കണ്ണൂർ: തീവ്രമായ മഴ തുടരുന്ന സാഹചര്യം കണക്കിലെടുത്ത് ചെവ്വാഴ്ച മൂന്നു ജില്ലകളിൽ അവധി പ്രഖ്യാപിച്ചു. കണ്ണൂർ, വയനാട്, കോഴിക്കോട് എന്നീ ജില്ലകളിലെ പ്രൊഫഷണൽ കോളെജുകളുൾപ്പെടെയുള്ള എല്ലാ വിദ്യാഭ്യാസ സ്ഥാപനങ്ങൾക്കും അവധി പ്രഖ്യാപിച്ചു.
അതേസമയം കണ്ണൂർ സർവ്വകലാശാല പരീഷകൾക്കും പിഎസ്‌സി പരീഷകൾക്കും മാറ്റമില്ല. മേൽ അവധി മൂലം നഷ്ടപ്പെടുന്ന പഠന സമയം ക്രമീകരിക്കുന്നതിന് ബന്ധപ്പെട്ട വിദ്യാഭ്യാസ സ്ഥാപന മോധാവികൾ നടപടികൾ സ്വീകരിക്കേണ്ടതാണെന്നും വിദ്യാർഥികളെ മഴക്കെടുതിയിൽ നിന്ന് അകറ്റി നിർത്തുന്നതിനുള്ള നിർദേശങ്ങൾ നൽകേണ്ടതാണെന്നും അറിയിപ്പിൽ കലക്‌ടർമാർ വ്യക്തമാക്കുന്നു.