മുംബൈ: ബോംബ് ഭീഷണി സന്ദേശം ലഭിച്ചതിന്‍റെ പശ്ചാത്തലത്തിൽ ചെന്നൈയിൽ നിന്ന് മുംബൈയിലേക്കുള്ള ഇൻഡിഗോ വിമാനം സുരക്ഷിതമായി മുംബൈയിൽ ഇറക്കിയതായി വിമാനത്താവള വൃത്തങ്ങൾ അറിയിച്ചു. ന്യൂഡൽഹിയിലെ സ്വകാര്യ വിമാനക്കമ്പനിയുടെ കോൾ സെന്‍ററിലാണ് ബോംബ് ഭീഷണി സന്ദേശം ലഭിച്ചതെന്നും വിശദാംശങ്ങൾ പരിശോധിക്കുകയാണെന്നും വിമാനത്താവളം അധികൃതർ അറിയിച്ചു.

ചൊവ്വാഴ്ച രാത്രി 10.30ഓടെ വിമാനം സുരക്ഷിതമായി മുംബൈ വിമാനത്താവളത്തിൽ ഇറക്കി. ചെന്നൈയിൽ നിന്ന് മുംബൈയിലേക്ക് സർവീസ് നടത്തുന്ന ഇൻഡിഗോ ഫ്ലൈറ്റ് 6E 5149 നാണ് ബോംബ് ഭീഷണി ലഭിച്ചത്.

"ഞങ്ങൾ സുരക്ഷാ ഏജൻസികളുമായി ചേർന്ന് പ്രവർത്തിക്കുന്നു, എല്ലാ സുരക്ഷാ പരിശോധനകളും പൂർത്തിയാക്കിയ ശേഷം വിമാനം ടെർമിനൽ ഏരിയയിൽ തിരികെ സ്ഥാപിക്കും,"

എയർലൈൻ രാത്രി ഇറക്കിയ പ്രസ്താവനയിൽ പറഞ്ഞു.