കോട്ടയം: മണിക്കൂറുകളായി ശബരിമലയിലേക്ക് വാഹvനം കടത്തിവിടുന്നില്ലെന്ന് ആരോപിച്ച് എരുമേലിയിൽ തീർഥാടകരുടെ റോഡ് ഉപരോധം. സന്നിധാനത്തെ തിരക്ക് പരിഗണിച്ച് ഗതാഗതം ക്രമികരിച്ചിരുന്നു.

ശബരിമലയിലെ തിരക്ക് കുറയുന്ന മുറയ്ക്കും വാഹനങ്ങൾ ഇറങ്ങുന്നതിനനുസരിച്ച് മാത്രം വാഹനം കടത്തിവിട്ടാൽ മതിയെന്ന നിലപാടിലാണ് പൊലീസ്. അതനുസരിച്ച് എരുമേലിയിൽ നിന്ന് മണിക്കൂറുകളായി പാർക്കിങ് ഗ്രൗണ്ടിൽ വാഹനങ്ങൾ പിടിച്ചിട്ടിരിക്കുകയാണ്. ഇതോടെ തമിഴ്നാട്ടിൽ നിന്നും തെലങ്കാനയിൽ നിന്നുള്ള തീർഥാടകർ പ്രതിഷേധിച്ചെത്തി. കഴിഞ്ഞ ദിവസവും സമാനമായ രീതിയിൽ പ്രതിഷേധം നടന്നിരുന്നു. തുടർന്ന് തീർഥാടകരെ അനുനയിപ്പിക്കാനുള്ള ശ്രമങ്ങൾ പൊലീസിന്‍റെ ഭാഗത്തു നിന്നുണ്ടാകുന്നുണ്ട്.