മലപ്പുറം: മലപ്പുറം ജില്ലയിൽ വൈറൽ ഹെപ്പറ്റൈറ്റിസ് രോ​ഗ ബാധ പടർന്നു പിടിക്കുന്നതായി റിപ്പോർട്ടുകൾ. രോ​ഗം ബാധിച്ചു കഴിഞ്ഞ ദിവസങ്ങളിൽ രണ്ട് പേർ മരിച്ചതോടെയാണ് മലപ്പുറം ജില്ലയിൽ ആരോഗ്യ വകുപ്പ് ജാ​ഗ്രതാ നിർദേശം പുറപ്പെടുവിച്ചു. പോത്തുകല്ല്, എടക്കര പഞ്ചായത്തുകളിലാണ് രോ​ഗ ബാധ കൂടുതലായും റിപ്പോർട്ടു ചെയ്തിരിക്കുന്നത്. ഈ പ്രദേശങ്ങളിൽ ആരോ​ഗ്യ വകുപ്പ് നിയന്ത്രണം കടുപ്പിച്ചിട്ടുണ്ട്.

കുടിവെള്ളത്തിൽ അതീവ ശ്രദ്ധ പാലിക്കണം, ശുദ്ധമായ വെള്ളം മാത്രം കുടിക്കണം, കൂൾബാറുകളുടേയും ഹോട്ടലുകളുടേയും പ്രവർത്തനത്തിനു നിയന്ത്രണം ഏർപ്പെടുത്തിയതായും ജില്ലാ മെഡിക്കൽ ഓഫീസർ വ്യക്തമാക്കി.