ത​യാ​റാ​ക്കി​യ​ത്: എ​ന്‍. അ​ജി​ത്കു​മാ​ര്‍

അ​ത്യു​ഷ്ണ​ത്തി​ന്‍റെ തീ​ജ്വാ​ല​ക​ള്‍ തീ​ക്കാ​റ്റാ​യി വീ​ശി​യ​ടി​ക്കാ​ന്‍ തു​ട​ങ്ങി​യി​രി​ക്കു​ന്നു. ജ​ലാ​ശ​യ​ങ്ങ​ളും കി​ണ​റു​ക​ളും വ​റ്റി വ​ര​ണ്ടു തു​ട​ങ്ങി. അ​തി​നോ​ടൊ​പ്പം പ​രീ​ക്ഷാ​ച്ചൂ​ടു കൂ​ടി​യാ​കു​മ്പോ​ഴോ? വേ​ന​ല്‍ക്കാ​ല ആ​രോ​ഗ്യ​പ്ര​ശ്ന​ങ്ങ​ളെ​ക്കു​റി​ച്ചും മു​ന്‍ക​രു​ത​ലു​ക​ളെ​ക്കു​റി​ച്ചും വേ​ന​ല്‍ച്ചൂ​ടി​ന്‍റെ ശാ​സ്ത്ര​പ​ര​മാ​യ വ​സ്തു​ത​ക​ളെ​ക്കു​റി​ച്ചും നി​ങ്ങ​ള​റി​ഞ്ഞി​രി​ക്കേ​ണ്ട ചി​ല കാ​ര്യ​ങ്ങ​ളി​താ.

സൂ​ര്യ​നി​ല്‍ നി​ന്നു പു​റ​പ്പെ​ടു​ന്ന അ​ള്‍ട്രാ​വ​യ​ല​റ്റ് ര​ശ്മി​ക​ള്‍ A, B, C എ​ന്നി​ങ്ങ​നെ മൂ​ന്നു​ത​ര​മു​ണ്ട്. ഇ​തി​ല്‍ A, B വി​ഭാ​ഗ​ത്തി​ല്‍പ്പെ​ടു​ന്ന​വ​യാ​ണ് ശ​ക്തി​യേ​റി​യ​വ. ച​ര്‍മ​ത്തി​ലേ​യും ച​ര്‍മ​ത്തി​ന​ടി​യി​ലു​ള്ള കോ​ശ​ങ്ങ​ളെ​യും ന​ശി​പ്പി​ക്കാ​ന്‍ A, B ര​ശ്മി​ക​ള്‍ക്ക് ക​ഴി​യും. ശ​ക്ത​മാ​യ വെ​യി​ലേ​ല്‍ക്കു​മ്പോ​ള്‍ ശ​രീ​ര​ത്തി​ല്‍ പൊ​ള്ള​ലും അ​സ്വ​സ്ഥ​ത​ക​ളും ഉ​ണ്ടാ​ക്കു​ന്ന​ത് അ​ള്‍ട്രാ​വ​യ​ല​റ്റ് A, B ര​ശ്മി​ക​ളാ​ണ്. വൃ​ദ്ധ​ജ​ന​ങ്ങ​ള്‍, ഹൃ​ദ്രോ​ഗ​മു​ള്ള​വ​ര്‍, കാ​യി​ക​താ​ര​ങ്ങ​ള്‍, റോ​ഡ് പ​ണി​ക്കാ​ര്‍, ക​ര്‍ഷ​ക​ത്തൊ​ഴി​ലാ​ളി​ക​ള്‍, നി​ര്‍മാ​ണ​ത്തൊ​ഴി​ലാ​ളി​ക​ള്‍ തു​ട​ങ്ങി​യ​വ​രെ​ല്ലാം ക​ഠി​ന​വെ​യി​ലി​നെ ക​രു​ത​ണം. തൈ​റോ​യി​ഡി​ന്‍റെ അ​മി​ത​പ്ര​വ​ര്‍ത്ത​ന​മു​ള്ള​വ​ര്‍ക്കും പ്ര​ശ്നം ഗു​രു​ത​ര​മാ​കും. സോ​റി​യാ​സി​സ്, എ​ക്സി​മ, തു​ട​ങ്ങി​യ ച​ര്‍മ​രോ​ഗ​മു​ള്ള​വ​ര്‍ക്ക് വി​യ​ര്‍പ്പ് കു​റ​വാ​യ​തി​നാ​ല്‍ അ​സ്വ​സ്ഥ​ത കൂ​ടു​ത​ലാ​കും. പൊ​ണ്ണ​ത്ത​ടി​യു​ള്ള​വ​ര്‍, ക​ട്ടി​യു​ള്ള യൂ​ണി​ഫോം ധ​രി​ച്ച് ജോ​ലി​ചെ​യ്യു​ന്ന​വ​ര്‍ തു​ട​ങ്ങി​യ​വ​ര്‍ക്കൊ​ക്കെ വി​യ​ര്‍പ്പി​ലൂ​ടെ​യു​ള്ള താ​പ​ന​ഷ്ടം ത​ട​സ​പ്പെ​ടു​ന്ന​തു​കൊ​ണ്ട് അ​സ്വ​സ്ഥ​ത കൂ​ടാം.

അ​മി​ത​മാ​യ വി​യ​ര്‍പ്പു മൂ​ല​മു​ണ്ടാ​കു​ന്ന നി​ര്‍ജ​ലീ​ക​ര​ണം, തു​ട​ര്‍ന്നു​ണ്ടാ​കു​ന്ന ക്ഷീ​ണം, ത​ള​ര്‍ച്ച, മൂ​ത്രാ​ശ​യ​രോ​ഗ​ങ്ങ​ള്‍, ക​ണ്ണു​രോ​ഗ​ങ്ങ​ള്‍, ശു​ദ്ധ​ജ​ല​ക്ഷാ​മം മൂ​ല​മു​ണ്ടാ​കു​ന്ന പ​ക​ര്‍ച്ച​വ്യാ​ധി​ക​ള്‍, സൂ​ര്യാ​ഘാ​തം തു​ട​ങ്ങി​യ​വ​യെ​ല്ലാം നാം ​ഈ വേ​ന​ല്‍ക്കാ​ല​ത്ത് ക​രു​തി​യി​രി​ക്ക​ണം.

അ​ള്‍ട്രാ​വ​യ​ല​റ്റ് ര​ശ്മി​ക​ള്‍ അ​പ​ക​ട​ക​ര​മാ​കു​ന്ന​തെ​പ്പോ​ള്‍?

അ​മെ​രി​ക്ക​യി​ലെ എ​ന്‍വ​യ​ണ്‍മെ​ന്‍റ​ല്‍ പ്രൊ​ട്ട​ക്ഷ​ന്‍ ഏ​ജ​ന്‍സി അ​ള്‍ട്രാ​വ​യ​ല​റ്റ് വി​കി​ര​ണ​ങ്ങ​ളെ അ​വ​യു​ടെ വി​കി​ര​ണ തീ​വ്ര​ത​യും അ​പ​ക​ട​സാ​ധ്യ​ത​യും മു​ന്‍നി​റു​ത്തി പൂ​ജ്യം മു​ത​ല്‍ 15 വ​രെ തീ​വ്ര​ത​യു​ള്ള അ​ള്‍ട്രാ​വ​യ​ല​റ്റ് ഇ​ന്‍ഡെ​ക്സ് ത​യ്യാ​റാ​ക്കി​യി​ട്ടു​ണ്ട്. ഇ​ത​നു​സ​രി​ച്ച് അ​ള്‍ട്രാ​വ​യ​ല​റ്റ് ഇ​ന്‍ഡെ​ക്സ് 6 മു​ത​ല്‍ 7 വ​രെ​യു​ള്ള​ത് തീ​വ്രം എ​ന്ന കാ​റ്റ​ഗ​റി​യി​ല്‍പ്പെ​ടു​ന്നു. ഈ ​അ​വ​സ​ര​ത്തി​ല്‍ 25 മു​ത​ല്‍ 40 മി​നി​റ്റു​വ​രെ സൂ​ര്യ​താ​പ​മേ​ല്‍ക്കു​ന്ന​ത് ച​ര്‍മ​ത്തി​ല്‍ പൊ​ള്ള​ലു​ണ്ടാ​ക്കും.

8-19 വ​രെ​യു​ള്ള​ത് അ​തി​തീ​വ്ര വി​ഭാ​ഗ​ത്തി​ല്‍പ്പെ​ടും. 10 മു​ത​ല്‍ 15 മി​നി​റ്റു​വ​രെ ഈ ​അ​വ​സ്ഥ​യി​ലു​ള്ള വെ​യി​ലേ​ല്‍ക്കു​മ്പോ​ള്‍ പൊ​ള്ള​ലു​ണ്ടാ​കു​ന്നു.

11-15 ഇ​ന്‍ഡ​ക്സി​ലു​ള്ള​വ​യാ​ണ് പ​ര​മ​തീ​വ്രം. 10 മി​നി​റ്റ് ഈ ​തീ​വ്ര​ത​യി​ലു​ള്ള വെ​യി​ലേ​ല്‍ക്കു​മ്പോ​ള്‍ പൊ​ള്ള​ലു​ണ്ടാ​കും. ഈ ​ഇ​ന്‍ഡ​ക്സ് ആ​ഗോ​ള​ത​ല​ത്തി​ല്‍ ഒ​രേ​പോ​ലെ സ്വീ​ക​രി​ക്കാ​വു​ന്ന​ത​ല്ല.

