താനെ: ഹിൽ ഗാർഡൻ അയ്യപ്പ ഭക്ത സംഘം താനെയിലെ കൊങ്കിണിപാടയിലുള്ള മുനിസിപ്പാലിറ്റി സ്കൂളിൽ വിദ്യാർഥികൾക്ക് ആവശ്യമായ പഠനസാമഗ്രികൾ, നോട്ടബുക്ക് എന്നിവ വിതരണം ചെയ്തു. സാമ്പത്തികമായി പിന്നോക്കം നിൽക്കുന്ന പ്രദേശങ്ങളിൽ നിന്നും വരുന്ന കുട്ടികൾ പഠിക്കുന്ന ഏട്ടാം ക്‌ളാസുവരെയുള്ള ഈ സ്കൂളിൽ ഏതാണ്ട് 185 കുട്ടികളോളം പഠിക്കുന്നുണ്ട്.
ഈ വർഷത്തെ പഠനോപകരണങ്ങളുടെയും, ബുക്കുകളുടെയും വിതരണം ശനിയാഴ്ച ജൂൺ 22ന് രാവിലെ 9 മണിക്ക് നടന്നു.ഭക്ത സംഘത്തിൻ്റെ ഭാരാവാഹികൾക്ക് ഒപ്പം മാക്സ് ഫൌണ്ടേഷൻ റീജിയണൽ ഹെഡ് ആയ വിജി വെങ്കടെഷ് മധു സുദൻ മേനോൻ, രാജശ്രീ ജോഷി, രുചിത മനേതി എന്നിവർ പങ്കെടുത്തു.
ചടങ്ങിൽ വിജി വെങ്കടേഷ്‌ , രാജശ്രീ ജോഷി , ശശികുമാർ നായർ, കെ.ശിവൻ എന്നിവർ കുട്ടികളെ അതിസമ്പോതന ചെയ്ത് സംസാരിച്ചു. പഠനോപകരണങ്ങളുടെയും, ബുക്കുകളുടെയും വിതരണം നടത്തിയപ്പോൾ, അധ്യാപകരും, അഭ്യുദയകാംഷികളും നൽകിയ ഉഷ്മളമായ പ്രോത്സാഹനം ആവേശം പകരുന്നതായിരുന്നുവെന്ന് ശശി കുമാർ നായർ പറഞ്ഞു.