റായ്ഗഡ്:പൻവേൽ ആസ്ഥാനമായി പ്രവർത്തിക്കുന്ന സീൽ ആശ്രമത്തിന് ഇന്ത്യൻ ഓയിൽ കോർപ്പറേഷൻ വക സ്നേഹ സമ്മാനം. രണ്ട് ആംബുലൻസുകൾ, 120 ആശുപത്രി കിടക്കകൾ, ആശുപത്രി ഫർണിച്ചറുകൾ, വാട്ടർ ഫിൽട്ടർ എന്നിവയാണ് ഐ ഓ സി നൽകിയത്. ആംബുലൻസിന്‍റെ ഉദ്ഘാടനം പ്രശസ്ത ഹിന്ദി നടൻ ജോണി ലിവർ, ഡോ. ​​എബ്രഹാം മത്തായിയും സ്ഥാപകൻ പിആർ കെ എം ഫിലിപ്പും വിശിഷ്ടാതിഥികളും ചേർന്ന് മാർച്ച് 3 ന് നിർവഹിച്ചു.

സാമൂഹിക പ്രവർത്തകനും ബിസിനസുകാരനുമായ ശശി ദാമോദരൻ, ആർക്കിടെക്റ്റ് കെ തോമസ് കൂടാതെ സാമൂഹിക രംഗത്ത് പ്രവർത്തിക്കുന്നവരും സന്നിഹിതരായിരുന്നു.

മാർച്ച് 4ന് ഇന്ത്യൻ ഓയിൽ കോർപ്പറേഷൻ ചീഫ് ജനറൽ മാനേജർ, (HR) ഗൗതം ഗുപ്ത, എലിസബത്ത് സുഹാസിനി, ജനറൽ മാനേജർ (MS & CSR), സൗമ്യ ആനന്ദ് ബാബു, ചീഫ് മാനേജർ (MS & CSR), രജനികാന്ത്, സീനിയർ മാനേജർ (MS & CSR), മറ്റ് മുതിർന്ന ഉദ്യോഗസ്ഥരും ചേർന്നാണ് ആംബുലൻസുകൾ ഫ്ലാഗ് ഓഫ് ചെയ്തത്.

തദവസരത്തിൽ വംഗാനി ഗ്രാമത്തിലെ പഞ്ചായത്ത് അംഗങ്ങളും ഗ്രാമവാസികളും ചടങ്ങിൽ പങ്കെടുത്തു.