കൊച്ചി: അപകടത്തിൽ മരിച്ച നടനും ഹാസ്യതാരവുമായ കൊല്ലം സുധിയുടെ ഭാര്യ രേണു അഭിനയരംഗത്തേക്ക്. കൊച്ചിൻ സംഗമിത്രയുടെ ഇരട്ട നഗരം എന്ന നാടകത്തിലൂടെയാണ് രേണു അഭിനയരംഗത്തേക്ക് എത്തുന്നത്. നാടകത്തിൽ കോളെജ് വിദ്യാർഥിനിയായാണ് രേണു എത്തുന്നത്. റിഹേഴ്സൽ ഉടൻ തുടങ്ങും. ഓഗസ്റ്റ് ആദ്യ വാരം മുതൽ നാടകം പ്രദർശനത്തിനെത്തും.

2017 മേയിലായിരുന്നു സുധിയും രേണുവും വിവാഹിതരായത്. 2023 ജൂൺ 5ന് തൃശൂർ കൈപ്പമംഗലം പനമ്പിക്കുന്നിലുണ്ടായ വാഹനാപകടത്തിൽ കൊല്ലം സുധി മരണപ്പെട്ടു.

രാഹുൽ ദാസ്, ഋതുൽ ദാസ് എന്നിവരാണ് മക്കൾ.

സുധിയുടെ മരണശേഷം വീട്ടുവാടക നൽകുന്നത് സുധിയുടെ ആരാധകരാണെന്ന് രേണു പറയുന്നു. നൃത്തവും അഭിനയവും ഇഷ്ടപ്പെടുന്ന രേണു മുൻപ് ആൽബങ്ങളിൽ അഭിനയിച്ചിട്ടുണ്ട്. സമൂഹമാധ്യമങ്ങളിലും രേണു സജീവമാണ്.