കൊച്ചി: സർക്കാരിനെതിരെ സുപ്രീംകോടതിയിൽ സത്യാവാങ്മൂലം നൽകി ഓർത്തഡോക്സ് സഭ. സഭാത്തർക്കത്തിൽ സുപ്രീംകോടതി വിധി ചീഫ് സെക്രട്ടറി നടപ്പിലാക്കുന്നില്ലെന്നും ഇക്കാര്യത്തിൽ സർക്കാർ പരാജയമാണെന്നും ചൂണ്ടിക്കാട്ടി ഓർത്തഡോക്സ് സഭ സുപ്രീംകോടതിയിൽ സത്യാവാങ്മൂലം സമർപ്പിച്ചു.

വിധി നടപ്പാക്കാൻ ബാധ്യതയുണ്ടെന്നിരിക്കെ വൈകിപ്പിക്കുന്ന നടപടികളാണ് സർക്കാരിന്‍റെ ഭാഗത്തുനിന്നുണ്ടാകുന്നതെന്നും സഭ കുറ്റപ്പെടുത്തി. അതേസമയം മലങ്കര സഭാ കേസിൽ ഓർത്തഡോക്സ് സഭ നൽകിയ കോടതിയലക്ഷ്യ ഹർജിയും സുപ്രീം കോടതി ചൊവ്വാഴ്ച പരിഗണിക്കും.