തിരുവനന്തപുരം: കെഎസ്ആർടിസിയുടെ ഔദ്യോഗിക ബുക്കിങ് പ്ലാറ്റ്ഫോമുകളെപ്പോലെ വ്യാജ വെബ്സൈറ്റുകൾ പ്രവർക്കുന്നുണ്ടെന്നും ടിക്കറ്റ് ബുക്ക് ചെയ്യുന്നവർ ജാഗ്രത പാലിക്കണമെന്നും കെഎസ്ആർടിസി അറിയിച്ചു. കെഎസ്ആർടിസി ബുക്കിങിനുള്ള ഏക ഔദ്യോഗിക വെബ്സൈറ്റ് https://onlineksrtcswift.com മാത്രമാണ്.

എല്ലാ ബുക്കിങിനും ഈ ഔദ്യോഗിക വെബ്സൈറ്റ് മാത്രം ഉപയോഗിക്കുന്നു എന്ന് ഉറപ്പാക്കണം. ഓൺലൈൻ ഇടപാടുകളിൽ നിങ്ങളുടെ സുരക്ഷക്ക് മുൻഗണന നൽകേണ്ടത് അത്യാവശ്യമാണ്. ഏതെങ്കിലും ഇടപാടുകൾ നടത്തുന്നതിന് മുമ്പ് എല്ലായ്പ്പോഴും വെബ്സൈറ്റ് URL പരിശോധിക്കുകയും അഡ്രസ് ബാറിൽ httpsന്‍റെ സാന്നിധ്യം ഉറപ്പാക്കുകയും ചെയ്യുക. എന്തെങ്കിലും സംശയങ്ങൾ ഉണ്ടെങ്കിൽ ഔദ്യോഗിക വിലാസങ്ങളിൽ മാത്രം ബന്ധപ്പെണമെന്നും കെഎസ്ആർടിസി അറിയിച്ചു.

യഥാർഥ വെബ്സൈറ്റുകൾക്ക് പലപ്പോഴും അവരുടെ പേജുകളുടെ ചുവടെ ട്രസ്റ്റ് സീലുകളോ സർട്ടിഫിക്കേഷനുകളോ ഉണ്ട്. നിയമാനുസൃതമായ വെബ് സൈറ്റുകൾക്ക് ഔദ്യോഗിക വിലാസവും ഫോൺ നമ്പറും ഉൾപ്പെടെ ഔദ്യോഗിക വിശദാംശങ്ങളും ഉണ്ടായിരിക്കും. വ്യാജ വെബ്സൈറ്റുകൾക്ക് മോശം വ്യാകരണം, അക്ഷരപ്പിശകുകൾ അല്ലെങ്കിൽ മോശം ഫ്രേസ് എന്നിവ ഉണ്ടായിരിക്കാം. ഉള്ളടക്കം പ്രൊഫഷണലല്ല എന്ന് തോന്നുന്നുവെങ്കിൽ ജാഗ്രത പാലിക്കുക.