കൊച്ചി: ബിജെപി യുമായുള്ള അവിഹിത ബന്ധത്തിന് കെ.വി. തോമസിനെ സിപിഎം അഴകിയ ദല്ലാളാക്കി മാറ്റിയിരിക്കുകയാണെന്ന് ചെറിയാൻ ഫിലിപ്പ്. കേന്ദ്ര സർക്കാർ അനുമതി നിഷേധിച്ച സിൽവർലൈൻ പദ്ധതി പുതിയ കുപ്പിയിൽ അവതരിപ്പിക്കാനാണ് ഇ. ശ്രീധരനിലൂടെ ശ്രമിക്കുന്നത്. ഇതൊരു രാഷ്ട്രീയ കച്ചവടമാണെന്നും അദ്ദേഹം ആരോപിച്ചു.
ലോക്‌സഭാ തെരഞ്ഞെടുപ്പിൽ സിപിഐ സ്ഥാനാർഥികൾ മത്സരിക്കുന്ന തിരുവനന്തപുരത്തും തൃശൂരും ബിജെപി സ്ഥാനാർഥികൾക്ക് സിപിഎം പിന്തുണ നേടുകയാണ് ബിജെപി ലക്ഷ്യം. മറ്റിടങ്ങളിൽ സിപിഎമ്മിനെ ബിജെപി രഹസ്യമായി സഹായിക്കും. ഇതിന്‍റെ മുന്നോടിയായാണ് കെ.വി. തോമസ് ബിജെപി നേതാക്കളുമായി ആരംഭിച്ച ചർച്ചകളെന്നും അദ്ദേഹം കൂട്ടിച്ചേർത്തു.