ആലപ്പുഴ: ചേർത്തല നഗരസഭ എൻജിനിയറിങ് വിഭാഗം താൽക്കാലിക ജീവനക്കാരനെ വീടിനുള്ളിൽ മരിച്ച നിലയിൽ കണ്ടെത്തി. ചേർത്തല നഗരസഭ 14-ാം വാർഡ് ശ്രീ മന്ദിരത്തിൽ ശ്രീദേവൻ (35) ആണ് മരിച്ചത്.

വീടനു സമീപത്തു നിന്ന് ദുർഗന്ധം വന്നതോടെ നാട്ടുകാർ ചേർത്തല പൊലീസിൽ വിവരമറിയിക്കുകയായിരുന്നു. തുടർന്ന് പൊലീസെത്തി നടത്തിയ പരിശോധനയിൽ റൂമിനുള്ളിൽ നിന്നു മൃതദേഹം കണ്ടെത്തുകയായിരുന്നു. മൃതദേഹത്തിന് രണ്ടു ദിവസത്തെ പഴക്കമുണ്ടെന്നാണ് നിഗമനം.