കൊച്ചി: ആലുവയിൽ നിന്നും പ്രായപൂർത്തിയാകാത്ത 3 പെൺകുട്ടികളെ കാണാതായതായി പരാതി. ആലുവ തോട്ടയ്ക്കാട്ടുകരയിലെ നിർധനരായ പെൺകുട്ടികളെ സംരക്ഷിക്കുന്ന സ്ഥാപനത്തിൽ നിന്ന് വ്യാഴാഴ്ച പുലർച്ചയോടെയാണ് പെൺകുട്ടികളെ കാണാതായത്.

15, 16, 18 വയസായ കുട്ടികളെയാണ് കാണാതായത്. സ്ഥാപനത്തിലെ അ​ധികൃതർ പരാതി നൽകിയതോടെയാണ് സംഭവം പുറത്തറിയുന്നത്. സംഭവത്തിൽ ആലുവ പൊലീസ് കേസെടുത്ത് അന്വേഷണം ആരംഭിച്ചു. പ്രദേശത്തെ സിസിടിവി ദൃശ്യങ്ങൾ അടക്കമുള്ളവ പരിശോധിച്ച് വരികയാണെന്ന് പൊലീസ് അറിയിച്ചു.