കോട്ടയം: പാലാ കിടങ്ങൂരിൽ മീനച്ചിലാറ്റിൽ യുവാവിനെ ഒഴുക്കിൽപ്പെട്ട് കാണാതായി. മീനച്ചിലാറ്റിൽ കുളിക്കാനിറങ്ങിയ കൈപ്പുഴ സ്വദേശി ധനേഷ് മോൻ ഷാജിയെ (26)യാണ് കാണാതായത്. ഞായറാഴ്ച രാവിലെ പതിനൊന്നരയോടെ സുഹൃത്തിനൊപ്പം ചെക്ക് ഡാമിൽ കുളിക്കാൻ ഇറങ്ങിയതായിരുന്നു ധനേഷ്.
പൊലീസും അഗ്നിരക്ഷാസേനയും ചേർന്ന് സ്ഥലത്ത് തെരച്ചിൽ നടത്തുകയാണ്. എന്നാൽ നദിയിലെ ശക്തമായ അടിയൊഴുക്ക് രക്ഷാപ്രവർത്തനത്തിന് പ്രതിസന്ധിയായിട്ടുണ്ട്