കൊച്ചി: വ്യാജ പ്രവൃത്തി പരിചയ സർട്ടിഫിക്കറ്റ് നൽകിയ കേസിലെ പ്രതി കെ.വിദ്യയ്ക്ക് മുൻകൂർ ജാമ്യം അനുവദിക്കരുതെന്ന് പൊലീസ് ഹൈക്കോടതിയോട് ആവശ്യപ്പെട്ടു. വ്യാജരേഖയുടെ ഉറവിടം കണ്ടെത്താൻ വിദ്യയെ ചോദ്യം ചെയ്യണമെന്നും പൊലീസ് അറിയിച്ചിട്ടുണ്ട്.
ജൂൺ 20നാണ് ഹൈക്കോടതി വിദ്യയുടെ ജാമ്യാപേക്ഷ പരിഗണിക്കുന്നത്. മഹാരാജാസ് കോളെജിന്‍റെ പേരിൽ വ്യാജസർട്ടിഫിക്കറ്റ് നൽകിയ കേസിലാണ് വിദ്യ മുൻകൂർ ജാമ്യത്തിനായി ശ്രമിക്കുന്നത്. ഒളിവിൽ പോയ പ്രതിയെ കണ്ടെത്താൻ ഇതു വരെ പൊലീസിന് സാധിച്ചിട്ടില്ല.