തിരുവനന്തപുരം: എഡിഎം നവീൻ ബാബുവിന്‍റെ മരണം അന്വേഷിക്കാൻ പ്രത്യേക സംഘം. കണ്ണൂർ സിറ്റി പൊലീസ് കമ്മിഷണർ അജിത് കുമാറിന്‍റെ നേതൃത്വത്തിലുള്ള ആറംഗ സംഘമാവും കേസന്വേഷിക്കുക. കണ്ണൂർ റെഞ്ച് ഡിഐജിക്കാണ് മേൽനോട്ട ചുമതല. ക്രമസമാധാന ചുമതലയുള്ള എഡിജിപി മനോജ് എബ്രഹാമിന്‍റെ നിര്‍ദേശ പ്രകാരം ഇതു സംബന്ധിച്ച ഉത്തരവ് പുറത്തിറക്കി.ഓരോ ദിവസവും അന്വേഷണ പുരോഗതി ഡിഐജി വിലയിരുത്തും.
എഡിഎമ്മിന്‍റെ മരണത്തിന് ഇടയാക്കിയ കാര്യങ്ങള്‍, ഫോണ്‍വിളികള്‍, ടി.വി. പ്രശാന്തൻ, പി.പി. ദിവ്യ തുടങ്ങി എല്ലാ കാര്യത്തെക്കുറിച്ചും വിശധമായ അന്വേഷണത്തിനാണ് നിർദേശം. നവീന്‍റെ കുടുംബവും നിയമപോരാട്ടത്തിനിറങ്ങിയതോടെയാണ് പ്രത്യേക അന്വേഷണ സംഘം രൂപീകരിക്കാൻ ഉത്തരവായത്.