കോട്ടയം: മെഡിക്കൽ കോളെജ് ആശുപത്രി കുളിമുറിയിൽ ഒളിക്യാമറ വച്ച് പ്രായപൂർത്തിയാകാത്ത പെൺകുട്ടിയുടെ നഗ്നദൃശ്യങ്ങൾ പകർത്തിയ സംഭവത്തിൽ ഒരാൾ അറസ്റ്റിൽ. ഇടുക്കി സ്വദേശി സെബാസ്റ്റ്യന്‍ ജോസഫ് (23) ആണ് അറസ്റ്റിലായത്.
ഇയാൾ കുളിമുറിയിൽ ഒളിക്യാമറവച്ച് ദൃശ്യങ്ങൾ പകർത്തുന്നത് ശ്രദ്ധയിൽപ്പെട്ട പെൺകുട്ടി ബഹളം വയ്ക്കുകയും തുടർന്ന് വിവരമറിഞ്ഞ് ഗാന്ധിനഗർ പൊലീസ് സ്ഥലത്തെതി അറസ്റ്റ് ചെയ്യുകയായിരുന്നു.
ഹോട്ടൽ ജീവനക്കാരനായ ഇയാൾ സുഹൃത്തിന്‍റെ ചികിത്സയ്ക്കായാണ് ആശുപത്രിയിലെത്തിയത്. കോടതിയിൽ ഹാജരാക്കിയ പ്രതിയെ റിമാന്‍ഡ് ചെയ്തു.