മുംബൈ: നഗരത്തിലെ ഗതാഗത അടിസ്ഥാന സൗകര്യങ്ങൾ സമഗ്രമായ പരിവർത്തനത്തിന് വിധേയമായിക്കൊണ്ടിരിക്കെ,പൊതുഗതാഗതത്തിൽ എല്ലാവിഭാഗം ജനങ്ങൾക്കും ഗുണപ്രദമായ മാറ്റങ്ങൾ വേണമെന്ന് മുംബൈ ഡബ്ബാവാല അസോസിയേഷൻ ആവശ്യപ്പെട്ടു. നഗരത്തിന്‍റെ വിവിധ ഭാഗങ്ങളിലേക്ക് ഉച്ചഭക്ഷണമെത്തിക്കുന്ന സംഘം, ഒന്നടങ്കമാണ് മെട്രൊ, മോണോറെയിൽ ട്രെയിനുകളിൽ പ്രത്യേക ലഗേജ് കമ്പാർട്ടുമെന്‍റുകൾ നൽകണമെന്ന് മഹാരാഷ്ട്ര മുഖ്യമന്ത്രിയോട് അഭ്യർഥിച്ചത്.
മുംബൈ ഡബ്ബാവാല അസോസിയേഷൻ പ്രസിഡന്‍റ് സുഭാഷ് തലേക്കർ പറഞ്ഞു, “ലഗേജിന്‍റെ വലുപ്പവും ഭാരവും സംബന്ധിച്ച നിലവിലെ നിയന്ത്രണങ്ങൾ നിയന്ത്രിതമായതിനാൽ ഞങ്ങളുടെ അവശ്യവസ്തുക്കൾ കൊണ്ടുപോകുന്നത് ഞങ്ങൾക്ക് ബുദ്ധിമുട്ടാണ്. ഞങ്ങളെ പോലെ തൊഴിലാളിവർഗങ്ങളുടെ ആവശ്യങ്ങൾ തിരിച്ചറിയുന്നതും കൂടുതൽ ഉൾക്കൊള്ളുന്നതുമായ ഒരു സംവിധാനം നമുക്ക് ആവശ്യമാണ്. ഇത് ഡബ്ബാവാലകളുടെ മാത്രം കാര്യമല്ല; ഇത് മുംബൈയിലെ മുഴുവൻ തൊഴിലാളിവർഗത്തെയും കുറിച്ചാണ്. നമ്മുടെ പൗരന്മാരുടെ വൈവിധ്യമാർന്ന ആവശ്യങ്ങൾ ഉൾക്കൊള്ളാൻ നമ്മുടെ പൊതുഗതാഗത സംവിധാനം സജ്ജമാണെന്ന് ഉറപ്പാക്കേണ്ടതുണ്ടെന്നും അസോസിയേഷൻ വ്യക്തമാക്കി.
നഗരത്തിൽ ആയിരക്കണക്കിന് ഓഫീസ് ജീവനക്കാർക്കാണ് ഈ സുപ്രധാന സേവനം ലഭിക്കുന്നത്.
"പൊതുഗതാഗതത്തിന് കൂടുതൽ മാനുഷികവും യാഥാർത്ഥ്യബോധമുള്ളതുമായ സമീപനമാണ് ഞങ്ങൾ ആവശ്യപ്പെടുന്നത്. ഞങ്ങൾ എല്ലാ വിഭാഗം ജനങ്ങൾക്കും ഭക്ഷണം എത്തിക്കുന്നു. നഗരപ്രാന്തങ്ങളിലേക്ക് യാത്ര ചെയ്യുന്നു,എന്നിട്ടും ഞങ്ങൾക്ക് മുംബൈ മെട്രൊയിലോ മോണോ റെയിലിലോ യാത്ര ചെയ്യാൻ പ്രവേശനമില്ലെന്നും, ”തലേക്കർ കൂട്ടിച്ചേർത്തു.