തൊടുപുഴ: ഇടുക്കി വാത്തിക്കുടിയിൽ മരുമകന്‍റെ വെട്ടേറ്റ് വീട്ടമ്മക്ക് ദാരുണാന്ത്യം. വാത്തിക്കുടി ആമ്പക്കാട്ട് രാജമ്മ (68)ആണ് മരിച്ചത്. ഭർത്താവ് ഭാസ്ക്കരൻ ഗുരുതരമായി പരിക്കേറ്റ് ആശുപത്രിയിൽ പ്രവേശിപ്പിച്ചിരിക്കുകയാണ്.

ഇവരുടെ മകളുടെ ഭർത്താവ് വാക്കത്തിയുമായെത്തി ആക്രമിക്കുകയായിരുന്നു. സ്വത്ത് ഭാഗം വയ്ക്കലുമായി ബന്ധപ്പെട്ട തർക്കമാണ് ആക്രമണത്തിലേക്ക് നയിച്ചത്.