മുംബൈ: മുംബൈയിലെ ഗ്രാൻഡ് റോഡിൽ കെട്ടിടം തകർന്ന് ഒരാൾ മരിച്ചു. 13 പേർക്ക് പരുക്കേറ്റിട്ടുണ്ട്. കെട്ടിടത്തിൽ നിരവധി പേർ കുടുങ്ങിക്കിടക്കുന്നുണ്ടെന്നാണ് നിഗമനം. റൂബിനിസ്സ മാൻസിൽ കെട്ടിടമാണ് ഇന്ന് ഉച്ചയ്ക്ക് മുമ്പ് ശേഷം തകർന്ന് വീണത്. കെട്ടിടത്തിന്‍റെ രണ്ടും മൂന്നും നിലകളുടെ ചില ഭാഗങ്ങൾ തകർന്ന് വീഴുകയായിരുന്നുവെന്ന് ദൃക്‌സാക്ഷികൾ പറഞ്ഞു.

അതിൽ 4 പേരുടെ നില ഗുരുതരമാണ്. അപകടത്തെ തുടർന്ന് നിരവധി പേർ കുടുങ്ങി കിടക്കുന്നതായും സംശയിക്കുന്നു. നാല് നിലകളുള്ള കെട്ടിടം അപകടകരമായ അവസ്ഥയിലായിരുന്നു.

അഗ്നിശമന സേന രക്ഷാപ്രവർത്തനം ഉടൻ തന്നെ ആരംഭിക്കുകയായിരുന്നു.