ചെന്നൈ: വിവാദങ്ങൾക്കിടെ ഒരേ വിവാഹത്തിൽ ഒന്നിച്ചു പങ്കെടുത്ത് ധനുഷും നയൻ താരയും. വിവാഹവേദിയിൽ ഒന്നിച്ചുണ്ടായിട്ടും ഇരുവരും പരസ്പരം കണ്ട ഭാവം നടിച്ചില്ല. വിവാഹച്ചടങ്ങിന്‍റെ വീഡിയോ സമൂഹമാധ്യമങ്ങളിൽ പ്രചരിക്കുന്നുണ്ട്. നിർമാതാവ് ആകാശ് ഭാസ്കരന്‍റെ വിവാഹത്തിനാണ് ഇരുവരും പങ്കെടുത്തത്.

ഒരേ നിരയിൽ രണ്ടറ്റത്തായി ഇരുവരും ഇരിക്കുന്നതും വീഡിയോയിൽ വ്യക്തമാണ്. വിവാദമുണ്ടായതിനു ശേഷം ഇതാദ്യമായാണ് ഇരുവരും ഒന്നിച്ച് ഒരു വേദിയിൽ എത്തുന്നത്.

ഭർത്താവും സംവിധായകനുമായ വിഘ്നേഷ് ശിവനൊപ്പമാണ് നയൻതാര വിവാഹത്തിനെത്തിയത്.