കൊച്ചി: ഹേമ കമ്മിറ്റി റിപ്പോർട്ട് ചൂടേറിയ ചർച്ചയായതോടെ മല‍യാള സിനിമ മേഖലയിൽ സുപ്രധാനമായ രണ്ട് രാജികളാണ് ഉണ്ടായത്. അമ്മ സംഘടനയിൽ നിന്നും നടൻ സിദ്ദിഖും ചലച്ചിത്ര അക്കാദമി ചെയർമാൻ സ്ഥാനത്തു നിന്നും രഞ്ജിത്തുമാണ് ആരോപണങ്ങൾക്കു പിന്നാലെ രാജിവച്ചത്.
ഇപ്പോഴിതാ ഗീതുമോഹൻ നടിയും സംവിധായികയുമായി ഗീതു മോഹൻ ദാസ് രംഗത്തെത്തി. ഇതെല്ലാം ആരംഭിച്ചത് ഒരു സ്ത്രീയുടെ പോരാട്ടത്തിൽ നിന്നാണ്. അത് മറക്കരുതെന്നായിരുന്നു ഗീതു മോഹൻദാസിന്‍റെ പ്രതികരണം. ഇപ്പോഴിതാ അതേ പോസ്റ്റ് സോഷ്യൽ മീഡിയയിൽ ഷെയർ ചെയ്ത് മഞ്ജു വാര്യറും രംഗത്തെത്തിയിരിക്കുകയാണ്.