കോട്ടയം: കനത്ത മഴയിലും പുതുപ്പള്ളി നിയമസഭ ഉപതെരഞ്ഞെടുപ്പിൽ നടക്കുന്നത് ഗംഭീര പോളിങ്. ഉച്ചയ്ക്ക് ഒരു മണി വരെയുള്ള പോളിങ് ശതമാനം: 47.12%, ആകെ പോൾ ചെയ്ത വോട്ട്: 83140, പുരുഷന്മാർ: 41921, സ്ത്രീകൾ: 41217, ട്രാൻസ്ജെൻഡർ: 2. മഴ വോട്ടിങിനെ ബാധിക്കുമോ എന്ന ആശങ്കയിലാണ് പ്രമുഖ രാഷ്ട്രീയ പാർട്ടി മുന്നണികൾ.

മഴയും, കാറ്റും അടക്കമുള്ള പ്രതികൂല കാലാവസ്ഥ ഉണ്ടായേക്കുമെന്നത് കണക്കാക്കി രാവിലെ 7 മണിക്ക് വോട്ടിങ് ആരംഭിച്ച സമയം മുതൽ തന്നെ നല്ല തിരക്കാണ് പോളിങ് കേന്ദ്രങ്ങളിൽ അനുഭവപ്പെട്ടിരുന്നത്. സ്ഥാനാർഥികളും പ്രമുഖ വ്യക്തികളും രാവിലെ തന്നെ വോട്ട് രേഖപ്പെടുത്തിയിരുന്നു.