ഹൈ​പ്പോ​ത​ലാ​മ​സി​ന്‍റെ ഇ​ട​പെ​ട​ല്‍

ത​ല​ച്ചോ​റി​ലെ ഹൈ​പ്പോ​ത​ലാ​മ​സാ​ണ് ന​മ്മു​ടെ ശ​രീ​ര താ​പ​നി​ല സു​സ്ഥി​ര​മാ​യി നി​ല​നി​ര്‍ത്തു​ന്ന​ത്. കാ​ലാ​വ​സ്ഥാ വ്യ​ത്യാ​സ​മ​നു​സ​രി​ച്ചും ശ​രീ​ര​പ്ര​വ​ര്‍ത്ത​ന​ങ്ങ​ളു​ടെ ഉ​യ​ര്‍ന്ന നി​ല മൂ​ല​വും ശ​രീ​ര​താ​പ​നി​ല ഉ​യ​രു​മ്പോ​ള്‍ ഹൈ​പ്പോ​ത​ലാ​മ​സ് ശ​രീ​ര​താ​പ​നി​ല കു​റ​യ്ക്കാ​നു​ള്ള സം​വി​ധാ​ന​ങ്ങ​ള്‍ ക്ര​മീ​ക​രി​ക്കു​ന്നു. ബാ​ഷ്പീ​ക​ര​ണം, വി​കി​ര​ണം, മ​റ്റു വ​സ്തു​ക്ക​ളി​ലൂ​ടെ​യു​ള്ള താ​പ​സം​വ​ഹ​നം തു​ട​ങ്ങി​യ മാ​ര്‍ഗ​ങ്ങ​ളി​ലൂ​ടെ​യാ​ണ് ഇ​ത് സാ​ധ്യ​മാ​കു​ന്ന​ത്. ച​ര്‍മ​ത്തി​ലേ​ക്കു​ള്ള ര​ക്ത​പ്ര​വാ​ഹം സു​ഗ​മ​മാ​ക്കു​ന്ന​തും വി​യ​ര്‍പ്പി​ന്‍റെ അ​ള​വ് കൂ​ട്ടു​ന്ന​തും ഹൈ​പ്പോ​ത​ലാ​മ​സി​ന്‍റെ ഇ​ട​പെ​ട​ലി​ലൂ​ടെ ശ​രീ​ര​താ​പം കു​റ​യ്ക്കാ​ന്‍ സ​ഹാ​യി​ക്കു​ന്ന ശ​രീ​ര​ത്തി​ന്‍റെ ക​രു​ത​ല്‍ ന​ട​പ​ടി​ക​ളാ​ണ്.

വെ​യി​ലേ​റ്റ് ശ​രീ​രോ​ഷ്മാ​വ് വ​ർ​ധി​ക്കു​ന്ന​തോ​ടെ​യാ​ണ് ഹൈ​പ്പോ​ത​ലാ​മ​സ് പ്ര​വ​ര്‍ത്ത​ന​മാ​രം​ഭി​ക്കു​ന്ന​ത്. താ​പ​നി​ല നി​യ​ന്ത്രി​ക്കാ​നാ​യി വി​യ​ര്‍പ്പു​ഗ്ര​ന്ഥി​ക​ളെ പ്ര​വ​ര്‍ത്ത​ന​ക്ഷ​മ​മാ​ക്കും. ഈ ​വി​യ​ര്‍പ്പ് ആ​വി​യാ​യി​പ്പോ​കാ​നു​ള്ള ചൂ​ട് ശ​രീ​ര​ത്തി​ല്‍ നി​ന്നു ത​ന്നെ സ്വീ​ക​രി​ക്കു​ന്ന​തോ​ടെ ശ​രീ​രം ത​ണു​ക്കു​ന്നു. പ​ക്ഷേ അ​ന്ത​രീ​ക്ഷ താ​പ​നി​ല 40 ഡി​ഗ്രി ക​ട​ന്നാ​ല്‍ ഈ ​പ്ര​ക്രി​യ ത​കി​ടം മ​റി​യും. സം​ഗ​തി ഗു​രു​ത​ര​മാ​കും. ആ​ന്ത​രി​കാ​വ​യ​വ​ങ്ങ​ളാ​യ ക​ര​ള്‍, ത​ല​ച്ചോ​ര്‍, വൃ​ക്ക​ക​ള്‍, ശ്വാ​സ​കോ​ശ​ങ്ങ​ള്‍, ഹൃ​ദ​യം എ​ന്നി​വ​യു​ടെ പ്ര​വ​ര്‍ത്ത​നം ഇ​തോ​ടെ താ​ളം​തെ​റ്റും. ശ്വാ​സോ​ച്ഛാ​സ​വും ഹൃ​ദ​യ​മി​ടി​പ്പും വേ​ഗ​ത്തി​ലാ​കും. വെ​പ്രാ​ള​വും സ്ഥ​കാ​ല വി​ഭ്രാ​ന്തി​യു​മു​ണ്ടാ​കും. ത​ക്ക​സ​മ​യ​ത്ത് ശ​രി​യാ​യ പ്ര​ഥ​മ​ശു​ശ്രൂ​ഷ ല​ഭി​ച്ചി​ല്ലെ​ങ്കി​ല്‍ പ്ര​ശ്നം ഗു​രു​ത​ര​മാ​കും.

കേ​ര​ള​ത്തി​ന്‍റെ പ്ര​ത്യേ​ക​ത

കേ​ര​ള​ത്തി​ലെ വേ​ന​ല്‍ക്കാ​ല​ത്തി​ന്‍റെ പ്ര​ത്യേ​ക​ത അ​ന്ത​രീ​ക്ഷ​ത്തി​ലെ ഉ​യ​ര്‍ന്ന ഈ​ര്‍പ്പ​നി​ല​യാ​ണ്. വി​യ​ര്‍പ്പ് ബാ​ഷ്പീ​ക​രി​ച്ചു​ണ്ടാ​കു​ന്ന താ​പ​ന​ഷ്ടം ഈ ​ഉ​യ​ര്‍ന്ന ഈ​ര്‍പ്പ​നി​ല​യി​ല്‍ എ​ളു​പ്പ​മാ​കി​ല്ല.

ഇ​ങ്ങ​നെ​യു​ണ്ടാ​കു​ന്ന ഉ​യ​ര്‍ന്ന താ​പ​നി​ല​യി​ല്‍ അ​ധി​ക​നേ​രം തു​ട​ര്‍ന്നാ​ല്‍ ഹൈ​പ്പോ​ത​ലാ​മ​സി​ന്‍റെ ഇ​ട​പെ​ട​ല്‍ മൂ​ല​മു​ണ്ടാ​കു​ന്ന ശ​രീ​ര​ത്തി​ലെ താ​പ​നി​യ​ന്ത്ര​ണ സം​വി​ധാ​നം ത​ക​രാ​റി​ലാ​കും. അ​ന്ത​രീ​ക്ഷ​താ​പ​നി​ല 40 ഡി​ഗ്രി​യി​ല്‍ കൂ​ടു​ന്ന​തോ​ടെ ആ​ന്ത​രാ​വ​യ​വ​ങ്ങ​ളു​ടെ പ്ര​വ​ര്‍ത്ത​നം സ്തം​ഭ​നാ​വ​സ്ഥ​യി​ലാ​കും. ഇ​ത് മ​ര​ണ​ത്തി​നു പോ​ലും കാ​ര​ണ​മാ​കാം.

ചൂ​ടി​നെ പ്ര​തി​രോ​ധി​ക്കാ​ൻ

ക​ന​ത്ത വെ​യി​ല​ത്തു​ള്ള ജോ​ലി​ക​ള്‍ രാ​വി​ലെ 10 മു​ത​ല്‍ ഉ​ച്ച​യ്ക്കു​ശേ​ഷം 3 മ​ണി​വ​രെ വേ​ണ്ടെ​ന്നു വ​യ്ക്കു​ക. വെ​യി​ല്‍ കു​റ​ഞ്ഞ സ്ഥ​ല​ങ്ങ​ളി​ല്‍ ജോ​ലി കേ​ന്ദ്രീ​ക​രി​ക്കു​ക. ജോ​ലി​ക്കി​ടെ ധാ​രാ​ളം ശു​ദ്ധ​ജ​ല​വും ഉ​പ്പി​ട്ട ക​ഞ്ഞി​വെ​ള്ള​വും നാ​രാ​ങ്ങാ​വെ​ള്ള​വും കു​ടി​ക്കു​ക. ഇ​യ്ക്കി​ടെ വി​ശ്ര​മി​ക്കു​ക. വെ​യി​ലി​ല്‍ പു​റ​ത്തി​റ​ങ്ങു​മ്പോ​ള്‍ ന​ല്ല വി​സ്താ​ര​മു​ള്ള​തും ഇ​ളം നി​റ​ങ്ങ​ളു​ള്ള​തു​മാ​യ കു​ട ചൂ​ടു​ക. ശ​രീ​രം മു​ഴു​വ​ന്‍ മൂ​ടു​ന്ന അ​യ​ഞ്ഞ കോ​ട്ട​ന്‍ വ​സ്ത്ര​ങ്ങ​ള്‍ മാ​ത്രം ധ​രി​ക്കു​ക.

