തിരുവനന്തപുരം: സമ്പൂർണ്ണ നിയമവാഴ്ച്ചയുടെ തകർച്ചയാണ് കേരളത്തിൽ കാണാൻ സാധിക്കുന്നതെന്നും സർക്കാരിന് അധികാരത്തിൽ തുടരാൻ അവകാശമില്ലെന്നും ബി.ജെ.പി സംസ്ഥാന പ്രസിഡന്‍റ് കെ.സുരേന്ദ്രൻ.
സർക്കാരിനെയും എൽഡിഎഫിനെയും അപകീർത്തിപ്പെടുത്താനാണ് അൻവർ ശ്രമിക്കുന്നതെന്നാണ് മുഖ്യമന്ത്രി പറയുന്നത്.
അങ്ങനെയെങ്കിൽ അൻവറിനെതിരെ മാനനഷ്ടക്കേസ് കൊടുക്കാൻ എന്തുകൊണ്ടാണ് മുഖ‍്യമന്ത്രിയും മറ്റ് നേതാക്കളും തയ്യാറാകാത്തതെന്ന് കെ. സുരേന്ദ്രൻ ചോദിച്ചു. ആഭ‍്യന്തര സുരക്ഷയെ ബാധിക്കുന്ന വിഷയങ്ങളാണ് പൊതുസമൂഹത്തിന് മുൻപിൽ വന്നിരിക്കുന്നതെന്നും സുരേന്ദ്രൻ പറഞ്ഞു.