മലപ്പുറം: മലപ്പുറത്ത് കെഎസ്ആർടിസി ബസ് തലകീഴായി മറിഞ്ഞ് 40തോളം പേർക്ക് പരുക്കേറ്റു. കോഴിക്കോട് തൊട്ടിൽപാലത്തുനിന്ന് കൊച്ചിയിലേക്ക് പോയ ബസാണ് നിയന്ത്രണം വിട്ട് അപകടത്തിൽപെട്ടത്. ഞായറാഴ്ച രാവിലെ പതിനൊന്ന് മണിയോടെയായിരുന്നു അപകടം.

അറുപതോളം പേർ ബസിലുണ്ടായെന്നാണ് സ്ഥിരീകരണം. പ്രദേശവാസികളും മറ്റ് വാഹനങ്ങളുമായി സ്ഥലത്തുണ്ടായിരുന്നവരും ചേർന്നാണ് രക്ഷാപ്രവർത്തനം നടത്തിയത്. പരുക്കേറ്റവരെ കോഴിക്കോട് മെഡിക്കൽ കോളെജിലേക്കും തിരൂരങ്ങാടി താലൂക്കാശുപത്രിയിലേക്കും മാറ്റി.