വെ​യി​ലും തൊ​ലി​യും

വേ​ന​ല്‍ക്കാ​ല​ത്തെ തീ​ഷ്ണ വെ​യി​ലേ​റ്റാ​ല്‍ അ​ത് ആ​ദ്യം ബാ​ധി​ക്കു​ന്ന​ത് ച​ര്‍മ​ത്തെ​യാ​ണെ​ന്ന് പ​റ​ഞ്ഞ​ല്ലോ. ച​ര്‍മ​കോ​ശ​ങ്ങ​ളി​ലെ വ​ര്‍ണ്ണ​വ​സ്തു​വാ​യ ക്രോ​മോ​ഫോ​റു​ക​ള്‍ സൂ​ര്യ​പ്ര​കാ​ശ​ത്തെ ആ​ഗി​ര​ണം ചെ​യ്യു​ന്നു. ഇ​ത് കോ​ശ​ങ്ങ​ളി​ലെ ഡി.​എ​ന്‍.​എ യു​ടെ പ്ര​വ​ര്‍ത്ത​നം താ​ളം തെ​റ്റി​ക്കും. ച​ര്‍മ​ത്തി​ല്‍ നീ​ര്‍ക്കെ​ട്ടു​ണ്ടാ​ക്കു​ന്ന ഘ​ട​ക​ങ്ങ​ളാ​യ പ്രോ​സ്റ്റാ​ഗ്ലാ​ന്‍ഡി​നു​ക​ളും പ്രോ​സ്റ്റാ സൈ​ക്ലി​ങ്ങു​ക​ളും അ​മി​ത​മാ​യി ഉ​ല്‍പ്പാ​ദി​പ്പി​ക്ക​പ്പെ​ടും. ഇ​തോ​ടെ ച​ര്‍മ​ത്തി​ല്‍ നി​റ​ഭേ​ദ​ങ്ങ​ളും പൊ​ള്ള​ലും പ്ര​ത്യ​ക്ഷ​പ്പെ​ടും.

വെ​യി​ലേ​റ്റ് 3 മു​ത​ല്‍ 5 മ​ണി​ക്കൂ​റു​ക​ള്‍ക്കു​ള്ളി​ലാ​ണ് ഈ ​ല​ക്ഷ​ണ​ങ്ങ​ള്‍ പ്ര​ത്യ​ക്ഷ​പ്പെ​ടു​ക. ഇ​തോ​ടൊ​പ്പം വേ​ദ​ന, പു​ക​ച്ചി​ല്‍ എ​ന്നി​വ​യു​മു​ണ്ടാ​കും. നേ​ര്‍ത്ത​പാ​ളി​ക​ളാ​യി തൊ​ലി ഇ​ള​കി​പ്പോ​കാം. പ​നി​യും വി​റ​യ​ലു​മു​ണ്ടാ​കാം. വെ​യി​ലി​ന്‍റെ കാ​ഠി​ന്യം എ​ല്ലാ​വ​രി​ലും ഒ​രു​പോ​ലു​ള്ള പ്ര​ശ്ന​ങ്ങ​ള​ല്ല ഉ​ണ്ടാ​ക്കു​ന്ന​ത്. ച​ര്‍മ​ത്തി​ലെ വ​ര്‍ണ്ണ വ​സ്തു​വാ​യ മെ​ലാ​നി​ന്‍റെ അ​ള​വ​നു​സ​രി​ച്ച് അ​ള്‍ട്രാ​വ​യ​ല​റ്റ് ര​ശ്മി​ക​ളോ​ടു​ള്ള ച​ര്‍മ​ത്തി​ന്‍റെ പ്ര​തി​ക​ര​ണ​ത്തി​ലും വ്യ​ത്യാ​സ​മു​ണ്ട്.

ക​റു​ത്ത ച​ര്‍മ​മു​ള്ള​വ​രാ​ണ് ഭാ​ഗ്യ​വാ​ന്മാ​ര്‍. മെ​ലാ​നി​ന്‍ കൂ​ടു​ത​ലു​ള്ള​തു​കൊ​ണ്ട് ക​റു​ത്ത ച​ര്‍മ​ത്തി​ന് അ​ള്‍ട്രാ വ​യ​ല​റ്റ് ര​ശ്മി​ക​ളോ​ടു​ള്ള പ്ര​തി​ക​ര​ണം കു​റ​വാ​യി​രി​ക്കും. മെ​ലാ​നി​ന്‍ കു​റ​വു​ള്ള വെ​ളു​ത്ത ച​ര്‍മ​മു​ള്ള​വ​രി​ലാ​ക​ട്ടെ അ​ള്‍ട്രാ​വ​യ​ല​റ്റ് ര​ശ്മി​ക​ളോ​ട് അ​മി​ത​മാ​യി പ്ര​തി​ക​രി​ക്കു​ന്നു.

തൊ​ലി നി​റ​ത്തെ കൂ​ടാ​തെ, സൂ​ര്യ​താ​പ​ത്തോ​ടു​ള്ള ശ​രീ​ര​ത്തി​ന്‍റെ പ്ര​തി​ക​ര​ണം മ​റ്റു പ​ല​ഘ​ട​ക​ങ്ങ​ളെ​ക്കൂ​ടി ആ​ശ്ര​യി​ച്ച് വ്യ​ത്യ​സ്ത​മാ​യി​രി​ക്കും. വ​സ്ത്ര​ധാ​ര​ണം, തൊ​ഴി​ല്‍, ജീ​വി​ത​ശൈ​ലി, പ്രാ​ദേ​ശി​ക ഭൂ​പ്ര​കൃ​തി തു​ട​ങ്ങി​യ​വ​യാ​ണ​വ. ചി​ല​ര്‍ക്ക് വെ​യി​ലേ​ല്‍ക്കു​ന്ന​തി​നെ തു​ട​ര്‍ന്ന് മി​നി​റ്റു​ക​ള്‍ക്ക​കം ത​ന്നെ ച​ര്‍മം ചൊ​റി​ഞ്ഞ് ത​ടി​ക്കാം. സൂ​ര്യ​പ്ര​കാ​ശ​ത്തോ​ടു​ള്ള അ​ല​ര്‍ജി​യാ​ണി​തി​നു കാ​ര​ണം.

നി​ര്‍ജ​ലീ​ക​ര​ണ​മു​ണ്ടോ? മൂ​ത്രം നോ​ക്കി പ​റ​യാം

നി​ര്‍ജ​ലീ​ക​ര​ണം മൂ​ലം ശ​രീ​ര​ത്തി​ലെ ജ​ലാം​ശം ഒ​രു പ​രി​ധി​യി​ല്‍ കു​റ​ഞ്ഞാ​ല്‍ വൃ​ക്ക​ക​ള്‍ ശ​രീ​ര​ത്തി​ലെ ജ​ലം പ​ര​മാ​വ​ധി സം​ര​ക്ഷി​ക്കാ​ന്‍ ശ്ര​മി​ക്കും. ഇ​തി​ന്‍റെ ഫ​ല​മാ​യി മൂ​ത്ര​ത്തി​ന്‍റെ അ​ള​വ് കു​റ​യും. മൂ​ത്ര​ത്തി​ലെ മാ​ലി​ന്യ​ങ്ങ​ളു​ടെ സാ​ന്ദ്ര​ത​കൂ​ടി ക​ടു​ത്ത മ​ഞ്ഞ​നി​റ​മു​ള്ള​താ​യി തീ​രും. ഇ​ളം മ​ഞ്ഞ​നി​റ​മാ​ണ് സാ​ധാ​ര​ണ മൂ​ത്ര​ത്തി​ന്‍റെ നി​റം.

നി​ര്‍ജ​ലീ​ക​ര​ണം ഗു​രു​ത​ര​മാ​വു​ക​യാ​ണെ​ങ്കി​ല്‍ മൂ​ത്ര​ത്തി​ന് ത​വി​ട്ടു​ക​ല​ര്‍ന്ന മ​ഞ്ഞ​നി​റ​മു​ണ്ടാ​കും. ഉ​ട​ന്‍ ആ​വ​ശ്യ​ത്തി​ന് വെ​ള്ളം കു​ടി​ക്കു​ക. ആ​ശു​പ​ത്രി​യി​ലെ​ത്തി​ക്കു​ക. ചി​ല മ​രു​ന്നു ക​ഴി​ക്കു​ന്ന​വ​ര്‍ക്ക് മൂ​ത്ര​ത്തി​ന് ക​ടും നി​റ​മു​ണ്ടാ​കും.

