കൊച്ചി: ലൈഫ് മിഷൻ കോഴക്കേസിൽ സ്വപ്ന സുരേഷിന്‍റെ ജാമ്യം ഉപാധികളോടെ നീട്ടി കോടതി. അന്വേഷണ ഉദ്യോഗസ്ഥർ ആവശ്യപ്പെടുമ്പോൾ ഹാജരാകണം. പുതിയ താമസസ്ഥലത്തിന്‍റെ വിവരങ്ങൾ കൈമാറണമെന്നും കോടതി നിർദേശിച്ചു.
അതേസമയം എം. ശിവശങ്കറിന്‍റെ റിമാൻഡ് ഓഗസ്റ്റ് 5 വരെ നീട്ടി. കഴിഞ്ഞ ഫെബ്രുവരി 14നാണ് ഇഡി ശിവശങ്കറിനെ അറസ്റ്റ് ചെയ്തത്. ലൈഫ് മിഷൻ പദ്ധതിയിൽ ശിവശങ്കറിന് കോഴയായി ലഭിച്ച പണമാണ് സ്വപ്ന സുരേഷിന്‍റെ ബാങ്ക് ലോക്കറുകളിൽ നിന്ന് കണ്ടെത്തിയതെന്നാണ് ആരോപണം.