കൊച്ചി: തുടർച്ചയായി 41 മണിക്കൂര് നീളുന്ന നോണ് സ്റ്റോപ്പ് ഷോപ്പിങ്ങുമായി കൊച്ചി ലുലു മാള്. ശനിയാഴ്ച രാവിലെ മുതല് ഞായറാഴ്ച രാത്രി വരെ കൊച്ചി മാള് തുറന്നു പ്രവര്ത്തിക്കും. തുടര്ച്ചയായ 41 മണിക്കൂര് നീളുന്ന ഷോപ്പിങ് അനുഭവമാണ് വാഗ്ദാനം.
ലുലു ഓണ് സെയിലിന്റെ ഭാഗമായി ബ്രാന്ഡഡ് ഉത്പന്നങ്ങള്ക്ക് 50 ശതമാനം വരെ കിഴിവ് ലഭിക്കും. ലുലു ഫാഷന് സ്റ്റോര്, ലുലു ഹൈപ്പര്മാര്ക്കറ്റ്, ലുലു സെലിബ്രേറ്റ്, ലുലു കണക്റ്റ് എന്നിവിടങ്ങളിലായി പ്രമുഖ ബ്രാന്ഡുകളുടെ ഫാഷന്, ഇലക്ട്രോണിക്സ്, ഗൃഹോപകരണങ്ങള്, ഗ്രോസറി തുടങ്ങിയവ പകുതി വിലയ്ക്ക് വാങ്ങാനാകും. 500ലധികം ബ്രാന്ഡുകളാണ് ഈ വിലക്കുറവിന്റെ ഉത്സവത്തില് ഭാഗമാകുന്നത്.