കോട്ടയം: ഓട്ടമത്സരത്തില്‍ പങ്കെടുക്കുന്നതിനിടെ കുഴഞ്ഞുവീണതിനെ തുടർന്ന് ചികിത്സയിലായിരുന്ന 7-ാം ക്ലാസ് വിദ്യാർഥിനി മരിച്ചു. കോട്ടയം കരിപ്പൂത്തട്ട് ചേരിക്കല്‍ ലാല്‍.സി.ലൂയിസിന്‍റെ മകള്‍ ക്രിസ്റ്റല്‍ (കുഞ്ഞാറ്റ -12) ആണ് മരിച്ചത്. ആർപ്പൂക്കര സെന്‍റ് ഫിലോമിന ഗേള്‍സ് സ്കൂളിലെ വിദ്യാർഥിനിയായിരുന്നു ക്രിസ്റ്റൽ.
കഴിഞ്ഞ ദിവസം സ്കൂളിൽ നടത്തിയ ഓട്ടമത്സരത്തില്‍ പങ്കെടുക്കുന്നതിനിടെയാണ് ക്രിസ്റ്റല്‍ കുഴഞ്ഞുവീണത്.
തുടർന്ന് കോട്ടയം മെഡിക്കല്‍ കോളെജിലെ കുട്ടികളുടെ ആശുപത്രിയില്‍ വെന്‍റിലേറ്ററില്‍ ചികിത്സയിലായിരുന്നു. കുട്ടിക്ക് ഹൃദയ സംബന്ധമായ അസുഖങ്ങൾ ഉണ്ടായിരുന്നതായി ഡോക്റ്റർമാർ പറഞ്ഞു.