കോഴിക്കോട്: സന്ദീപ് വാര‍്യരിന്‍റെ വരവോടെ നിരവധിപേർ ബിജെപിയിൽ എത്തുമെന്ന് മുസ്ലിം ലീഗ് നേതാവ് പി.കെ. കുഞ്ഞാലിക്കുട്ടി. സന്ദീപ് എടുത്തത് ശരിയായ നിലപാടാണെന്നും അദേഹത്തിന് ഇനി വിശാലമായി മുന്നോട്ട് പോകാമെന്നും കോൺഗ്രസിന് ഇനി നല്ല കാലമാണെന്നും കുഞ്ഞാലിക്കുട്ടി പറഞ്ഞു.
'സന്ദീപ് മതേതരത്വത്തിന്‍റെ വഴി വന്നത് സ്വാഗതം ചെയ്യുന്നു. ബിജെപിയിൽ നിന്ന് ഇനിയും നിരവധിപേർ കോൺഗ്രസിലേക്ക് എത്തും. വെറുപ്പിന്‍റെ രാഷ്ട്രീയം പ്രചരിപ്പിക്കുന്ന ബിജെപിയിൽ ഇനി പ്രസക്തിയില്ല. ബിജെപി വിടുന്നവർ സിപിഎമ്മിലേക്കല്ല കോൺഗ്രസിലേക്കാണ് എത്തുന്നത്. ബിജെപിയുടെ വളർച്ച നിന്നു. പാലക്കാട് യുഡിഎഫ് വലിയ വിജയം നേടും'. കുഞ്ഞാലിക്കുട്ടി പറഞ്ഞു.