ന്യൂഡൽഹി: സാങ്കേതിക പ്രശ്നം മൂലം താഴെയിറങ്ങാനാകാതെ ആകാശത്ത് വട്ടമിട്ട് പറന്ന് എയർ ഇന്ത്യ വിമാനം. 141 യാത്രക്കാരുള്ള വിമാനമാണ് രണ്ടു മണിക്കൂറോളമായി തമിഴ്നാട്ടിലെ തിരുച്ചിറപ്പിള്ളിക്കു മേലെ വട്ടമിട്ടു പറക്കുന്നത്. ഹൈഡ്രോളിക് ഫെയിലിയർ ആണ് പ്രശ്നകാരണമെന്നാണ് റിപ്പോർട്ട്. തിരുച്ചിറപ്പിള്ളിയിൽ നിന്ന് ഷാർജയിലേക്കുള്ള വിമാനം തിരുച്ചിറപ്പിള്ളി വിമാനത്താവളത്തിലേക്ക് ഇറക്കാനാണ് ശ്രമം.

ഇതിനു മുന്നോടിയായി വിമാനത്തിലെ ഇന്ധനം പരമാവധി തീർക്കാനുള്ള ശ്രമത്തിലാണ് ജീവനക്കാർ.

വലിയ അപകടം ഒഴിവാക്കാനായുള്ള ശ്രമങ്ങൾ സജീവമാണ്. വിമാനത്താവളത്തിൽ ഇരുപതോളം ആംബുലൻസുകളും ഫയർ എൻജിനുകളും സജ്ജമാക്കിയിട്ടുണ്ട്.