തിരുവനന്തപുരം: പാലക്കാട് കോൺഗ്രസിന് സാഥാനാർഥിയാക്കാൻ ഒരു ആൺകുട്ടി പോലുമില്ലേയെന്ന് ബിജെപി നേതാവ് പത്മജ വേണുഗോപാൽ. കെ. കരുണാകരന്‍റെ കുടുംബത്തെ കരി വാരിപ്പൂശിയ ആളെ മാത്രമേ സ്ഥാനാർഥിയാക്കാൻ കിട്ടിയുള്ളൂ എന്നും പത്മജ ഫെയ്സ്ബുക് പോസ്റ്റിൽ കുറിച്ചു.
ഫെയ്സ്ബുക് കുറിപ്പ് വായിക്കാം:
പാലക്കാട് ശ്രീ രാഹുൽ മങ്കൂട്ടം മത്സരിക്കുന്നു എന്ന് കേട്ടു. ഞാൻ പറഞ്ഞതെല്ലാം ശരിയായി വരുന്നു.പാലക്കാട് ഒരു ആൺകുട്ടി പോലും ഇല്ലേ മത്സരിപ്പിക്കാൻ? കെ.കരുണാകരന്‍റെ കുടുംബത്തെ ( പ്രത്യേകിച്ച് ഞങ്ങളുടെ അമ്മയെ )കരി വാരിപൂശിയ ഇയാളെ മാത്രമേ കോൺഗ്രെസ്സ്കാർക്ക് കിട്ടിയുള്ളൂ ഇലക്ഷന് മത്സരിപ്പിക്കാൻ? കെ.മുരളീധരന്‍റെ പേര് കേട്ടിരുന്നു. ഞാൻ അപ്പോഴേ പറഞ്ഞു കെ.കരുണാകരന്‍റെ മകന് അവർ സീറ്റ് കൊടുക്കില്ല എന്ന്. പറഞ്ഞത് ശരിയായില്ലേ ? പാലക്കാട് ജില്ലാ നേതൃത്വം ഒറ്റകെട്ടായി പറഞ്ഞിട്ടും സംസ്ഥാന നേതൃത്വം കെ.മുരളീധരന് സീറ്റ് നിഷേധിച്ചു ഇത് ആരും ഇല്ല എന്ന് പറയണ്ട.