ഫീ​റ്റ് സ്ട്രോ​ക്കും ഹീ​റ്റ് വേ​വും

ക​ഠി​ന വെ​യി​ലേ​ല്‍ക്കു​ന്ന​തി​ന്‍റെ ഫ​ല​മാ​യി ശ​രീ​ര​ത്തി​ന്‍റെ ചൂ​ട് അ​മി​ത​മാ​യി വ​ർ​ധി​ക്കു​ന്നു. ഇ​തു​മൂ​ലം വി​യ​ര്‍ക്ക​ലി​ന് ത​ട​സ​മു​ണ്ട​കു​ന്നു. തു​ട​ര്‍ന്ന് നി​ര്‍ജ​ലീ​ക​ര​ണ​മു​ണ്ടാ​കു​ന്നു. ഈ ​അ​വ​സ്ഥ​യാ​ണ് ഉ​ഷ്ണ ത​പം അ​ഥ​വാ ഹീ​റ്റ് സ്ട്രോ​ക്ക്. ഉ​യ​ര്‍ന്ന ചൂ​ടു​മാ​യി ശ​രീ​ര​ത്തി​ന് തു​ട​ര്‍ച്ച​യാ​യ സ​മ്പ​ര്‍ക്ക​മു​ണ്ടാ​കു​മ്പോ​ഴാ​ണ് ഹീ​റ്റ്സ്ട്രോ​ക്ക് ഉ​ണ്ടാ​കു​ന്ന​ത്. ഉ​ഷ്ണ ത​പ​ത്തി​നു​ള്ള സാ​ധ്യ​ത മ​റ്റി​ട​ങ്ങ​ളെ അ​പേ​ക്ഷി​ച്ച് ഉ​ഷ്ണ​മേ​ഖ​ല​യി​ലു​ള്ള​വ​ര്‍ക്ക് ന​ന്നേ കു​റ​വാ​യി​രി​ക്കും.

അ​ന്ത​രീ​ക്ഷ​താ​പ​നി​ല അ​നി​ശ്ചി​ത​മാ​യ കാ​ല​യ​ള​വി​ല്‍ ഉ​യ​ര്‍ന്ന നി​ല​യി​ല്‍ നി​ല​നി​ല്‍ക്കു​ന്ന അ​വ​സ്ഥ​യാ​ണ് ഉ​ഷ്ണ ത​രം​ഗം അ​ഥ​വാ ഹീ​റ്റ് വേ​വ്.

320 നാ​നോ മീ​റ്റ​റി​നു താ​ഴെ ത​രം​ഗ​ദൈ​ര്‍ഘ്യ​മു​ള്ള അ​ള്‍ട്രാ​വ​യ​ല​റ്റ് ര​ശ്മി​ക​ള്‍ക്കാ​ണ് സൂ​ര്യ​താ​പം ഉ​ണ്ടാ​ക്കാ​ന്‍ ശേ​ഷി​യു​ള്ള​ത്.

അ​ന്ത​രീ​ക്ഷം നീ​രാ​വി നി​റ​ഞ്ഞ് ആ​ര്‍ദ്ര​ത കൂ​ടി​യ അ​വ​സ്ഥ​യി​ല്‍ തു​ട​രു​ന്നു. ഉ​ഷ്ണ​ത​രം​ഗ​മു​ള്ള​പ്പോ​ള്‍ താ​പ​നി​ല ക്ര​മ​മാ​യി ഉ​യ​ര്‍ന്ന് മ​നു​ഷ്യ​ശ​രീ​ര​ത്തി​ന് താ​ങ്ങാ​വു​ന്ന​തി​ല​പ്പു​റ​മു​ള്ള അ​വ​സ്ഥ​യി​ലെ​ത്തു​ന്നു. ഉ​ഷ്ണ ത​രം​ഗ​ങ്ങ​ള്‍ പൊ​തു​വാ​യി അ​പ​ക​ട​ക​ര​മാ​വാ​റു​ള്ള​ത് ഉ​ഷ്ണ​മേ​ഖ​ല​യ്ക്ക് പു​റ​ത്ത്, മു​പ്പ​ത് ഡി​ഗ്രി അ​ക്ഷാം​ശ​ത്തി​നു മു​ക​ളി​ലു​ള്ള മേ​ഖ​ല​ക​ളി​ലാ​ണ്.

2003ല്‍ ​യൂ​റോ​പ്പി​ലാ​ണ് ഏ​റ്റ​വും വി​നാ​ശ​ക​ര​മാ​യ ഉ​ഷ്ണ ത​രം​ഗം അ​നു​ഭ​വ​പ്പെ​ട്ട​ത്. മു​പ്പ​ത്ത​യ്യാ​യി​ര​ത്തോ​ളം ആ​ളു​ക​ള്‍ക്കാ​ണ് ഉ​ഗ്ര​മാ​യ ചൂ​ടി​ല്‍ വ​ന്‍ക​ര​യി​ലാ​കെ ജീ​വാ​പാ​യ​മു​ണ്ടാ​യ​ത്. ഉ​ഗ്ര​മാ​യ ചൂ​ടി​ല്‍ ഫ്രാ​ന്‍സി​ല്‍ മാ​ത്രം പ​തി​നാ​ലാ​യി​ര​ത്തോ​ളം പേ​ര്‍ മ​ര​ണ​മ​ട​ഞ്ഞു.

ഉ​ഷ്ണ ത​രം​ഗ​ങ്ങ​ള്‍ മൂ​ല​മു​ള്ള തീ​ഷ്ണ​മാ​യ താ​പ​പ്ര​സ​ര​ണ​മാ​ണ് താ​പ​വി​സ്ഫോ​ട​നം (heat explosion) ക​ട​ല്‍ത്തീ​ര പ്ര​ദേ​ശ​ങ്ങ​ളി​ല്‍ ഇ​തി​നു​ള്ള സാ​ധ്യ​ത വ​ള​രെ കു​റ​വാ​യി​രി​ക്കും.

വേ​ന​ല്‍ക്കാ​ല ക​ണ്ണു​സം​ര​ക്ഷ​ണം

• ഇ​ട​യ്ക്കി​ടെ ശു​ദ്ധ​ജ​ലം​കൊ​ണ്ട് ക​ണ്ണും മു​ഖ​വും ക​ഴു​കു​ക.

• വെ​യി​ല​ത്ത് യാ​ത്ര ചെ​യ്യു​മ്പോ​ള്‍ സ​ണ്‍ഗ്ലാ​സ് ഉ​പ​യോ​ഗി​ക്കു​ക.

• ക​ണ്ണി​ന്‍റെ വ​ര​ള്‍ച്ച​യി​ല്ലാ​താ​ക്കാ​ന്‍ ആ​വ​ശ്യ​ത്തി​ന് വെ​ള്ളം കു​ടി​ക്കു​ക, 6 മു​ത​ല്‍ 8 മ​ണി​ക്കൂ​ർ വ​രെ ഉ​റ​ങ്ങു​ക.

• പ​ഴ​ങ്ങ​ളും പ​ച്ച​ക്ക​റി​ക​ളും ഇ​ല​ക്ക​റി​ക​ളും ഭ​ക്ഷ​ണ​ത്തി​ല്‍ ധാ​രാ​ള​മാ​യി ഉ​ള്‍പ്പെ​ടു​ത്തു​ക.

• പൊ​ടി​യും ഈ​ച്ച​യും മ​റ്റും ക​ണ്ണി​ലാ​യാ​ല്‍ ക​ണ്ണു തി​രു​മ്മ​രു​ത്. ശു​ദ്ധ​ജ​ലം കൊ​ണ്ട് ന​ന്നാ​യി ക​ഴു​കു​ക. എ​ന്നി​ട്ടും അ​സ്വ​സ്ഥ​ത കു​റ​യു​ന്നി​ല്ലെ​ങ്കി​ല്‍ വൈ​ദ്യ​സ​ഹാ​യം തേ​ടു​ക.

• ദീ​ര്‍ഘ​യാ​ത്ര ക​ഴി​ഞ്ഞ് വീ​ട്ടി​ലെ​ത്തി​യാ​ല്‍ ത​ണു​ത്ത ശു​ദ്ധ​ജ​ല​ത്തി​ല്‍ മു​ക്കി​യ കോ​ട്ട​ണ്‍കൊ​ണ്ട് ക​ണ്‍പോ​ള​ക​ള്‍ ന​ന്നാ​യി തു​ട​യ്ക്കു​ക.

വേ​ന​ല്‍ രോ​ഗ​ങ്ങ​ളെ അ​ക​റ്റാ​ന്‍

1. തു​റ​ന്നു​വെ​ച്ച ഭ​ക്ഷ​ണം, വെ​ള്ളം, ഐ​സ്ഫ്രൂ​ട്ട് എ​ന്നി​വ ഒ​ഴി​വാ​ക്ക​ണം.

2. പ​ഴ​ങ്ങ​ള്‍ കൂ​ടു​ത​ല്‍ ക​ഴി​ക്ക​ണം. തൊ​ലി​യു​ള്ള പ​ഴ​ങ്ങ​ളാ​ണ് ന​ല്ല​ത്. തൊ​ലി ക​ള​ഞ്ഞ് ക​ഴി​ക്കു​ക. അ​ല്ലാ​ത്ത​വ ന​ന്നാ​യി ക​ഴു​കി ക​ഴി​ക്കു​ക.

3. കു​ള​ങ്ങ​ളി​ലും വെ​ള്ള​ക്കെ​ട്ടു​ക​ളി​ലും കു​ളി​ക്ക​രു​ത്. എ​ലി​പ്പ​നി, ചെ​ങ്ക​ണ്ണ് എ​ന്നി​വ പ​ക​രാം.

4. അ​യ​ഞ്ഞ പ​രു​ത്തി​വ​സ്ത്ര​ങ്ങ​ള്‍ അ​ല​ക്കി ഉ​ണ​ക്കി ഉ​പ​യോ​ഗി​ക്കു​ക.

5. ശ​രീ​ര​ത്തി​ലെ മു​റി​വു​ക​ള്‍ പു​റ​ത്തു പോ​കു​മ്പോ​ള്‍ പൊ​ടി​യും മ​റ്റും ക​ട​ക്കാ​തെ മൂ​ടി​ക്കെ​ട്ടു​ക.

