തിരുവനന്തപുരം: സ്പീക്കർ എ.എൻ ഷംസീറുമായി ബന്ധപ്പെട്ട വിവാദ പരാമർശത്തിൽ ദേവസ്വം വകുപ്പിനെ പരിഹസിച്ച സലീംകുമാറിന് മറുപടിയുമായി ദേവസ്വം മന്ത്രി കെ. രാധാകൃഷ്ണൻ. ദേവസ്വം വരുമാനത്തെ പരിഹസിക്കുന്നത് ശരിയല്ലെന്നും വിശ്വാസത്തിന്‍റെ ശാസ്ത്രീയത പരിശോധിക്കേണ്ടത് ദേവസ്വം മന്ത്രിയല്ലെന്നും അദ്ദേഹം മറുപടിയായി പ്രതികരിച്ചു.
മിത്ത് വിവാദം കത്തിനിൽക്കെയാണ് സലീം കുമാർ പരിഹാസവുമായി രംഗത്തെത്തിയത്. ദേവസ്വം മന്ത്രിയെ ഇനി മുതൽ മിത്തിസം മന്ത്രിയെന്ന് വിളിക്കാമെന്നും ഭണ്ഡാരത്തിൽ നിന്നും കിട്ടുന്ന പണത്തെ മിത്തുമണിയെന്ന് വിളിക്കാമെന്നുമായിരുന്നു സോഷ്യൽ മീഡിയയിൽ പ്രതികരിച്ചിരുന്നു.