ന്യൂഡൽഹി : കേന്ദ്ര സായുധ പൊലീസ് സേന തസ്തികകളിലേക്കുള്ള പരീക്ഷ ഇനി മലയാളത്തിലും എഴുതാം. ഇതുവരെ ഇംഗ്ലിഷ്, ഹിന്ദി ഭാഷകളിൽ എഴുതാൻ മാത്രമാണ് അവസരമുണ്ടായിരുന്നത്. പ്രാദേശിക ഭാഷകളെ പ്രോത്സാഹിപ്പിക്കുന്ന നടപടികളുടെ ഭാഗമായാണ് കേന്ദ്ര ആഭ്യന്തര മന്ത്രാലയത്തിന്‍റെ ഈ തീരുമാനം. പതിമൂന്നു പ്രാദേശിക ഭാഷകളിൽ എഴുതാൻ അവസരമുണ്ട്. നിരവധി പേർക്ക് ഈ തീരുമാനത്തിന്‍റെ പ്രയോജനം ലഭിക്കും.
മലയാളത്തിനു പുറമെ ആസാമീസ്, ബംഗാളി, ഗുജറാത്തി, മറാത്തി, കന്നഡ, തമിഴ്, തെലുങ്ക്, ഒഡിയ, ഉറുദു, പഞ്ചാബി, മണിപ്പൂരി, കൊങ്കണി ഭാഷകളിലും എഴുതാൻ അവസരമുണ്ടാകും. അടുത്ത വർഷം മുതൽ പ്രാബല്യത്തിൽ വരും. യുവാക്കളെ സേനയിലേക്കു കൂടുതൽ അടുപ്പിക്കാനാണ് ഈ തീരുമാനം.