6. ര​ണ്ടു നേ​ര​വും കു​ളി​ക്കു​ക, കു​ളി​ക്കു​ന്ന വെ​ള്ള​ത്തി​ല്‍ അ​ല്പം ഉ​പ്പി​ടു​ന്ന​ത് ചൂ​ടു​കു​രു ശ​ല്യം കു​റ​യ്ക്കും.

7. ചി​ക്ക​ന്‍പോ​ക്സ്, ചെ​ങ്ക​ണ്ണ് തു​ട​ങ്ങി​യ രോ​ഗ​മു​ള്ള മ​റ്റു​ള്ള​വ​രു​മാ​യി ഇ​ട​പ​ഴ​കാ​തി​രി​ക്കു​ക.

8. ചെ​റി​യ പ​നി​പോ​ലും ര​ണ്ടു​മൂ​ന്നു ദി​വ​സം നീ​ണ്ടു​നി​ന്നാ​ല്‍ വൈ​ദ്യ​സ​ഹാ​യം തേ​ടു​ക.

വേ​ന​ല്‍ക്കാ​ല രോ​ഗ​ങ്ങ​ൾ

വേ​ന​ൽ​ക്കാ​ലം പ​രീ​ക്ഷ​ക്കാ​ലം കൂ​ടി​യാ​ണ​ല്ലോ. ചി​ക്ക​ൻ പോ​ക്സും ചെ​ങ്ക​ണ്ണും മ​ഞ്ഞ​പ്പി​ത്ത​വു​മൊ​ക്കെ പ​ട​ർ​ന്നു പി​ടി​ച്ചാ​ൽ പ​രീ​ക്ഷ കു​ള​മാ​കും. അ​തി​ല്ലാ​തി​രി​ക്കാ​ൻ ചി​ല മു​ൻ​ക​രു​ത​ലു​ക​ളെ​ടു​ക്കാം.

i. മ​ഞ്ഞ​പ്പി​ത്തം:

മ​ലി​ന​ജ​ല​ത്തി​ലൂ​ടെ പ​ക​രു​ന്ന ഹെ​പ്പ​റ്റൈ​റ്റി​സ് എ ​യാ​ണ് വേ​ന​ക്കാ​ല​ത്ത് പ​ട​ര്‍ന്നു പി​ടി​ക്കു​ന്ന മ​ഞ്ഞ​പ്പി​ത്തം. മ​ലി​ന​ജ​ലം ഉ​പ​യോ​ഗി​ക്കു​ന്ന ത​ട്ടു​ക​ട​ക​ള്‍, ഹോ​ട്ട​ലു​ക​ള്‍, ഐ​സ്ഫ്രൂ​ട്ട്, ഐ​സ്ക്രീം, സോ​ഡ, ജൂ​സ്ക​ട​ക​ള്‍തു​ട​ങ്ങി​യ​വ​യെ​ല്ലാം രോ​ഗം പ​ര​ത്തു​ന്ന കേ​ന്ദ്ര​മാ​കു​ന്നു.വെ​ള്ളം 5 മി​നി​ട്ടെ​ങ്കി​ലും വെ​ട്ടി​ത്തി​ള​പ്പി​ച്ചാ​ല്‍ മാ​ത്ര​മേ മ​ഞ്ഞ​പ്പി​ത്ത​ത്തി​നു കാ​ര​ണ​മാ​യ പി​ക്കോ​ര്‍ണ വൈ​റ​സു​ക​ള്‍ ന​ശി​ക്കൂ. മ​ലി​ന​ജ​ല​ത്തി​ല്‍ ആ​ഹാ​ര​ത്തി​നു മു​മ്പ് കൈ ​ക​ഴു​കു​ന്ന​തും ആ​ഹാ​ര​പാ​ത്ര​ങ്ങ​ള്‍ ക​ഴു​കു​ന്ന​തും പ​ച്ച​ക്ക​റി​ക​ള്‍ ക​ഴു​കു​ന്ന​തു​മെ​ല്ലാം രോ​ഗ​പ്പ​ക​ര്‍ച്ച​യ്ക്കു കാ​ര​ണ​മാ​കും. രോ​ഗി​യു​ടെ മ​ല​ത്തി​ലൂ​ടെ​യും മൂ​ത്ര​ത്തി​ലൂ​ടെ​യും വി​സ​ര്‍ജി​ക്ക​പ്പെ​ടു​ന്ന പി​ക്കോ​ര്‍ണ വൈ​റ​സു​ക​ളാ​ണ് കു​ടി​വെ​ള്ള​ത്തി​ല്‍ ക​ല​രു​ന്ന​ത്. ക്ഷീ​ണം, ത​ള​ര്‍ച്ച, ഓ​ക്കാ​നം, ച​ര്‍ദ്ദി​ല്‍, നേ​രി​യ പ​നി, വി​ശ​പ്പി​ല്ലാ​യ്മ എ​ന്നി​വ​യാ​ണ് പ്ര​ധാ​ന ല​ക്ഷ​ണ​ങ്ങ​ള്‍. ശ​രി​യാ​യ വി​ശ്ര​മ​മെ​ടു​ത്താ​ല്‍ നാ​ലാ​ഴ്ച കൊ​ണ്ട് രോ​ഗം കു​റ​യും. രോ​ഗി​യു​ടെ ആ​ഹാ​ര​ത്തി​ല്‍ പ​ഴ​വ​ര്‍ഗ​ങ്ങ​ള്‍, പ​ച്ച​ക്ക​റി​ക​ള്‍, ഇ​ല​ക്ക​റി​ക​ള്‍ എ​ന്നി​വ ഉ​ള്‍പ്പെ​ടു​ത്ത​ണം. ഓ​റ​ഞ്ച്, പേ​ര​യ്ക്ക, മു​സം​ബി, പ​പ്പാ​യ, മു​ള​പ്പി​ച്ച പ​യ​ര്‍, സ​ലാ​ഡു​ക​ള്‍, പെ​ടി​യ​രി​ക്ക​ഞ്ഞി, ക​രി​ക്കി​ന്‍വെ​ള്ളം എ​ന്നി​വ​യാ​ണ്. മ​ഞ്ഞ​പ്പി​ത്ത രോ​ഗി​ക​ള്‍ക്ക് ന​ല്‍കാ​വു​ന്ന ഏ​റ്റ​വും ന​ല്ല ഭ​ക്ഷ​ണ​ങ്ങ​ള്‍. വ​റു​ത്ത​തും പൊ​രി​ച്ച​തു​മാ​യ​വ ഒ​ഴി​വാ​ക്കാം. പ്രി​സ​ര്‍വേ​റ്റീ​വു​ക​ള്‍ ചേ​ര്‍ത്ത ബേ​ക്ക​റി പ​ല​ഹാ​ര​ങ്ങ​ള്‍, കോ​ള​ക​ള്‍ തു​ട​ങ്ങി​യ​വ കൃ​ത്രി​മ പാ​നീ​യ​ങ്ങ​ള്‍ എ​ന്നി​വ ഒ​ഴി​വാ​ക്ക​ണം. ദി​വ​സം എ​ട്ട് ഗ്ലാ​സ് വെ​ള്ള​മെ​ങ്കി​ലും കു​ടി​ക്ക​ണം. മ​ദ്യ​പാ​നം, ദീ​ര്‍ഘ​യാ​ത്ര, സൈ​ക്കി​ള്‍ ച​വി​ട്ട​ല്‍, ഭാ​രം ഉ​യ​ര്‍ത്ത​ല്‍ എ​ന്നി​വ മ​ഞ്ഞ​പ്പി​ത്ത രോ​ഗി​ക​ള്‍ ഒ​ഴി​വാ​ക്ക​ണം. വേ​ദ​ന സം​ഹാ​രി​ക​ളും പ​രാ​സി​റ്റ​മോ​ളും ഉ​പ​യോ​ഗി​ക്ക​രു​ത്.

ii. ചി​ക്ക​ന്‍പോ​ക്സ്

വേ​ന​ല്‍ക്കാ​ല​ത്ത് പ​ട​ര്‍ന്നു പി​ടി​ക്കു​ന്ന മ​റ്റൊ​രു വൈ​റ​സ് രോ​ഗ​മാ​ണ് ചി​ക്ക​ന്‍പോ​ക്സ്. പ​രീ​ക്ഷ​യ്ക്ക് ത​യ്യാ​റെ​ടു​ക്കു​ന്ന വി​ദ്യാ​ർ​ഥി​ക​ള്‍ക്ക് വ​ലി​യ​പ്ര​ശ്ന​ങ്ങ​ള്‍ സൃ​ഷ്ടി​ക്കു​ന്ന രോ​ഗ​മാ​ണി​ത്. മാ​ന​സി​ക സ​മ്മ​ര്‍ദ്ദ​വും ശ​രീ​ര​ത്തി​ന്‍റെ പ്ര​തി​രോ​ധ​ശേ​ഷി​ക്കു​റ​വും ഈ ​രോ​ഗം പെ​ട്ടെ​ന്നു പി​ടി​പെ​ടാ​ന്‍ സ​ഹാ​യി​ക്കു​ന്നു. അ​തു​കൊ​ണ്ട് പ​രീ​ക്ഷ​യ്ക്ക് ത​യ്യാ​റെ​ടു​ക്കു​ന്ന​വ​ര്‍ ശാ​രീ​രി​ക​വും മാ​ന​സി​ക​വു​മാ​യ ആ​രോ​ഗ്യ​പ​രി​പാ​ല​ന കാ​ര്യ​ങ്ങ​ളി​ല്‍ ശ്ര​ദ്ധി​ച്ചാ​ല്‍ ഒ​രു പ​രി​ധി​വ​രെ ചി​ക്ക​ന്‍പോ​ക്സി​നെ അ​ക​റ്റി നി​ര്‍ത്താം.

