കൊച്ചി: തുടർച്ചയായ രണ്ടാം ദിനവും സ്വർണവിലയിൽ ഇടിവ്. ഇന്ന് (09/07/2024) പവന് 280 രൂപ കുറഞ്ഞ് ഒരു പവന്‍ സ്വര്‍ണത്തിന്‍റെ വില 53,680 രൂപയായി. ഗ്രാമിന് 35 രൂപയാണ് കുറഞ്ഞത്. 6710 രൂപയാണ് ഒരു ഗ്രാം സ്വര്‍ണത്തിന്‍റെ ഇന്നത്തെ വില.

ജൂലൈ 1 മുതൽ തുടർച്ചയായി ഉയർന്നുകൊണ്ടിരുന്ന സ്വർണവില ഒരാഴ്ചത്തെ വർദ്ധനവിനു ശേഷമാണ് ഇടിഞ്ഞത്. 54,000 വും കടന്ന് മുന്നേറിയ സ്വര്‍ണവിലയിൽ ഇന്നലെയും ഇന്നുമായി 440 രൂപയുടെ കുറവാണ് ഉണ്ടായിരിക്കുന്നത്. ഓഹരി വിപണിയിലെയും അന്താരാഷ്ട്ര വിപണിയിലെയും ചലനങ്ങളാണ് സ്വര്‍ണവിലയില്‍ പ്രതിഫലിക്കുന്നത്.