തിരുവനന്തപുരം: കെഎസ്‌യു പഠന ക്യാമ്പിലെ കൂട്ടത്തല്ലിൽ സംഘടനാതല നടപടി. നാല് കെഎസ്‌യു പ്രവർ‌ത്തകരെ സസ്പെൻഡ് ചെയ്തു. സംസ്ഥാന ജനറൽ സെക്രട്ടറി അനന്തകൃഷ്ണൻ, എറണാകുളം ജില്ലാ സെക്രട്ടറി ആഞ്ചലോ ജോർജ് ടിജോ, തിരുവനന്തപുരം ജില്ലാ വൈസ് പ്രസിഡന്‍റ് അൽ അമീൻ അഷ്റഫ്, ജില്ലാ ജനറൽ സെക്രട്ടറി ജെറിൻ ആര്യനാട് എന്നിവരെയാണ് സസ്പെൻഡ് ചെയ്തത്.
സംഘടനാവിരുദ്ധ പ്രവർത്തനത്തിനാണ് അനന്തകൃഷ്ണനും ആഞ്ചലോ ജോർജിനുമെതിരെ നടപടി. മേഖലാ ക്യാമ്പിനെതിരെ വാജ്യവാർത്ത പ്രചരിപ്പിക്കാൻ സഹായിച്ചെന്നും മാധ്യമങ്ങൾ ദൃശങ്ങൾ എത്തിച്ചുനൽകിയെന്നുമാണ് ഇരുവർക്ക് രണ്ടുപേർക്കും നൽകിയ നോട്ടീസിലുള്ളത്. ക്യാമ്പിൽ അനാവശ്യ കലഹമുണ്ടാക്കിയതിനാണ് അൽഅമീൻ അഷറഫിനെയും ജെറിൻ ആര്യനാടിനെതിരെയുള്ള ആരോപണം. അന്വേഷണ വിധേയമായാണ് ഇവരെ സസ്പെൻഡ് ചെയ്തത്.