ശ​രീ​ര​ത്തി​ലെ ചു​വ​ന്നു ത​ടി​ച്ച​പാ​ടു​ക​ളും തു​ട​ര്‍ന്നു​ള്ള കു​മി​ള​ക​ളു​മാ​ണ് പ്രാ​രം​ഭ ല​ക്ഷ​ണ​ങ്ങ​ള്‍. പ​നി, ന​ടു​വേ​ദ​ന, ത​ല​വേ​ദ​ന, ക്ഷീ​ണം എ​ന്നി​വ​യെ​ത്തു​ട​ര്‍ന്നാ​ണ് ദേ​ഹ​ത്ത് കു​മി​ള​ക​ള്‍ പ്ര​ത്യ​ക്ഷ​പ്പെ​ടു​ക. നെ​ഞ്ച​ത്തും വ​യ​റ്റി​ലു​മാ​ണ് ഇ​വ ആ​ദ്യ​മു​ണ്ടാ​വു​ക. കൈ​വെ​ള്ള​യി​ലും പാ​ദ​ത്തി​ന്‍റെ അ​ടി​ഭാ​ഗ​ത്തും കു​മി​ള​ക​ള്‍ ഉ​ണ്ടാ​കാ​റി​ല്ല. മ​ഞ്ഞു​തു​ള്ളി​ക​ള്‍ പോ​ലെ​യു​ള്ള ഈ ​കു​മി​ള​ക​ളി​ല്‍ തെ​ളി​ഞ്ഞ ദ്രാ​വ​കം നി​റ​ഞ്ഞി​രി​ക്കും.ഈ ​കു​മി​ള​ക​ള്‍ ചൊ​റി​ഞ്ഞു​പൊ​ട്ടി​യാ​ല്‍ ബാ​ക്ടീ​രി​യ അ​ണു​ബാ​ധ​യു​ണ്ടാ​യി പ​ഴു​പ്പു നി​റ​യും. ഗ​ര്‍ഭി​ണി​ക​ള്‍ക്ക് ചി​ക്ക​ന്‍പോ​ക്സ് വ​രാ​തെ പ്ര​ത്യേ​കം ക​രു​തേ​ണ്ട​തു​ണ്ട്.രോ​ഗ​ല​ക്ഷ​ണ​ങ്ങ​ള്‍ പ്ര​ത്യ​ക്ഷ​പ്പെ​ട്ട് 24 മ​ണി​ക്കൂ​റി​ന​കം എ​സൈ​ക്ലോ​വി​ന്‍ വി​ഭാ​ഗ​ത്തി​ല്‍പ്പെ​ട്ട ആ​ന്‍റി​വൈ​റ​ല്‍ മ​രു​ന്നു​ക​ള്‍ ഡോ​ക്ട​ര്‍മാ​ര്‍ ഇ​പ്പോ​ള്‍ ന​ല്‍കാ​റു​ണ്ട്. ഇ​ത് രോ​ഗ​ത്തി​ന്‍റെ അ​സ്വ​സ്ഥ​ത​ക​ള്‍ വ​ള​രെ കു​റ​യ്ക്കും. ദി​വ​സ​വും ചെ​റു​ചൂ​ടു​വെ​ള്ള​ത്തി​ല്‍ മേ​ല്‍ക​ഴു​കു​ന്ന​തും ശ​രീ​രം വൃ​ത്തി​യാ​ക്കു​ന്ന​തും ച​ര്‍മ​ത്തി​ലെ ബാ​ക്ടീ​രി​യ​ല്‍ അ​ണു​ബാ​ധ​യെ ത​ട​യും.

iii. ചൂ​ടു​കു​രു

വേ​ന​ല്‍ക്കാ​ല​ത്ത് വ​ള​രെ സാ​ധാ​ര​ണ​യാ​യി ഉ​ണ്ടാ​കു​ന്ന ഒ​രു ച​ര്‍മ​രോ​ഗ​മാ​ണ് ചൂ​ടു​കു​രു അ​ഥ​വാ മി​ലി​യേ​റി​യ. സ്വേ​ദ​ഗ്ര​ന്ഥി​ക​ളു​ടെ നാ​ളി​ക​ള്‍ക്ക് ത​ട​സ​മു​ണ്ടാ​കു​ന്ന​തി​നെ തു​ട​ര്‍ന്ന് വി​യ​ര്‍പ്പ് ച​ര്‍മ​ത്തി​ല്‍ ത​ങ്ങു​ന്ന​താ​ണ് ചൂ​ടു​കു​രു​വി​ന് കാ​ര​ണം. തു​ട​ര്‍ന്ന് ശ​രീ​ര​മൊ​ട്ടാ​കെ ചു​വ​ന്ന കു​ഞ്ഞു കു​രു​ക്ക​ള്‍ പ്ര​ത്യ​ക്ഷ​പ്പെ​ടു​ന്നു. ഇ​വ​യ്ക്ക് ചൊ​റി​ച്ചി​ലും നീ​റ്റ​ലും വേ​ദ​ന​യു​മു​ണ്ടാ​കാം. ച​ര്‍മം ശു​ചി​യാ​യും ഈ​ര്‍പ്പ​ര​ഹി​ത​മാ​യും സം​ര​ക്ഷി​ക്കു​ക. ഇ​യ്ക്കി​ടെ ത​ണു​ത്ത വെ​ള്ള​ത്തി​ല്‍ മേ​ല്‍ക​ഴു​കു​ക എ​ന്നി​വ ചൂ​ടു​കു​രു​വി​ന്‍റെ അ​സ്വ​സ്ഥ​ത കു​റ​യ്ക്കും. ക​ലാ​മി​ന്‍ ലോ​ഷ​ന്‍ പു​ര​ട്ടു​ന്ന​തും ന​ല്ല​താ​ണ്.

iv. ചു​ണ​ങ്ങ്

വേ​ന​ല്‍ക്കാ​ല​ത്ത് അ​മി​ത​വി​യ​ര്‍പ്പി​നാ​ല്‍ ച​ര്‍മ​ത്തി​ലു​ണ്ടാ​കു​ന്ന ഫം​ഗ​സ് ബാ​ധ​യാ​ണ് ചു​ണ​ങ്ങ്. മ​ലാ​സേ​സി​യാ ഫ​ര്‍ഫ​ര്‍ എ​ന്ന ഫം​ഗ​സാ​ണ് ഇ​തു​ണ്ടാ​ക്കു​ന്ന​ത്. പ്ര​തി​രോ​ധ ശേ​ഷി​കു​റ​ഞ്ഞ​വ​ര്‍, പ്ര​മേ​ഹ​രോ​ഗി​ക​ള്‍, ഗ​ര്‍ഭി​ണി​ക​ള്‍, പോ​ഷ​കാ​ഹാ​ര​ക്കു​റ​വു​ള്ള​വ​ര്‍ എ​ന്നി​വ​രെ ഇ​ത് എ​ളു​പ്പം ആ​ക്ര​മി​ക്കും.

ശ​രീ​ര​ത്തി​ന്‍റെ വി​വി​ധ​ഭാ​ഗ​ങ്ങ​ളി​ലാ​യി പ്ര​ത്യ​ക്ഷ​പ്പെ​ടു​ന്ന വെ​ളു​പ്പും ത​വി​ട്ടും ക​ല​ര്‍ന്ന് പാ​ടു​ക​ളാ​ണ് പ്ര​ധാ​ന ല​ക്ഷ​ണം. ക​ഴു​ത്ത്, നെ​ഞ്ച് തു​ട​ങ്ങി​യ ഭാ​ഗ​ത്ത് കൂ​ടു​ത​ലു​ണ്ടാ​വും. പു​റ​മേ പു​ര​ട്ടു​ന്ന ആ​ന്‍റി​ഫം​ഗ​ല്‍ മ​രു​ന്നു​കൊ​ണ്ടും ഉ​ള്ളി​ലേ​ക്ക് ക​ഴി​ക്കു​ന്ന മ​രു​ന്നു​കൊ​ണ്ടും ച​ര്‍മ​ശു​ദ്ധി​യി​ലൂ​ടെ​യും ഈ ​രോ​ഗ​ത്തെ നി​യ​ന്ത്രി​ക്കാം.

