ന്യൂഡൽഹി: കേരളത്തിലോടുന്ന വന്ദേഭാരത് ട്രെയിനുകളിൽ തനത് കേരള വിഭവങ്ങൾ വിതരണം ചെയ്യണമെന്നാവശ്യപ്പെട്ട് കേന്ദ്ര റെയിൽവേ മന്ത്രാലയത്തിന് കത്തയച്ചു. കേരള സർക്കാരിന്‍റെ ഡൽഹിയിലെ പ്രത്യേക പ്രതിനിധി പ്രൊഫ. കെ.വി തോമസാണ് കേന്ദ്ര റെയിൽവേ മന്ത്രി അശ്വനി വൈഷണവിന് കത്തയച്ചത്.

നിലവിൽ ഉത്തരേന്ത്യൻ ഭക്ഷണവിഭവങ്ങളാണ് വന്ദേഭാരതിൽ നൽകുന്നത്. കേരളത്തിന്‍റെ തനത് വിഭവങ്ങൾ ഉൾപ്പെടുത്തുന്നതിലൂടെ വിദേശ സഞ്ചാരികൾക്കും ആസ്വദിക്കാൻ അവസരമാകുമെന്ന് കത്തിൽ പറയുന്നു.