കൊച്ചി: സ്വന്തം റെക്കോർഡുകൾ തിരുത്തിക്കുറിച്ച് സ്വര്‍ണവില പുതിയ റെക്കോര്‍ഡില്‍. ഇന്ന് (19/10/2024) പവന് 320 രൂപ വര്‍ധിച്ചതോടെ ഒരു പവന്‍ സ്വര്‍ണത്തിന്‍റെ വില 58,240 രൂപയായി. ഗ്രാമിന് 40 രൂപയാണ് വര്‍ധിച്ചത്. 7280 രൂപയാണ് ഒരു ഗ്രാം സ്വര്‍ണത്തിന്‍റെ ഇന്നത്തെ വില.

ഒക്ടോബർ 16-നായിരുന്നു സംസ്ഥാനത്ത് ചരിത്രത്തിലാദ്യമായി സ്വര്‍ണവില 57,000 കടന്നത്. പിന്നീടുള്ള ദിവസങ്ങളിലും സ്വര്‍ണവില കുതിച്ചുയർന്ന് പുത്തന്‍ റെക്കോർഡുകളുണ്ടാക്കി. ഒക്ടോബർ 17ന് 57,280 രൂപയും ഇന്നലെ ഒക്ടോബർ 18ന് 57,920 രൂപയിലെത്തി. ഇന്ന് അതും മറികടന്നാണ് സ്വര്‍ണവില ഉയർന്നിരിക്കുന്നത്.

ഒക്ടോബർ 15 - 56,760

ഒക്ടോബർ 16 - 57,120

ഒക്ടോബർ 17 - 57,280

ഒക്ടോബർ 18 - 57,920

ഒക്ടോബർ 19 -58,240