v. വ​ട്ട​ച്ചൊ​റി

ച​ര്‍മ​ത്തി​നെ ബാ​ധി​ക്കു​ന്ന മ​റ്റൊ​രു ഫം​ഗ​സ് രോ​ഗ​മാ​ണ് വ​ട്ട​ച്ചൊ​റി. ക​ക്ഷം, തു​ട​ക​ളു​ടെ ഉ​ള്‍ഭാ​ഗം തു​ട​ങ്ങി അ​മി​ത​മാ​യി വി​യ​ര്‍ക്കു​ന്ന ഭാ​ഗ​ങ്ങ​ളി​ലാ​ണ് ഇ​വ​കൂ​ടു​ത​ലാ​യി ഉ​ണ്ടാ​വു​ക. വ​ട്ട​ത്തി​ല്‍ കാ​ണു​ന്ന പാ​ടു​ക​ളു​ടെ അ​രി​കു​ക​ള്‍ കൂ​ടു​ത​ല്‍ ത​ടി​ച്ചും കൂ​ടു​ത​ല്‍ തെ​ളി​ഞ്ഞു​മി​രി​ക്കും. ച​ര്‍മം ശു​ചി​യാ​യും ഈ​ര്‍പ്പ​ര​ഹി​ത​മാ​യും സം​ര​ക്ഷി​ക്കു​ക. ഇ​റു​കി​പ്പി​ടി​ച്ച് കാ​റ്റ് ക​ട​ക്കാ​ത്ത​താ​യ വ​സ്ത്ര​ധാ​ര​ണ​രീ​തി ഉ​പേ​ക്ഷി​ക്കു​ക. അ​യ​ഞ്ഞ കോ​ട്ട​ണ്‍ വ​സ്ത്ര​ങ്ങ​ള്‍ ഉ​പ​യോ​ഗി​ക്കു​ക എ​ന്നി​വ​യി​ലൂ​ടെ വ​ട്ട​ച്ചൊ​റി​യെ ത​ട​യാം. ആ​ന്‍റി​ഫം​ഗ​ല്‍ മ​രു​ന്നു​ക​ള്‍കൊ​ണ്ട് ചി​കി​ത്സി​ച്ചു മാ​റ്റാം.

vi. ചെ​ങ്ക​ണ്ണ്

വേ​ന​ല്‍ക്കാ​ല​ത്ത് പ​ട​ര്‍ന്നു പി​ടി​ക്കു​ന്ന ഒ​രു പ്ര​ധാ​ന നേ​ത്ര​രോ​ഗ​മാ​ണ് ചെ​ങ്ക​ണ്ണ് അ​ഥ​വാ ക​ണ്‍ജാ​ക്ടി​വൈ​റ്റി​സ്. ക​ണ്ണി​ന്‍റെ നേ​ത്രാ​വ​ര​ണ​മാ​യ ക​ണ്‍ജം​ക്ടി​വ​യ്ക്ക് ഉ​ണ്ടാ​കു​ന്ന നീ​ര്‍വീ​ഴ്ച​യാ​ണ് ചെ​ങ്ക​ണ്ണ്. ബാ​ക്ടീ​രി​യ​യും വൈ​റ​സും ചെ​ങ്ക​ണ്ണി​ന് കാ​ര​ണ​മാ​കാം.ക​ണ്ണി​ന്‍റെ നേ​ത്രാ​വ​ര​ണ​ത്തി​ലെ ര​ക്ത​ധ​മ​നി​ക​ള്‍ ചു​വ​ന്നു ത​ടി​ക്കു​ക, ക​ണ്ണി​നു ക​രു​ക​രു​പ്പ്, ക​ണ്ണു​നീ​ര്‍ ധാ​ര​ധാ​ര​യാ​യി ഒ​ഴു​കു​ക, വെ​ളി​ച്ച​ത്തു നോ​ക്കാ​നു​ള്ള പ്ര​യാ​സം, ക​ണ്ണു പീ​ള​കെ​ട്ടു​ക തു​ട​ങ്ങി​യ​വ​യാ​ണ് അ​ണു​ബാ​ധ​മൂ​ല​മു​ള്ള ചെ​ങ്ക​ണ്ണി​ന്‍റെ ല​ക്ഷ​ണ​ങ്ങ​ള്‍.

ഒ​ന്നോ​ര​ണ്ടോ ആ​ഴ്ച​ക​ള്‍കൊ​ണ്ട് രോ​ഗാ​ണു​ബാ​ധ​മൂ​ല​മു​ള്ള ചെ​ങ്ക​ണ്ണ് മാ​റും. വൈ​റ​സ്ബാ​ധ​യു​ള്ള ചെ​ങ്ക​ണ്ണ് ഭേ​ദ​മാ​യാ​ലും വൈ​റ​സു​ക​ള്‍ കോ​ര്‍ണി​യ​യെ ബാ​ധി​ച്ച് വെ​ളു​ത്ത പാ​ടു​ണ്ടാ​ക്കു​ന്ന​തു​കൊ​ണ്ട് കാ​ഴ്ച​ക്കു​റ​വു​ണ്ടാ​കാം.

രോ​ഗി​യു​ടെ സ്പ​ര്‍ശ​നം, ഉ​പ​യോ​ഗി​ച്ച തോ​ര്‍ത്ത്, തൂ​വാ​ല, സോ​പ്പ് എ​ന്നി​വ​യു​ടെ ഉ​പ​യോ​ഗം എ​ന്നി​വ​യി​ലൂ​ടെ രോ​ഗം അ​തി​വേ​ഗം പ​ട​ര്‍ന്നു പി​ടി​ക്കു​ന്നു.

രോ​ഗ​ബാ​ധി​ത​രു​മാ​യു​ള്ള സ​മ്പ​ര്‍ക്കം ഒ​ഴി​വാ​ക്കു​ക, രോ​ഗ​ബാ​ധി​ത​ര്‍ സോ​പ്പി​ട്ടു ഇ​ട്യ്ക്കി​ടെ കൈ​ക​ള്‍ ക​ഴു​കി വൃ​ത്തി​യാ​ക്കു​ക. രോ​ഗ​ബാ​ധി​ത​ര്‍ പൊ​തു​സ്ഥ​ല​ങ്ങ​ളി​ല്‍ നി​ന്നും വി​ട്ടു നി​ല്‍ക്കു​ക എ​ന്നി​വ​യി​ലൂ​ടെ രോ​ഗ​പ്പ​ക​ര്‍ച്ച ത​ട​യാം.

vii. ക​ണ്‍കു​രു

ചൂ​ട്, പൊ​ടി, വെ​യി​ല​ത്ത് അ​ധി​ക​നേ​ര​മു​ള്ള അ​ധ്വാ​നം എ​ന്നി​വ​യെ​ല്ലാം മൂ​ലം വേ​ന​ല്‍ക്കാ​ല​ത്ത് കൂ​ടു​ത​ലാ​യി ക​ണ്‍കു​രു ക​ണ്ടു വ​രു​ന്നു. ക​ണ്ണി​ന്‍റെ ഈ​ര്‍പ്പ​നി​ല നി​ല​നി​ര്‍ത്താ​നാ​യി സ​ഹാ​യി​ക്കു​ന്ന​ത് ചി​ല ഗ്ര​ന്ഥി​ക​ള്‍ ഉ​ല്പാ​ദി​പ്പി​ക്കു​ന്ന സ്ര​വ​ങ്ങ​ളാ​ണ്. പൊ​ടി​യും അ​ഴു​ക്കും മൂ​ലം ഈ ​ഗ്ര​ന്ഥി​ക​ള്‍ അ​ട​ഞ്ഞു​പോ​വു​ക​യും അ​വി​ടെ രോ​ഗാ​ണു​ബാ​ധ​യു​ണ്ടാ​കു​ക​യും ചെ​യ്യു​ന്ന​താ​ണ് ക​ണ്‍കു​രു.

ക​ണ്‍കു​രു​ക്ക​ള്‍ പ്ര​ധാ​ന​മാ​യും ര​ണ്ടു ത​ര​ത്തി​ലു​ണ്ട്. ക​ണ്ണി​ല്‍ ഈ​ര്‍പ്പം നി​ല​നി​ര്‍ത്തു​ന്ന മി​ബോ​മി​യ​ന്‍ ഗ്ര​ന്ഥി​ക​ളു​യെും ക​ണ്‍പീ​ലി​ക​ളു​ടെ രോ​മ​കൂ​പ​ങ്ങ​ളി​ലേ​യും അ​ണു​ബാ​ധ മൂ​ല​മു​ള്ള ക​ണ്‍കു​രു. ഇ​തി​ന് ന​ല്ല വേ​ദ​ന​യു​ണ്ടാ​കും. ഇ​തി​നെ സൈ​റ്റ് എ​ന്നു പ​റ​യും. മി​ബോ​മി​യ​ന്‍ ഗ്ര​ന്ഥി​ക​ളു​ടെ നാ​ളി​ക​ള്‍

രോ​ഗാ​ണു​ബാ​ധ​യി​ല്ലാ​തെ ത​ന്നെ അ​ട​ഞ്ഞു​പോ​കാ​റു​ണ്ട്. ഇ​ങ്ങ​നെ​യു​ണ്ടാ​കു​ന്ന ക​ണ്‍കു​രു​വാ​ണ് ക​ലാ​സി​യോ​ണ്‍. ക​ലാ​സി​യോ​ണി​ന് വേ​ദ​ന​യു​ണ്ടാ​കി​ല്ല.

