കോട്ടയം: വെള്ളൂരിൽ ട്രെയിൻ തട്ടി 2 യുവാക്കൾ മരിച്ചു. വെള്ളൂർ മൂത്തേടത്ത് വൈഷ്ണവ് മോഹനൻ (21), ഇടയ്ക്കാട്ടുവയൽ കോട്ടപ്പുറം മൂലേടത്ത് ജിഷ്ണു വേണുഗോപാൽ (21) എന്നിവരാണ് മരിച്ചത്. കോട്ടയം മംഗളം കോളെജിലെ ബിബിഎ വിദ്യാർഥികളാണ് ഇരുവരും.
ഇന്ന് പുലർച്ചെ 3 മണിയോടെ വെളളൂർ ശ്രാങ്കുഴി ഭാഗത്തായിരുന്നു അപകടം. വൈക്കം വടയാർ ആറ്റുവേല ഉത്സവം കണ്ട് മടങ്ങും വഴി എതിരെ ട്രെയിൻ വരുന്നത് കണ്ട് തൊട്ടടുത്ത ട്രാക്കിലേക്കു മാറിയപ്പോൾ പിന്നിൽ നിന്നും വന്ന ട്രെയിൻ ഇടിച്ചാണ് അപകടമെന്നാണ് പ്രാഥമിക നിഗമനം.