മുംബൈ :സാധ്വി പ്രജ്ഞാ സിംഗ് ഠാക്കൂർ എം.പിക്ക്‌ വസായിൽ വമ്പിച്ച സ്വീകരണം നല്കുന്നു. വസായ് സനാതനധർമ്മ സഭയുടെ ആഭിമുഖ്യത്തിൽ ഒക്ടോബർ എട്ട് ഞായറാഴ്ച വൈകുന്നേരം അഞ്ച് മണിക്ക് വസായ് റോഡ് വെസ്റ്റിലെ സായി നഗർ മുൻസിപ്പൽ മൈതാനത്ത് വച്ചാണ് സ്വീകരണ സമ്മേളനം നടക്കുന്നത്. വൈകുന്നേരം നാല് മണിക്ക് വസായ് തുംഗാർ ഫാട്ടയിൽ നിന്നും നൂറുകണക്കിന് വാഹനങ്ങളുടെ അകമ്പടിയോടു കൂടിയാണ് സാധ്വി പ്രജ്ഞാ സിംഗ് ഠാക്കൂറിനെ സമ്മേളന സ്ഥലത്തേക്ക് ആനയിക്കുന്നത്.

തുടർന്ന് പൂർണ്ണകുംഭം നല്കി താലപ്പൊലിയുടെയും വാദ്യമേളങ്ങളുടെയും അകമ്പടിയോടെ വേദിയിലേക്ക് എതിരേൽക്കും. സമ്മേളനത്തിൽ വച്ച് മുംബൈയിലെ വിവിധ ഹൈന്ദവസംഘടനകൾ സാധ്വി പ്രജ്ഞാ സിംഗ് ഠാക്കൂറിന് സ്വീകരണം നല്കും . മഹാരാഷ്ട്രയിലെ പ്രമുഖ സന്യാസി ശ്രേഷ്ഠൻമാരും ഹൈന്ദവ സംഘടനാ നേതാക്കളും സ്വീകരണ സമ്മേളനത്തിൽ സംസാരിക്കും. സമ്മേളനത്തിന്റെ വിജയകരമായ നടത്തിപ്പിനായി വിവിധ ഹൈന്ദവ സംഘടനകളുടെ യോഗം ഉടൻ വിളിച്ച് ചേർക്കുമെന്ന് വസായ് സനാതനധർമ്മ സഭ അദ്ധ്യക്ഷൻ കെ.ബി ഉത്തംകുമാർ പറഞ്ഞു.

കൂടുതൽ വിവരങ്ങൾക്ക് ബന്ധപ്പെടുക ph:9323528197