അ​ല്പം ഉ​പ്പി​ട്ട ചെ​റു​ചൂ​ടു​വെ​ള്ള​ത്തി​ല്‍ തു​ണി​കൊ​ണ്ടു​ള്ള തി​രി​മു​ക്കി​പ്പി​ഴി​ഞ്ഞ് അ​മ​ര്‍ത്തു​ന്ന​ത് ക​ണ്‍കു​രു​വി​നെ എ​ളു​പ്പം ശ​മി​പ്പി​ക്കും. മ​രു​ന്നു​കൊ​ണ്ടു മാ​റാ​ത്ത ക​ണ്‍കു​രു ശ​സ്ത്ര​ക്രി​യ​യി​ലൂ​ടെ നീ​ക്കേ​ണ്ടി​വ​രും.

viii. ബ്ലി​ഫ​റൈ​റ്റി​സ്

വേ​ന​ല്‍ക്കാ​ല​ത്ത് ക​ണ്ണി​ന​നു​ഭ​വ​പ്പെ​ടു​ന്ന ഒ​രു സാ​ധാ​ര​ണ രോ​ഗ​മാ​ണ് വ​ര​ള്‍ച്ച​യും ചൊ​റി​ച്ചി​ലും. ത​ല​യി​ലെ താ​ര​നും മ​റ്റു​പൊ​ടി​ക​ളും ക​ണ്‍പോ​ള​ക​ളു​ടെ അ​ടി​യി​ല്‍ അ​ടി​ഞ്ഞു​കൂ​ടു​ന്ന​താ​ണ് ഇ​തി​നു കാ​ര​ണം. ഈ ​അ​വ​സ്ഥ​യെ ബ്ലി​ഫ​റൈ​റ്റി​സ് എ​ന്നു പ​റ​യും. ക​ണ്‍പോ​ള​ക​ള്‍ക്ക് അ​സ​ഹ്യ​മാ​യ ചൊ​റി​ച്ചി​ല്‍ തു​ട​ര്‍ന്നു​ള്ള നീ​റ്റ​ല്‍ എ​ന്നി​വ​യാ​ണ് ല​ക്ഷ​ണ​ങ്ങ​ള്‍. ഇ​തോ​ടൊ​പ്പം ക​ണ്ണി​നു ചു​വ​പ്പും ക​ണ്ണീ​രൊ​ലി​പ്പും ഉ​ണ്ടാ​കാം. ത​ണു​ത്ത ശു​ദ്ധ​ജ​ല​ത്തി​ല്‍ കോ​ട്ട​ണ്‍മു​ക്കി ഇ​യ്ക്കി​ടെ തു​ട​യ്ക്കു​ക. നേ​ത്ര​രോ​ഗ​വി​ദ​ഗ്ധ​ന്‍ നി​ര്‍ദ്ദേ​ശി​ക്കു​ന്ന മ​രു​ന്നു​ക​ള്‍ പു​ര​ട്ടു​ക.

ആ​ശ്വാ​സ​ത്തി​ന് സം​ഭാ​ര​വും ക​രി​ക്കി​ന്‍ വെ​ള്ള​വും

ചൂ​ടു കൂ​ടി​യ കാ​ലാ​വ​സ്ഥ​യി​ല്‍ ഓ​രോ​രു​ത്ത​രും അ​വ​രു​ടെ ഓ​രോ കി​ലോ ഭാ​ര​ത്തി​നു​മ​നു​സ​രി​ച്ച് ഒ​ന്ന​ര ഔ​ണ്‍സ് വെ​ള്ളം വ​ച്ച് കു​ടി​ക്ക​ണം. വേ​ന​ല്‍ക്കാ​ല​ത്ത് കു​ടി​ക്കാ​ന്‍ പ​റ്റി​യ ഏ​റ്റ​വും ന​ല്ല പാ​നീ​യ​ങ്ങ​ളാ​ണ് ക​രി​ക്കി​ന്‍ വെ​ള്ള​വും സം​ഭാ​ര​വും. ക​രി​ക്കി​ന്‍ വെ​ള്ള​ത്തി​ല്‍ ധാ​രാ​ള​മാ​യി അ​ട​ങ്ങി​യി​രി​ക്കു​ന്ന പൊ​ട്ടാ​സ്യ​വും ല​വ​ണ​ങ്ങ​ളും ക​ടു​ത്ത വേ​ന​ലി​ലെ വി​യ​ര്‍പ്പി​ലൂ​ടെ​യു​ള്ള ല​വ​ണ​ന​ഷ്ടം പ​രി​ഹ​രി​ക്കു​വാ​ന്‍ സ​ഹാ​യി​ക്കു​ന്നു. മ​ല്ലി​വെ​ള്ളം, ജീ​ര​ക​വെ​ള്ളം, ചു​ക്കും മ​ല്ലി​യും ചേ​ര്‍ത്ത് തി​ള​പ്പി​ച്ച വെ​ള്ളം എ​ന്നി​വ​യും ചൂ​ടു​കാ​ല​ത്ത് ഉ​ത്ത​മ​മാ​ണ്.

ധാ​രാ​ളം ശു​ദ്ധ​ജ​ലം ചേ​ര്‍ത്ത് (തി​ള​പ്പി​ച്ച് ത​ണു​പ്പി​ച്ച) നേ​ര്‍പ്പി​ച്ച മോ​രി​ല്‍ അ​ല്‍പം ഉ​പ്പ്, ഇ​ഞ്ചി, ക​റി​വേ​പ്പി​ല, നാ​ര​ങ്ങ​യി​ല, പ​ച്ച​മു​ള​ക് എ​ന്നി​വ ച​ത​ച്ചി​ട്ട് ഉ​ണ്ടാ​ക്കു​ന്ന സം​ഭാ​രം വേ​ന​ല്‍ക്കാ​ല​ത്ത് ഏ​ത് പ്രാ​യ​ക്കാ​ര്‍ക്കും ഇ​ഷ്ടം​പോ​ലെ കു​ടി​ക്കാ​വു​ന്ന പാ​നീ​യ​മാ​ണ്.

ചെ​റു​നാ​ര​ങ്ങ, ഓ​റ​ഞ്ച്, ത​ണ്ണി​മ​ത്ത​ന്‍, മാ​ത​ള​നാ​ര​ങ്ങ, കാ​ര​റ്റ്, ബീ​റ്റ്റൂ​ട്ട്, ത​ക്കാ​ളി, വെ​ള്ള​രി​ക്ക, കു​മ്പ​ള​ങ്ങ എ​ന്നി​വ​യു​ടെ ജ്യൂ​സ് വേ​ന​ല്‍ക്കാ​ല​ത്തെ ക്ഷീ​ണ​വും ദാ​ഹ​വും ശ​മി​പ്പി​ക്കാ​ന്‍ വ​ള​രെ ന​ല്ല​താ​ണ്.

• ഉ​പ്പി​ട്ട ക​ഞ്ഞി​വെ​ള്ളം, നാ​ര​ങ്ങാ​വെ​ള്ളം എ​ന്നി​വ​യ​ട​ക്കം ഒ​രു ദി​വ​സം ര​ണ്ടോ മൂ​ന്നോ ലി​റ്റ​ര്‍ വെ​ള്ളം കു​ടി​ക്കു​ക.

• വൃ​ക്ക​രോ​ഗ​വും ര​ക്താ​തി​സ​മ്മ​ര്‍ദ്ദ​വും പ്ര​മേ​ഹ​വു​മൊ​ക്കെ ഉ​ള്ള​വ​ര്‍ ഡോ​ക്ട​റു​ടെ നി​ര്‍ദ്ദേ​ശ​പ്ര​കാ​ര​മു​ള്ള വെ​ള്ളം കു​ടി​ക്കു​ക.

• പ​ഴ​ങ്ങ​ള്‍, പ​ച്ച​ക്ക​റി​ക​ള്‍, ഇ​ല​ക്ക​റി​ക​ള്‍ എ​ന്നി​വ ഭ​ക്ഷ​ണ​ത്തി​ല്‍ കൂ​ടു​ത​ലാ​യി ഉ​ള്‍പ്പെ​ടു​ത്തു​ക.

• മാം​സാ​ഹാ​രം കു​റ​യ്ക്കു​ക.

• കൃ​ത്രി​മ ശീ​ത​ള​പാ​നീ​യ​ങ്ങ​ള്‍, ബീ​യ​ര്‍ എ​ന്നി​വ താ​ല്ക്കാ​ലി​ക​മാ​യി ദാ​ഹം ശ​മി​പ്പി​ക്കു​മെ​ങ്കി​ലും നി​ര്‍ജ​ലീ​ക​ര​ണം കൂ​ട്ടാ​നേ സ​ഹാ​യി​ക്കൂ.

• അ​മി​ത​മാ​യ ചൂ​ടി​ല്‍ തു​റ​സാ​യ സ്ഥ​ല​ങ്ങ​ളി​ല്‍ അ​ധ്വാ​നി​ക്കേ​ണ്ടി വ​രു​മ്പോ​ള്‍ ഇ​ട​യ്ക്കി​ടെ മ​ര​ത്ത​ണ​ലി​ല്‍ വി​ശ്ര​മി​ക്കു​ക. തി​ള​പ്പി​ച്ചാ​റ്റി​യ വെ​ള്ളം ഇ​ട​യ്ക്കി​ടെ കു​ടി​ക്കു​ക.

• സ്കൂ​ളു​ക​ളി​ല്‍ തു​റ​സാ​യ സ്ഥ​ല​ത്ത് കു​ട്ടി​ക​ളെ ക​ളി​ക്കാ​ന​നു​വ​ദി​ക്കാ​തി​രി​ക്കു​ക.

• വെ​യി​ല​ത്ത് സ്കൂ​ള്‍കു​ട്ടി​ക​ളെ പ​ങ്കെ​ടു​പ്പി​ച്ചു​കൊ​ണ്ടു​ള്ള പൊ​തു​പ​രി​പാ​ടി​ക​ള്‍ വേ​ണ്ടെ​ന്നു വ​യ്ക്കു​ക.