മുംബൈ: ആൾ ഇന്ത്യ കേരള മുസ്ലിം കൾച്ചറൽ സെന്റർ മുംബൈ സിറ്റി കമ്മിറ്റിയുടെ ആഭിമുഖ്യത്തിൽ ഫോർട്ടിലെ കാമ ഹാളിൽ വെച്ച് സമൂഹ നോമ്പ് തുറയും സമ്മേളനവും നടത്തി. യോഗത്തിൽ എഐകെഎംസിസി വൈസ് പ്രസിഡന്റ്എം എ ഖാലിദ് അധ്യക്ഷത വഹിച്ചു. മഹാരാഷ്ട്ര സംസ്ഥാന പ്രസിഡന്റ് അസീസ് മാന്നിയൂർ യോഗം ഉൽഘാടനം ചെയ്തു.
ഐ യു എം എൽ മഹാരാഷ്ട്ര ജനറൽ സെക്രട്ടറി അബ്ദുൾ റഹിമാൻ സി എച്ച്, നാഷണൽ എ ഐ കെ എം സി സി ട്രഷറർ കെ എം എ റഹിമാൻ, നാഷണൽ വൈസ് പ്രസിഡന്റ് വി കെ സൈനുദ്ധീൻ, സംസ്ഥാന ജനറൽ സെക്രട്ടറി കെ പി അബ്ദുൾ ഗഫൂർ, ട്രഷറർ പി എം ഇഖ്ബാൽ, കേരള മുസ്ലിം ജമാഅത് പ്രസിഡന്റ് വി എ ഖാദർ ഹാജി, പി വി സിദ്ധിക്ക് തുടങ്ങിയവർ പ്രസംഗിച്ചു.
അസിം മൗലവി പ്രാർഥന നടത്തിയപ്പോൾ മസൂദ് മാണിക്കോത്ത് സ്വാഗതവും ഷംനാസ് പോക്കർ നന്ദിയും പറഞ്ഞു. അഞ്ഞൂറോളം പേർ പങ്കെടുത്ത ഇഫ്താർ സംഘമത്തിൽ മുംബൈ സിറ്റി കമ്മിറ്റി രൂപീകരിച്ചു.