ന്യൂഡൽഹി: ഏകീകൃത സിവിൽ കോഡിൽ നിന്നും ഗോത്ര വിഭാഗങ്ങളെ ഒഴിവാക്കണമെന്ന് ബിജെപി നേതാവ് സുശീൽ കുമാർ മോദി. വടക്കു-കിഴക്കൻ സംസ്ഥാനങ്ങളിലെ ഗോത്ര വിഭാഗക്കാർക്ക് പ്രത്യേക ആചാരങ്ങളുണ്ട്. വിശ്വാസങ്ങളുണ്ട്. അതിനാൽ വടക്കു-കിഴക്കൻ സംസ്ഥാനങ്ങളിലെ ഗോത്ര വിഭാഗക്കാരെയും ഭരണഘടനയിലെ ആറാം ഷെഡ്യൂളിൽ ഉൾപ്പെടുത്തിയിരിക്കുന്നവരെയും, യുസിസിയിൽ നിന്ന് ഒഴിവാക്കണമെന്നും അവർക്ക് പ്രത്യേകം സംരക്ഷണം നൽകണമെന്നും അദ്ദേഹം അഭിപ്രായപ്പെട്ടു.
തിങ്കളാഴ്ച കൂടിയ സ്റ്റാൻഡിങ് കമ്മിറ്റി യോഗത്തിലാണ് അദ്ദേഹം തന്റെ നിലപാട് വ്യക്തമാക്കിയത്. യുസിസിക്കെതിരെ വടക്കു-കിഴക്കൻ സംസ്ഥാനങ്ങളിൽ നിന്നും പ്രതിഷേധം ആളിക്കത്തുകയാണ്. ഇതിനിടെയാണ് യുസിസി സ്റ്റാൻഡിങ് കമ്മിറ്റി അധ്യക്ഷന്റെ ഭാഗത്തു നിന്നും ഭിന്നാഭിപ്രായം ഉയർന്നുന്നത്. അതേസമയം കഴിഞ്ഞ ദിവസം ചേർന്ന പാർലമെന്റ് സമിതിയുടെ യോഗത്തിൽ പ്രതിപക്ഷം ശക്തമായ വിമർശനം ഉയർത്തിയിരുന്നു.