രാജ്യത്തുടനീളമുള്ള 600-ലധികം അംഗീകൃത ഷോറൂമുകളിലൂടെ ഡെലിവറി നടത്തുകയും ചെയ്യും.