തൃശൂര്‍: കേരള സംഗീത നാടക അക്കാദമിയുടെ 2022 ലെ ഫെലോഷിപ്പ്, അവാർഡ്, ഗുരുപൂജ പുരസ്‌കാരങ്ങള്‍ പ്രഖ്യാപിച്ചു. നാടക സംവിധായകനും രചയിതാവുമായ ഗോപിനാഥ് കോഴിക്കോടിനും, സംഗീത സംവിധായകനും ഗായകനുമായ വിദ്യാധരന്‍ മാസ്റ്റര്‍ക്കും ചെണ്ട/ഇടയ്ക്ക കലാകാരന്‍ കലാമണ്ഡലം ഉണ്ണികൃഷ്ണനും(പാഞ്ഞാള്‍) ഫെല്ലോഷിപ്പ് ലഭിച്ചു,
മൂന്ന് പേര്‍ക്ക് ഫെലോഷിപ്പും 17 പേര്‍ക്ക് അവാര്‍ഡും 22 പേര്‍ക്ക് ഗുരുപൂജ പുരസ്‌കാരവും നല്‍കും. ഫെലോഷിപ്പ് ജേതാക്കള്‍ക്ക് 50,000 രൂപയും പ്രശസ്തിപത്രവും ഫലകവും, അവാര്‍ഡ്-ഗുരുപൂജ പുരസ്‌കാര ജേതാക്കള്‍ക്ക് 30,000 രൂപ വീതവും പ്രശസ്തിപത്രവും ഫലകവുമാണു സമ്മാനിക്കുക.
അക്കാഡമി അവാര്‍ഡ് നേടിയവര്‍
വത്സന്‍ നിസരി- നാടകം ( അഭിനയം,സംവിധാനം), ബാബു അന്നൂര്‍- നാടകം (അഭിനയം ,സംവിധാനം), സുരേഷ്ബാബു ശ്രീസ്ഥ- നാടകം (രചന) ലെനിന്‍ ഇടക്കൊച്ചി-നാടകം (അഭിനയം,സംവിധാനം), രജിതാമധു-നാടകം (അഭിനയം), കോട്ടയക്കല്‍ മുരളി- നാടകം (അഭിനയം, സംവിധാനം, സംഗീതസംവിധാനം, ആലാപനം), കലാമണ്ഡലം ഷീബകൃഷ്ണകുമാര്‍- നൃത്തം (മോഹിനിയാട്ടം,അഷ്ടപദിയാട്ടം), ബിജുല ബാലകൃഷ്ണന്‍- നൃത്തം (കൂച്ചിപ്പൂഡി), പാലക്കാട് ശ്രീറാം- ശാസ്ത്രീയസംഗീതം (വായ്പ്പാട്ട്), തിരുവിഴാവിജു.എസ് ആനന്ദ്-വയലിന്‍, ആലപ്പുഴ എസ് വിജയകുമാര്‍-തവില്‍, പ്രകാശ് ഉള്ള്യേരി -ഹാര്‍മോണിയം/കീബോര്‍ഡ്), വിജയന്‍ കോവൂര്‍-ലളിത സംഗീതം (സംഗീത സംവിധാനം), എന്‍ ലതിക- ലളിതസംഗീതം( ആലാപനം), കലാമണ്ഡലം രാധാമണി- തുള്ളല്‍, കലാമണ്ഡലം രാജീവ്-മിഴാവ്. എസ് നോവല്‍ രാജ്-കഥാപ്രസംഗം.
ഗുരുപൂജ പുരസ്‌കാരം നേടിയവര്‍
മേപ്പയൂര്‍ ബാലന്‍- സംഗീതം-,കഥാപ്രസംഗം,അഭിനയം, കെ.ഡി ആനന്ദന്‍ (ആലപ്പി ആനന്ദന്‍) -സംഗീതം-ഗിറ്റാര്‍, വയലിന്‍, തൃക്കാക്കര വൈ.എന്‍ ശാന്താറാം- സംഗീതം (ഗഞ്ചിറ), വിജയകുമാര്‍.കെ (കാരയ്ക്കാമണ്ഡപം)-സംഗീതം (തബല), വൈക്കം ആര്‍ ഗോപാലകൃഷ്ണന്‍ - സംഗീതം (ഘടം)
, ശിവദാസ് ചേമഞ്ചേരി- സംഗീതം (തബല,മൃദംഗം), ഉസ്താദ് അഷ്‌റഫ് ഹൈദ്രോസ്- സംഗീതം(സൂഫി/ഗസല്‍/ഖവ്വാലി), മാതംഗി സത്യമൂര്‍ത്തി- സംഗീതം(വായ്പ്പാട്ട്), പൂച്ചാക്കല്‍ ഷാഹുല്‍-നാടക ഗാനരചന, വെണ്‍കുളം ജയകുമാര്‍-നാടകരചന, സംവിധാനം, അഭിനയം, തൃശ്ശൂര്‍ വിശ്വം-നാടകം (അഭിനയം, രചന,സംവിധാനം), ബാബു കിളിരൂര്‍-നാടകം(അഭിനയം), ടി.പി ഭാസ്‌കരപ്പൊതുവാള്‍-നാടകം (രചന,സംവിധാനം), കുളത്തൂര്‍ ലാല്‍- നാടകം (അഭിനയം), കുഞ്ഞിക്കണ്ണന്‍ ചെറുവത്തൂര്‍- നാടകം (അഭിനയം,സംവിധാനം), കലാമണ്ഡലം കല്ലുവഴി വാസു -കഥകളി (വേഷം), കലാനിലയം കുഞ്ചുണ്ണി-കഥകളി, പൊന്‍കുന്നം സെയ്ദ് - നാടകരചന, അരിവാള്‍ ജോണ്‍ -നാടകം (അഭിനയം), ആര്‍ട്ടിസ്റ്റ് രാംദാസ് വടകര-നാടകം (ചമയം, അഭിനയം), കവടിയാര്‍ സുരേഷ്-നൃത്തനാടകം, തണ്ണീര്‍മുക്കം സദാശിവന്‍-കഥാപ്രസംഗം.