ഷാർജ: ഈ വർഷം നവംബർ 6 മുതൽ 17 വരെ ഷാർജ എക്സ്പോ സെന്‍ററിൽ നടക്കുന്ന 43–ാമത് ഷാർജ രാജ്യാന്തര പുസ്തക മേളയോടനുബന്ധിച്ച് പുറത്തിറക്കുന്ന 'ബുക്കിഷ്' മലയാളം സാഹിത്യ ബുള്ളറ്റിനിലേയ്ക്ക് സൃഷ്ടികൾ ക്ഷണിച്ചു. ദശവാർഷിക പതിപ്പായ ഇക്കൊല്ലം സ്കൂൾ, കോളജ് വിദ്യാർഥികൾക്കും 10 വിദേശ രാജ്യങ്ങളിലെ മലയാളികൾക്കും അവസരമുണ്ട്.

മലയാളത്തിലുള്ള മിനിക്കഥ, മിനിക്കവിത, കുഞ്ഞു അനുഭവങ്ങൾ തുടങ്ങിയവ രചയിതാവിന്‍റെ പാസ്പോർട് സൈസ് ഫോട്ടോ, മൊബൈൽ ഫോൺ നമ്പർ, താമസിക്കുന്ന സ്ഥലം/എമിറേറ്റ്, പഠിക്കുന്ന സ്കൂൾ, ക്ലാസ്, വയസ്സ് എന്നിവ സഹിതം bookishsibf@gmail.com എന്ന ഇമെയിൽ വിലാസത്തിലേയ്ക്ക് 2024 ഒക്ടോബർ 10–ാം തീയതിക്ക് മുൻപായി അയക്കണം.

മലയാളത്തിൽ‌ ടൈപ്പ് ചെയ്ത് വേർഡ് ഫയലില്‍ ലഭിക്കുന്ന ചെറിയ സൃഷ്ടികളിൽ നിന്നും തെരഞ്ഞെടുത്തവ മാത്രമേ പ്രസിദ്ധീകരിക്കുകയുള്ളൂ. പ്രസിദ്ധീകരണം സംബന്ധിച്ച ആശയവിനിമയം ഉണ്ടായിരിക്കുന്നതല്ല. കൂടുതൽ വിവരങ്ങൾക്ക്: 050 4146105 /052 979 1510/050 301 6585/ 0567 371376(വാട്സാപ്പ്). ഇത് തുടർച്ചയായ പത്താം വർഷമാണ് സൗജന്യ വിതരണത്തിനായി ബുക്കിഷ് പ്രസിദ്ധീകരിക്കുന്നത്. ഇമെയില്‍: bookishsibf@gmail.com.