ചാലക്കുടി: നാടക ആസ്വാദകരെ ആവേശം കൊള്ളിച്ച് ചാലക്കുടി ക്രാക്ട് റസിഡൻസ് അസോസിയേഷന്‍റെ നേതൃത്വത്തിൽ നടത്തുന്ന നാടകരാവ് രണ്ടാം ദിവസത്തിലേക്ക്. നാടക രാവിന്‍റെ ഭാഗമായി നടത്തുന്ന സാംസ്ക്കാരിക സമ്മേളനത്തിൽ സിനിമ താരം പ്രേം പ്രകാശ് മുഖ്യാതിഥിയായിരുന്നു...
ചാലക്കുടി റസിഡന്‍സ് അസോസിയേഷന്‍ കോര്‍ഡിനേഷന്‍ ട്രസ്റ്റിന്‍റെ ആഭിമുഖ്യത്തില്‍ നടത്തുന്ന ജോസ് പല്ലിശ്ശേരിയുടെ പേരിലുള്ള നാടകമേളയുടെ രണ്ടാം ദിവസത്തിൽ റസിഡൻസ് അസോസിയേഷൻ കോഡിനേഷൻ കമ്മിറ്റിയായ ക്രാക്റ്റ് പ്രസിഡന്‍റ് പോൾ പാറയിൽ അധ്യക്ഷത വഹിച്ചു. ഷാജു മേച്ചേരിയെ സമ്മേളനത്തിൽ ആദരിച്ചു.
സംഗീത നാടക അക്കാദമി അംഗം സജു ചന്ദ്രൻ, സംവിധായകൻ സുന്ദർദാസ്, സെക്രട്ടറി പി.ഡി. ദിനേശ്, ലൂയീസ് മേലേപ്പുറം, ബീന ഡേവീസ്,, രാധാകൃഷ്ണൻ, ശ്രീനിവാസൻ, തുടങ്ങിയവർ സംസാരിച്ചു. രണ്ടാം ദിനത്തിൽ.വള്ളുവനാട് നാദംതീയറ്റേഴ്‌സിന്റെ ഊഴം നാടകം അരങ്ങേറി. മൂന്നാം ദിവസമായ ബുധനാഴ്ച്ച കൊച്ചി സിറ്റി പോലീസ് ഡെപ്യൂട്ടി കമ്മീഷണര്‍ കെ.എസ്.സുദരശന്‍ മുഖ്യാതിഥിയാക്കും.സാംസ്കാരിക സമ്മേളനത്തിന് ശേഷം അമ്പലപ്പുഴ സൂര്യകാന്തിയുടെ കല്യാണം നാടകം അരങ്ങേറും