തൃശൂർ: മുംബൈയിലെ ഗ്ലാമറസ് റോളുകളിൽ നിന്ന് 'പരദേശി'യിലെ ആമിനയിലേക്കുള്ള പ്രവേശമാണ് തന്‍റെ ഉള്ളിലെ നടിയെ വാർത്തെടുത്തതെന്ന് ചലച്ചിത്രതാരം ശ്വേത മേനോൻ. 'പി ടി കലയും കാലവും' സാംസ്‌കാരിക മേളയുടെ രണ്ടാം ദിവസത്തെ ചലച്ചിത്ര പ്രദർശനം ഉദ്ഘാടനം ചെയ്യുകയായിരുന്നു അവർ.
മലയാള സിനിമയിലെ അഭിനയത്തിന്‍റെ ആദ്യ പാഠങ്ങളും 'പരദേശി' ചിത്രീകരണ വേളയായിരുന്നതായും ശ്വേത പറഞ്ഞു. ഗർഷോം സിനിമയുടെ ഇരുപത്തിയഞ്ചാം വാർഷികത്തിന്‍റെ ഭാഗമായി ചിത്രത്തിലെ അഭിനേതാക്കളേയും സാങ്കേതിക പ്രവർത്തകരെയും ആദരിച്ചു. ജി.പി രാമചന്ദ്രൻ അധ്യക്ഷനായി. ഡോ. പി.കെ. പോക്കർ, കെ. ഗിരീഷ് കുമാർ, എ.ഒ. സണ്ണി, സുനിൽ ബാലകൃഷ്ണൻ തുടങ്ങിയവർ സംസാരിച്ചു.